Ezekiel 1 - Portuguese Creole Bible, Guinea-Bissau

Vison di kirubins

1Na dia 5 di kuartu mis di anu 30, oca ku N staba na metadi di katibus lungu di riu Kebar, seuMat 3.16; At 7.56; 10.11; Apok 4.1; 19.11 yabri, N oja visons di Deus.

2Na dia 5 di mis, na kintu anu di katiberasku di rei2 Re 24.12-15 Joakin,

3SIÑOR bin papia ku saserdoti Ezekiel, fiju di Buzi, na tera di Babilonia, lungu di riu Kebar. MonKap 3.22; 8.1; 2 Re 3.15 di SIÑOR staba riba del.

4N jubi, N oja un turbada di bentuJer 1.14; 25.32 ku na bin di norti, ku un nuven garandi, ku raius di relampagu ku garandi lus na si roda. Na si metadi i tenba un kusa ku na lampraba suma metal dentru di fugu.

5Dentru del i tenba kil ku parsi ku kuatruApok 4.6 kriatura bibu ku teneba forma suma omi.

6Kada un teneba kuatru rostu ku kuatru asa.

7Se pernas staba filadu; patas di se pe seduba suma pe di fiju di baka; e na lampraba suma kobriDan 10.6; Apok 1.15 pulidu.

8E teneba mon di omiKap 10.8,21 bas di kada un di se asas na ki kuatru ladu. Asin tudu kuatru teneba se rostus ku se asas.

9Se asas ta tokaba na ŋutru. E ka ta vira ora ke naKap 10.11 yanda; kada kin ta yandaba dianti di si rostu.

10Se rostus seduba asin: kada un teneba rostu diApok 4.7 omi; na si mon direita i teneba rostu di lion; na mon skerda i teneba rostu di turu; i teneba tambi rostu di agia. Asin ku se rostus seduba.

11Dus di se asas distindidu pa riba; kada un ta toka na ponta di asa di si kumpañer. Ku ki utru dus asa e kubriIs 6.2 se kurpu.

12Kada kin ta yandaba pa dianti. Kau ku spiritu misti bai, e ta bai. Ora ke na yanda, e ka ta vira.

13Parsensa di ki kriaturas bibu i seduba suma karbon ku na yardi, o suma toŝa. Fugu ta kuriba pa dianti ku tras na metadi di kriaturas. Ki fugu ta lampra ku forsa; raiusApok 4.5 ta sai nel.

14Ki kriaturas ta kuri pa dianti ku tras, suma raius di relampagu.

15Oca ku N jubi ki kriaturas bibu, N oja un rodaKap 10.9-10 na con na ladu di kada un.

16Parsensa di rodas sedu asin: e na lampra suma ki pedra di balur ku comaduDan 10.6 turkesa; tudu kuatru e seduba mesmu. Manera ke kumpudu i seduba suma un roda ku sta dentru di utru.

17Ora ke na yanda, e pudi bai pa kualker ladu, ma rodas ka ta kurva.

18Ki rodas seduba altu, meduñu; tudu kuatru teneba arkus ku inci ujuKap 10.12 na se roda.

19Ora ku ki kuatru kriatura bibuKap 10.16-17 na yandaba, rodas ta yanda juntu ku elis. Si kriaturas lanta na con, rodas tambi ta lanta.

20Kau ku spiritu misti bai, ki kriaturas ta bai la; rodas tambi ta lanta juntu ku elis, pabia spiritu di kriaturas bibu staba na rodas.

21Ora ku kriaturas bibu na yanda, rodas tambi na yanda; ora ke para, rodas tambi ta para. Si e lanta na con, rodas tambi ta lanta juntu ku elis, pabia spiritu di kriaturas bibu staba na rodas.

22Riba di kabesa di kriaturas bibu i tenba un kusa distindidu ku parsiKap 10.1 ku seu, meduñu, suma jelu ku na lampra.

23Bas di ki seu, ki kriaturas distindi se asas pa toka na asas di se kumpañeris; kada un teneba mas dus asa pa kubri si kurpu.

24Oca ke na yanda, N obi baruju di se asas suma baruju di korentiKap 10.5; 43.2; Sal 29.3; Apok 1.15 di yagu, suma fála di Deus ku ten tudu puder, o suma baruju di manga di tropa. Si e para, e ta baŝaba se asas.

25I bin un fála riba di ki seu ku staba riba di se kabesa, oca ke staba paradu ku asas baŝadu.

26Riba di ki seu i tenba un kusa ku parsi tronuKap 10.1 ku kumpudu di pedra di balur ku comaduSai 24.10 safira. Sintadu la riba di tronu i tenba kil ku parsi ku omi.

27N oja di si sintura pa riba i parsiba ku metal ku na lampra, suma fuguKap 8.2 sta dentru del; di la pa bas N oja suma fugu, ku lus ku na lampra na si roda.

28Ki lus na roda i parsiba ku arku-irisApok 4.3; 10.1 ku ta sai na nuven na tempu di cuba.

Asin ku parsensa di gloriaKap 3.23; 8.4 di SIÑOR seduba. Oca ku N ojal, N kai ku rostu na con, N obi vos di algin ku na papiaba.