Numerus 26 - Portuguese Creole Bible, Guinea-Bissau

Resensiamentu di israelitas

1Dipus di ki praga pasa, SIÑOR papia ku Moisés ku Eleazar, fiju di saserdoti Aron, i fala elis:

2“Bo fasi konta di tudu kumunidadiKap 1; 2; 3; Sai 30.12; 38.25-26 di fijus di Israel, familia pa familia, bo skirbi kilis di vinti anu pa riba, ku ciga bai tropa.”

3Na bulañasKap 26.63; 22.1 di Moab, pertu di riu Jordon, filadu ku Jerikó, Moisés ku saserdoti Eleazar papia ku pobu, e fala:

4“Bo fasi konta di omis di vinti anu pa riba, konformiKap 1.1-3 SIÑOR manda Moisés.”

Esis i fijus di Israel ku sai na Ejitu:

5Jorson diKum 29.32–30.24; 35.18; 46.8-24; Lei 33.6-25; 1 Kron 5.1-10 Ruben, purmeru fiju di Israel, i seduba: Enok, pape di familia di enokitas; Palú, pape di familia di paluitas;

6Ezron, pape di familia di ezronitas; Karmi, pape di familia di karmitas.

7Esis i familias di rubenitas; kilis ku kontadu e seduba 43.730.

8Fiju di Palú i Eliab.

9Fijus di Eliab i Nemuel, Datan ku Abiran. Ki Datan ku AbiranKap 16 e kujiduba suma ŝefis di kumunidadi, ma e lanta kontra Moisés ku Aron, e junta ku jinti di Koré oca ke lanta kontra SIÑOR.

10Con yabri, i nguli elis juntu ku Koré. Ki jinti di Koré e muri oca fugu kaba ku duzentus i sinkuenta omi. E torna suma avisu pa utru jinti,

11ma fijus di Koré ka muri.

12Jorson di1 Kron 4.24-43 Simeon, konformi se familias, e seduba: Nemuel, pape di familia di nemuelitas; Jamin, pape di jaminitas; Jakin, pape di jakinitas;

13Zerá, pape di zeraitas; Saul, pape di saulitas.

14Esis i familias di simeonitas; e seduba 22.200.

15Jorson di1 Kron 5.11-17 Gad, konformi se familias, e seduba: Zefon, pape di familia di zefonitas; Aji, pape di ajitas; Suni, pape di sunitas;

16Ozni, pape di oznitas; Erí, pape di eritas;

17Arodi, pape di aroditas, Areli, pape di arelitas.

18Esis i familias di fijus di Gad. Kilis ku kontadu e seduba 40.500.

19Fijus di1 Kron 2.3 Judá e seduba Er ku Onan, ma e muri na tera di Kanaan.

20Jorson di Judá, konformi se familias, e seduba: Selá, pape di familia di selanitas; Perez, pape di perezitas; Zerá, pape di zeraitas.

21Fijus di Perez e seduba: Ezron, pape di familia di ezronitas; Amul, pape di amulitas.

22Esis i familias di Judá. Kilis ku kontadu e seduba 76.500.

23Jorson di1 Kron 7.1-5 Isakar, konformi se familias, e seduba: Tola, pape di familia di tolaitas; Puva, pape di puvitas;

24Jasub, pape di jasubitas; Sinron, pape di sinronitas.

25Esis i familias di Isakar. Kilis ku kontadu e seduba 64.300.

26Jorson diSai 1.3; Lei 33.18 Zebulon, konformi se familias, e seduba: Sered, pape di familia di sereditas; Elon, pape di elonitas; Jaleel, pape di jaleelitas.

27Esis i familias di Zebulon. Kilis ku kontadu e seduba 60.500.

28Fijus diKum 41.50-52 José, konformi se familias, e seduba Manasés ku Efrain.

29Fiju di ManasésJos 17.1; 1 Kron 7.14-19 i seduba Makir, pape di familia di makiritas. Makir padi Jilead, pape di jileaditas.

30Fijus di Jilead e seduba: Jezer, pape di familia di jezeritas; Elek, pape di elekitas;

31Asriel, pape di asrielitas; Siken, pape di sikenitas;

32Semida, pape di semidaitas; Efer, pape di eferitas.

33Zelofead, fiju di Efer, i ka teneba fiju macu, son femias ku teneba nomis di Makla, Noa, Ogla, Milka ku Tirza.

34Esis i familias di Manasés. Kilis ku kontadu e seduba 52.700.

35Fijus diKum 41.52; 1 Kron 7.20-29 Efrain, konformi se familias, e seduba: Sutela, pape di familia di sutelaitas; Beker, pape di bekeritas; Taan, pape di taanitas.

36Fiju di Sutela i seduba Eran, pape di familia di eranitas.

37Esis i familias di Efrain. Kilis ku kontadu e seduba 32.500. Esis i fijus di José, konformi se familias.

38Fijus di1 Kron 7.6 Benjamin, konformi se familias, e seduba: Belá, pape di familia di belaitas; Asbel, pape di asbelitas; Airan, pape di airanitas;

39Sufan, pape di sufanitas; Ufan, pape di ufanitas.

40Fijus di Belá e seduba Ard, pape di arditas, ku Naaman, pape di naamanitas.

41Esis i fijus di Benjamin, konformi se familias. Kilis ku kontadu e seduba 45.600.

42Fiju di DanKum 30.6; 46.23 i seduba Suan, pape di familia di suanitas, konformi si familias.

43Tudu kilis di familias di suanitas ku kontadu e seduba 64.400.

44Fijus di1 Kron 7.30-40 Aser, konformi se familias, e seduba: Imna, pape di familia di imnaitas; Isvi, pape di isvitas, Berias, pape di familia di beriítas.

45Fijus di Berias e seduba Eber, pape di eberitas, ku Malkiel, pape di malkielitas.

46Nomi di fiju femia di Aser i seduba Sera.

47Esis i familias di fijus di Aser. Kilis ku kontadu e seduba 53.400.

48Fijus diKum 46.24; 1 Kron 7.13 Naftali, konformi se familias, e seduba: Jazeel, pape di familia di jazeelitas; Guni, pape di gunitas;

49Jezer, pape di jezeritas; Silen, pape di silenitas.

50Esis i jorson di Naftali, konformi se familias. Kilis ku kontadu e seduba 45.400.

51Kilis di fijus di Israel ku kontaduKap 1.46; 2.32; Sai 12.37 e seduba 601.730.

Lei aserka di rapati tera

52SIÑOR fala Moisés:

53“Tera na rapatidu pa yardansaJos 11.23; 13.7; 14.1 konformi numeru di nomis.

54Bu na da yardansa mas garandi pa kilis ku ciu; kilis ku puku, bu na da elis yardansa mas puku. Kada jorson na dadu si yardansa konformi numeruKap 33.54; Jos 17.14 delis ku sta na lista.

55Bu na juga sortiKap 34.13; Jos 14.2; 18.6,10 pa rapati tera, konformi nomis di papes di jorsons.

56Asin pa sorti tera na rapatidu pa yardansa konformi numeru di jinti na kada jorson.”

Levitas ku kontadu

57Esis e sedu levitas1 Kron 6.1-53 ku kontadu konformi se familias: Jerson, pape di familia di jersonitas; Koat, pape di koatitas; Merari, pape di meraritas.

58Familias di Levi e sedu libnitas, ebronitas, malitas, musitas ku koraitas. Koat padi Anran.

59Nomi di minjer di Anran i sedu Jokebed, fiju femia ku padidu na Ejitu na jorson di Levi. Elis e padiSai 2.1-2; 6.20 Aron ku Moisés ku se irma Mirian.

60Aron padi Nadab, Abiu, Eleazar ku Itamar,

61ma Nadab ku Abiu e muriSir 10.1-2 oca ke leba fugu dianti di SIÑOR, ku ka staba konformi lei.

62Tudu macu di idadi di un mis pa riba ku kontadu e seduba 23.000. Elis e ka kontaduba juntuKap 1.49; 3.39; 18.20-24; Lei 10.9; 14.27-29; 18.1-2; Jos 13.14,33; 14.3 ku utru israelitas pabia e ka na dadu yardansa na Israel.

63Esis e seduba kilis ku Moisés ku saserdoti Eleazar konta oca ke fasi resensiamentu di fijus di Israel na bulaña di Moab lungu di riu Jordon di Jerikó.

64Nin un delis ka staba na konta oca ku Moisés ku saserdoti Aron fasi resensiamentuKap 1.2 di fijus di Israel na lala di Sinai,

65pabia SIÑOR falaba aserka di kilis ku matiba na Sinai kuma e ten ku muriKap 14.22-23; Lei 2.14-15; 1 Kor 10.5; Eb 3.17-19; Jud 5 na lala. Asin nin un delis ka fika, si i ka sedu Kaleb, fiju di Jefoné, ku Josué, fiju di Nun.