2 Koríntius 2 - Portuguese Creole Bible, Guinea-Bissau

1Asin N rezolvi pa N ka bai mas nunde bos kuKap 12.20-21 tristesa,

2pabia, si N fasi bos tristi, kin ku ta dan alegria, si i ka kilis ku N fasi tristi?

3E ku manda N skirbi bos ki karta. N ka mistiba bai la, pa jinti ku dibi di fasin alegri pa e fasin tristi. N fiansa kuma, si ami N sta kontenti, abos tudu bo ta sta kontenti tambi.

4N skirbi bosKap 7.8-9,12 ku korson fadigadu ku tristesa, ku manga di larma. I ka pa bo fika tristi, ma i pa bo pudi sibi kuma ku N kiri bos ciu dimas.

Purdon pa kil ku yara

5Ki algin1 Kor 5.1 ku tisi e kansera, i ka ami ki pui mas tristi, ma i pui kasabi pa bos tudu, o pelu menus, pa utrus na bo metadi, pa N ka pasanta palabra. N ka misti sedu risu dimas ku el;

6kastigu1 Kor 5.4-5 ku mas parti di bos dal i justal.

7Gosi bo dibi di purdal, bo animal, pa ka i fika ku garandi tristesa tok i disanima dimas.

8N pidi bos pa bo mostral ki garandi amor ku bo ten pa el.

9N skirbi bos pa N jubi kuma ku bo sufri e proba, si bo ta obdisin na tudu ku N fala.

10Si bo purda algin kualker ofensa, ami tambi N purdal. Ora ku N purda (si kontra i ten kualker kusa pa N purda), N fasil dianti di Kristu pabia di bos, pa ka Satanas bin ten forsa riba di nos,

11pabia no sibi kal ki si planu1 Ped 5.8 mau.

12Oca ku N ciga TroasAt 16.8; 20.6 pa konta Bon Noba di Kristu, N oja kuma Siñor yabribaAt 14.27 kamiñu pa N tarbaja la.

13N staba tarpajadu dentru di mi suma ku N ka oja ña ermon TituKap 7.5-6 la. E ku manda N dispidi elis, N bai pa Masedonia.

Tarbaju di Paulu

14No pudi fala Deus obrigadu, el ku ta lebanu suma katibu di vitoria di Kristu. I ta usanu pa no fasil kunsidu na tudu parti suma purfumu ku na spaja,

15pabia no sedu suma ki ceru sabi di nsensu ku Kristu na kema pa Deus. Kilis ku na salba, tudu ku1 Kor 1.18 kilis ku na pirdi, e na sinti ki ceru.

16Pa kilis ku na pirdi1 Ped 2.7-8 i suma un ceru fedi ku ta mata, ma pa kilis ku na salba i un purfumu di saudi ku ta da vida. Kin ki kapas pa e tarbaju li?

17No ka sta suma manga di utru jinti ku ta konta palabra son ku interesKap 1.12; 2 Ped 2.3 di ngaña, ma dianti di Deus no ta fala di Kristu na bardadi, suma ku Deus mandanu.