Ezekiel 22 - Portuguese Creole Bible, Guinea-Bissau

Pekadus di Jerusalen

1SIÑOR bin papia ku mi, i falan:

2“Fiju di omi, bu sta pruntu pa julgaKap 16.2-3; 24.6,9 ki prasa ku ta darma sangi? Pul pa i rapara si kustumus nujenti,

3bu fala kuma asin ku SIÑOR Deus fala: ‘Ai di prasa2 Re 21.16; Naun 3.1 ku ta darma sangi dentru di si mura. I ta kumpu idulus ku ta kontaminal. Tempu na ciga ku si pekadu na kai riba di si kabesa.

4Ki sangi ku bu darma i fasiu kulpadu; bu kontamina pabia di ki idulus ku bu kumpu. Bu korta bu dias, bu pui fin di bu anus pa i ciga. E ku manda N fasiu un kusa di trosaLei 28.37; Dan 9.16 pa nasons; jinti di tudu teras na ri di bo.

5Abo, prasa di mau fama, ku inci kunfuson, nasons ku sta lunju di bo ku kilis ku sta pertu e na fasiu trosa.

6“‘Jubi kuma ku ŝefisMik 3.1-3; Sof 3.3 di Israel ku sta na bo, kada kin na darma sangi konformi si forsa.

7Dentru di bu mura e njuti papes kuSai 21.17; 22.21-22 mames, e kalka ospris, tudu ku orfans ku viuvas.

8Bu njuti ña kusas sagradu, bu kontamina ña diasKap 20.12-13; 23.38 di diskansu.

9Utru di bu jinti ta konta mintidaSir 19.16 pa utrus pa e pudi matadu. Utrus ta kume karni di ronia na bu kaus altu, e ta fasi kusas di borgoña.

10Utrus bai dita ku minjerKap 18.6; 1 Kor 5.1 di se pape; utrus abusa na minjeris na se tempu di mistrason, oca ke sta impuru.

11Utru bai dita ku minjer di si visiñu; utru kontaminaKap 33.26; Sir 18.9,20; 20.10,17; Jer 5.8 minjer di si fiju, utru abusa na si irma, fiju femia di si pape.

12Utru di bu jintiKap 18.13; Sai 22.25; 23.8; Lei 27.25 e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisiLei 32.18 di mi. Asin ku SIÑOR Deus fala.

13“‘N suta ña mon kontra bu ruñesa, pabia di sangi ku darmadu dentru di bu mura.

14Nta na dia ku N trata ku bo, bu korson na fika forti? Bu mon na ten forsa inda? Ami, SIÑOR, N fala e kusa; N na fasil.

15N na pajigauKap 20.23; Lei 28.64 na metadi di nasons na utru teras; N na kaba ku tudu bu pekadu susu.

16Bu na sedu kontaminadu na uju di nasons, ma bu na sibi kuma ami i SIÑOR.’ ”

Furnu di purifikason

17SIÑOR bin papia ku mi, i falan:

18“Fiju di omi, pobu di Israel gosi ka tenIs 1.22 balur pa mi. Elis tudu e sedu suma kobri, lata, feru ku cumbu ku fika na furnu dipus di prata rifinadu.

19E ku manda SIÑOR Deus fala: ‘Manera ku abos tudu bo torna suma un kusa ku ka bali, N na junta bos na metadi di Jerusalen

20suma ke ta junta prata, kobri, feru, cumbu ku lata dentru di furnu; e ta supra fugu riba delis pa e ribi. Asin N na junta bos na prasa; ña raiba na yardi riba di bos tok bo ribi.

21Sin, N na junta bos, N supra fugu di ña raiba riba di bos, tok bo ribi dentru di prasa.

22Suma ku prata ta ribi na furnu, asin ku bo na ribi na prasa. Bo na sibi kuma ami, SIÑOR, N darma ña raiba riba di bos.’ ”

Pekadu di ŝefis di Israel

23SIÑOR bin papia ku mi, i falan:

24“Fiju di omi, fala pobu di Israel kuma se tera i ka purifikadu, nin i ka tene cuba na dia di raiba.

25Se ŝefisOs 6.9; Mik 3.11; Sof 3.3-4; Mat 23.14 na ruma planu; e sta suma lion ku na somna riba di limaria ki paña. E ta mata jinti, e toma rikesas ku kusas di balur, e ta buri numeru di viuvas na tera.

26Se saserdotisKap 44.23; Sir 10.10; 22.2 ta kebra ña lei, e kontamina ña kusas sagradu; e ka ta diferensia kusas sagradu ku kilis ki ka sagradu, e ka ta nsina diferensa di kusa puru ku kusa impuru. E ka ta mporta ku ña dias di diskansu. Asin, pobu di Israel ka ta rispitan.

27Se funsionarius sedu suma lubus ku ta rabata limaria ke paña. E ta darmaKap 22.6 sangi, e mata pa ngaña lukru na tarpasa.

28Se anunsiaduris ta kubri ki pekadus suma ku omis ta kaia paredi ku kaKap 13.6-7,10-12; 21.29 robokadu; e ta oja visons falsu, e ta fasi adiviñas di mintida; e ta fala: ‘Asin ku SIÑOR Deus fala’ kontra SIÑOR ka fala nada.

29Pobu di Israel ta kalkaKap 18.12; 22.7; Jer 5.26 jinti ku forsa, e ta yanda na furtu ku violensia; e ta trata mal kil ku foronta, ku kil ku ten falta; e ta kalka stranjeru, sin roson.

30“N buska na se metadi un omi ku pudi kumpu mura,Kap 13.5 pa i pudi firma na buraku ña dianti pa difindi e tera, pa N ka bin kaba ku el, ma N ka oja ningin.

31Pabia di kila N darma ña raiba riba delis pa i sedu fugu pa kaba ku elis. N pui kusas mau ke fasi pa e kai riba di se kabesa. Asin ku SIÑOR Deus fala.”