1Gosi N na trata di kusas ku bo skirbin del. Bo fala kuma i bon pa omi ka kasa,
2ma, pabia i ten manga di pekadu seksual, kada omi dibi di tene si propi minjer; minjer tambi si propi maridu.
3Omi dibi di fasi si deverEf 5.22-33; 1 Ped 3.7 suma maridu. Minjer tambi dibi di fasi si dever suma minjer.
4Minjer i ka dunu di si kurpu, ma i si maridu ku tenel. Omi tambi i ka dunu di si kurpu, ma i si minjer ku tenel.
5Bo ka dibi di nega vontadi di ŋutru,Sai 19.15; 1 Sam 21.4 son si bo konkorda pa lunjusi di ŋutru un bokadu, pa da tempu pa orason. Dipus, bo ta junta mas, pa ka Satanas tenta bos si bo ten falta di disiplina.
6E kusa ku N konta bos, bo pudi fasil, ma i ka mandamentu,
7pabia N mistiba pa tudu omi sedu suma mi, ma kada kin tene si don ku Deus dal, un de manera, utru di utru manera.
8N na fala pa solterus ku viuvas kuma i bon pa e fikaKap 9.5 suma mi,
9ma si e ka pudi domina se kurpu, e dibi di1 Tim 5.14 kasa, pabia i minjor kasa di ki yardi ku vontadi di kasa.
10Pa kilis ku kasadu, N tene mandamentu, ma i ka di mi, i di Siñor, kuma minjer ka dibi di bandonaMal 2.14-16; Mat 5.32; 19.4-6,9 si maridu,
11ma si i bandonal, pa i fika sin kasa, o nta pa i torna ku si maridu. Maridu tambi pa ka i larga si minjer.
12Pa utrus N na fala (ma i ka suma i Siñor ku na fala): si un ermon tene minjer ki ka krenti, si minjer seta fika ku el, pa ka i largal.
13Si minjer tambi tene maridu ki ka krenti, maridu seta fika ku el, pa ka i largal.
14Maridu ki ka krenti i pertensi Deus pabia di si minjer. Minjer tambi ki ka krenti i pertensi Deus pabia di si maridu krenti. Si i ka asin ba, bo fijusMal 2.15 e ka ta pertensiba Deus, ma na bardadi e pertensil.
15Si maridu o minjer ki ka krenti misti separa di kil ki krenti, i pudi separa. Asin maridu o minjer ki krenti i ta fika libri di obrigason, pabia Deus comanu paKap 14.33; Rom 15.33 pas.
16Abo minjer krenti, kuma ku bu pudi sibi si bu na salba1 Ped 3.1 bu maridu? O abo maridu, kuma ku bu pudi sibi si bu na salba bu minjer?
17Kada un dibi di kontinua vivi konformi don ku Siñor dal, suma ki staba oca Deus comal. Es ku N ta nsina na tuduKap 4.17 igreẑa.
18Si Deus coma un algin dipus di i sirkunsidadu, pa i fika asin. Si Deus coma algin ku ka sirkunsidadu, ka i sirkunsida.
19SirkunsisonRom 2.25; Gal 5.6; 6.15; Kol 3.11; 1 Jon 3.24 i ka nada. Tambi falta di sirkunsison i ka nada. Kusa ki importanti i pa obdisi mandamentu di Deus.
20Kada un pa i fika na stadu ki comadu nel.
21Si bu comadu ocauGal 3.28 katibu, ka bu kuda kila, ma si bu ten manera di fika libri, purbita.
22Kil ku Siñor coma, mesmu ki sedu katibu, i omi libriJon 8.36; Rom 6.18; Filem 16 ku pertensi Siñor. Kil tambi ku comadu, nin ki seduGal 5.13; Ef 6.6; 1 Ped 2.16 libri, i katibu di Kristu.
23Bo kumpraduKap 6.20 pa bon pres. Ka bo torna sedu katibuSir 25.42 di omi.
24Ermons, kada un dibi di fika dianti di Deus suma ki staba oca i comadu.
25Aserka di kilis ki solteru, N ka tene ordiKap 7.6,40; 2 Kor 8.8,10 di Siñor, ma N ta da ña opinion, suma kin ki di fiansa1 Tim 1.12,16 pabia di miserikordia di Siñor.
26Na un tempu di kansera suma no sta nel, N oja kuma un omi dibi di fika na manera ki sta.
27Si bu tene minjer, ka bu buska separa del. Si bu ka tene, ka bu buska minjer,
28ma si bu kasa, i ka kuma bu peka. Si bajuda kasa, tambi i ka peka, ma tudu ku kasa na sufri kansera na kurpu. I el ku N misti libra bos del.
29Ke ku N misti fala bos, ermons, kuma tempu sta kurtu. Gosi, kil ku tene minjer, pa i sta suma i ka tene.
30Kilis ku na cora, pa e sedu suma e ka na cora; kilis ku sta kontenti pa e fasi suma e ka kontenti; kilis ku na kumpra, suma e ka na rakada.
31Kilis ku ta okupa ku tarbaju de mundu li, pa ka e fika suma kin ku maradu nel, pabia mundu, na maneraTia 4.14; 1 Ped 1.24; 1 Jon 2.17 ki sta gosi, i ka na tarda, i na pasa.
32N ka misti pa bo tene manga di kudadi. Omi ku ka kasa, i ta kuda na tarbaju di Siñor, manera ki pudi pui Siñor kontenti,
33ma omi kasadu i ta kuda na kusa di mundu, kuma ki na fasi si minjer kontenti.
34Asin i ta tene dus pensamentu. Un bajuda o un minjer ku ka kasa, i ta kuda sonLuk 2.36-37; 1 Tim 5.5 na tarbaju di Siñor. Si vontadi i pa ntregal si kurpu ku si spiritu, ma minjer kasadu, si kudadi i son na kusas de mundu, kuma ki pudi fasi si omi kontenti.
35Suma ku N fala asin, N ka misti pa bo fika prezu, ma N misti juda bos pa bo fasi kusa diritu, limpu, ku bo ka ta fika mbaransadu ku nada, pa bo pudi sirbi Siñor.
36Na kasu di omi ku si bajuda ke ka kasa, si omi sinti kuma i ka na trata ben ku si bajuda, suma ki na pasa idadi di kasa, omi tambi i na sinti vontadi di kasa, i pudi kasa suma i misti; i ka na peka.
37Ma si un omi sinti kuma i sta firmi na si pensamentu, sin ningin ka na pincal, i ten puder riba di si vontadi, si i rezolvi na si kabesa ki na disa si minina virẑen, i ta fasi ben.
38De manera, kil ku kasa ku si bajuda, i fasi ben, ma kil ku ka kasa, i fasi mas ben.
39Minjer kasadu i ta sta ligaduRom 7.2 ku si omi nkuantu kila bibu, ma si i muri, minjer ta fika libri pa kasa ku kin ki misti, ma son2 Kor 6.14 si omi i krenti tambi,
40ma i ta sta mas kontenti si i fika suma ki sta. Es i ña opinion, ma N kuda kuma N tene tambi Spiritu di Deus.
Who We AreWhat We EelieveWhat We Do
2025 by iamachristian.org,Inc All rights reserved.
