Ezekiel 15 - Portuguese Creole Bible, Guinea-Bissau

Pe di uva ku ka bali

1SIÑOR bin papia ku mi, i falan:

2“Fiju di omi, na kal manera ku madera di pe di uva i minjor di ki ramu di kualker utru po na matu?

3Nta jinti ta toma si madera pa kumpu kualker kusa? O e ta tomal pa fasi kabidu pa pindra ropa?

4Ora ki botadu na fugu suma leña, tudu si dus ladu kema tok i kaba, parti di metadi paña fugu ma i ka kaba kema, i pudi sirbi pa fasi utru kusa me?

5Oca ki ka puduba inda na fugu, i ka baliba pa fasi utru kusa. Gosi i mas ka bali pa kumpu kusa, pabia utru parti kaba kema, utru parti pega fugu ma i ka kaba kema.

6“Pabia di kila, SIÑOR Deus fala: Pe di uva ku sta na metadi di utru arvuris na matu i distinadu son pa kema na fugu. Asin ku N na bin ntrega jinti ku mora na Jerusalen.

7N na pui ña rostu kontra elis. E kapli di fugu, ma fugu na kaba ku elis. Bo na sibi kuma ami i SIÑOR ora ku N pui ña rostu kontra elis.

8N na bin bidanta tera suma lala, pabia e fasi pekadu garandi. Asin ku SIÑOR Deus fala.”