Isaias 22 - Portuguese Creole Bible, Guinea-Bissau

Anunsiu aserka di Jerusalen

1Es i rekadu di Deus aserka di Kobon di Vison.

Ke ku ten, manera ku bo subi tudu riba di kasas?

2Prasa turmentadu, ku baruju ku parodia! Bu mortus ka matadu ku spada nin e ka muri na gera.

3Tudu bu ŝefis kuri juntu, e pañadu sin usa mansasa. Tudu jinti di prasa kuri lunju, ma e pañadu juntu.

4Bo tira bo uju na mi, bo disan pa N coraJer 4.19; 9.1 risu. Ka bo nsisti na konsolan, pabia ña pobu kabadu ku el.

5SIÑOR Deus ku ten tudu puder i manda e dia di baruju, di jumbulumani ku kunfuson, na Kobon di Vison. Muras na batidu; gritu di jinti na bai te na montañas.

6ElanKap 21.2; Kum 10.22; Jer 49.34-39 na bin ku karus ku tropas di kabalus, yarmadu ku sakus di fleŝas. Omis di KirKap 15.1 pruntia se tajaderas.

7Bu kobons mas bonitu inci karus; tropas di kabalu sta na ordi na portons.

8Difesa di Judá na tiradu.

Na ki dia bu na bai buska material di gera na Kasa1 Re 7.2; 10.17 di Floresta.

9Bo na nota kaus ku dana2 Kron 32.4,5,30; Ne 2.13 na muras di prasa di Davi, pabia e ciu. Bo na junta yagu na lagua di bas.

10Tambi bo na fasi konta di kasas di Jerusalen, bo na bati utrus pa kumpu muras.

11Bo kumpu tambi un kau di guarda yaguNe 3.16 na metadi di dus mura, pa paña yagu ku na bin di lagua antigu, ma bo ka jubi pa riba, pa DeusKap 31.1 ku kumpul, nin bo ka pensa na ki algin ku formal na tempu antigu.

12SIÑOR, SIÑOR ku ten tudu puder, i coma bosJoe 1.13-14; 2.17; Tia 4.8-10 na ki dia pa bo cora, bo miskiña, bo rapaKap 15.2; Esd 9.3-4; Jo 1.20; Am 8.10; Jona 3.6; Mik 1.16 kabesa, bo mara saku.

13Ma ke ki na oja? Bo na ri, bo kontenti, bo mata bakas ku karnel, bo kume karni, bo bibi biñu, bo fala: “No kume,Kap 5.12; 56.12; Luk 12.19; 1 Kor 15.32 no bibi, pabia amaña no na muri.”

14SIÑOR ku ten tudu puderKap 5.9; 1 Sam 3.10 papia na ña oreja, i fala: “Na bardadi e maldadi ka na purdadu te na dia ku bo muri.” Asin ku SIÑOR Deus ku ten tudu puder fala.

Sebna baŝadu, Eliakin yalsadu

15SIÑOR Deus ku ten tudu puder falan pa N bai papia ku Sebna, ki ŝef ku ten konta di kasa di rei, N puntal:

16“Kal diritu ku bu ten li? Kin ku dau lisensa pa yabri un koba li? Bu kuji e kau altu, bu na koba na pedra ku pikareta pa ranja bu kauKap 14.18; Mat 27.60 di nteru.

17Jubi, abo i omi forti, ma SIÑOR na pañau diritu, i botau ku forsa.

18I na dobrau, i fasiu suma bola, i botau na un tera garandi, largu. La ku bu na muri; ki karus ku bu ta ronka ku el, la ke na fika. Abo i borgoña pa kasa di bu mestre.

19SIÑOR na tirau na bu tarbaju, i na batiu na bu pusison altu.

20“Na ki dia N na coma ña servu Eliakin, fiju di Ilkias,Kap 36.3,11,22; 37.2

21N na bistil ku bu farda, N maral ku bu sintu, N ntregal bu otridadi. I na sedu suma pape pa moraduris di Jerusalen ku jorson di Judá.

22N na pui cabiJo 12.14; Mat 16.19; 18.18-19; Apok 3.7 di kasa di Davi na si ombra. Si i yabri, ningin ka na fica; si i fica, ningin ka na yabri.

23N na fiksal suma pregu na kauEsd 9.8 suguru; i na sedu fonti di rispitu pa familia di si pape.

24“Tudu si parentis tokadu ku kilis mas lunju e na bin pindra riba del, suma manga di kusa suma tiẑelas ku garafas ta pindradu na un pregu.

25Na ki tempu, ki pregu ku pregadu na kau suguru i na kumsa yogoli, i ŋonki pa bas, i kai. Ki kusas ku pindraduba nel na kai tudu.” Asin ku SIÑOR ku ten tudu puder fala.