1Na terseru anu di renansa di Oseias, fiju di Elá, rei di Israel, Ezekias,Kap 16.20; 1 Kron 3.13; Mat 1.9 fiju di Akaz, rei di Judá, kumsa rena
2ku vinti i sinku anu di idadi; i rena vinti i novi anu na Jerusalen. Si mame seduba Abi, fiju di Zakarias.
3I yanda diritu dianti di SIÑOR, suma ku si pape Davi fasiba.
4I tira1 Re 15.11,14 ki kaus altu, i kebraLei 12.2-3 statuas, i durba idulus di Aserá. I padasa ki kobraNum 21.8-9 di metal ku Moisés kumpuba, pabia, te na ki tempu, fijus di Israel ta kemaba nsensu pa el; e comalba Neustan, ku signifika padas di kobri.
5Ezekias fiansaba na SIÑOR Deus di Israel. I ka tenba utru rei suma el na Judá, nin antis delKap 23.25 nin dipus del.
6I pega tras di SIÑOR, i ka para yanda ku el; i obdisiLei 5.32 tudu mandamentus ku SIÑOR daba Moisés.
7Asin SIÑOR staba ku el; tudu kusa ki sai pa bai fasi, i ta kurilJos 1.7-9 diritu. I lanta kontra rei di Asiria, i fika libri del.
8I ngaña riba di filisteus te na prasa di Gat ku tera na roda del; i toma tudu, desdi tori di bisia te na prasa fortifikadu.
9Na kuartu anu di si renansa, ku sedu setimu anu di renansa di Oseias, fiju di Elá, rei di Israel, Salmaneser, rei diKap 17.3-6 Asiria, marŝa kontra Samaria, i tajal.
10Na fin di tris anu, tropas di Asiria tomal. Asin Samaria tomadu na sestu anu di Ezekias, ku sedu nonu anu di Oseias, rei di Israel.
11Rei di Asiria transporta pobu di Israel pa Asiria, i manda elis pa Ala, pa Gozan, lungu di riu di Abor, tambi pa prasas di Media.
12Es kontisi pabia e ka obdisibaKap 17.7-23 SIÑOR se Deus, ma e kebra si kontratu ku tudu ordis ku Moisés, servu di SIÑOR, daba elis; e ka sukutalba, nin e ka obdisil.
Senakerib ataka Judá(2 Kron 32.1-19; Is 36.1-22)13Na anu 14 di renansa di Ezekias, Senakerib, rei di Asiria, ataka tudu prasas fortifikadu di Judá, i toma elis.
14Ezekias, rei di Judá, manda rekadu pa rei di Asiria ku staba na Lakís, i falal: “I ami1 Re 20.4 ku yarau; di fabur, riba bu disan. Kil ku bu misti kobran, N ta pagau.” Rei di Asiria pui Ezekias, rei di Judá, pa i pagal des tonolada di prata ku un tonolada di uru.
15Asin Ezekias dal tudu prata ku staba na kasa di SIÑOR1 Re 15.18 ku kasa di rei.
16Na ki tempu Ezekias tira uru ki kubriba portas ku arus di templu di SIÑOR ku el, i da rei di Asiria.
17Mesmu asin, di Lakís, rei di Asiria manda Tartan, Rab-Saris ku Rabsaké, ku manga di tropa, pa rei Ezekias na Jerusalen; e bai, e ciga Jerusalen, e para lungu di baletaKap 20.20; Is 7.3 di yagu ku na binba di pisina mas pa riba, ku sta lungu di kamiñu di kampu di omi ku ta laba ropa.
18E coma rei; Eliakin, fiju di Ilkias, nkargadu di kasa di rei,Kap 19.2; Is 22.15-24 ku Sebna ku sedu sekretariu, ku Joá, fiju di Asaf, ku ta skirbiba storia di renu, e bai kudi elis.
19Rabsaké fala elis: “Bo bai fala Ezekias kuma asin ku rei garandi fala, ku sedu rei di Asiria: ‘Ke ku bu na fiansa nel?
20Bu fala kuma jitu ku forsa ten pa gera, ma bu palabra i son di boka. Kin ku bu pensa kuma i na judau, manera ku bu na rebela kontra mi?
21Bu fiansa na Ejitu? Kila i manduku di kanaKap 17.4; Is 30.2-3,7; 31.1-3; Ez 29.6-7 ku kebra, ku ta fidi mon di kil ku ngosta nel. Asin ku Faraó, rei di Ejitu, sedu pa tudu jinti ku fiansa nel.
22Ma si bo falan kuma bo fiansa na SIÑORDan 3.15; Mat 27.43 bo Deus, i ka kil ku Ezekias tira si kaus altuKap 18.4 ku si altaris, i fala jinti di Judá ku Jerusalen pa e mpina son dianti di ki altar na Jerusalen?’
23“Bin fasi kontratu ku ña mestre, rei di Asiria; N ta dau dus mil kabalu si bu pudi oja jinti ku na monta nelis.
24Kuma ku bu pudi njuti kualker ŝef di ña mestre, nin si i ka sedu ningin na metadi di utru ŝefis? Ma abo bu fiansa na Ejitu pa i dau karus ku kabalerus!
25Nta bu kuda kuma N bin kontra e tera pa kaba ku el sin ordi di SIÑOR? SIÑOR propiKap 19.6,22 ku falan pa N bin kontra e tera pa N kaba ku el.”
26Eliakin, fiju di Ilkias, ku Sebna ku Joá e fala Rabsaké: “No pidiu pa bu fala ku bu servus na lingua aramaiku, pabia no ta obil. Ka bu papia ku nos na lingua di judeus, pa ka jinti ku sta riba di mura obi.”
27Ma Rabsaké punta: “Nta bu pensa kuma ña mestre mandan pa N fala e palabras son pa bo ku bu mestre? I ka mandan tambi pa e omis ku sinta riba di mura, ku na bin kume se propi susidadi, e bibi se misa, suma bos?”
28Dipus, Rabsaké firma, i papia risu na lingua judaiku, i fala: “Bo sukuta palabra di rei garandi, ku sedu rei di Asiria.
29I fala asin: ‘Ka bo disa Ezekias ngana bos, pabia i ka na pudi libra bos di ña mon,
30nin ka bo disal pa i pui bos pa bo fiansa na SIÑOR, manera ki na fala kuma, di sertesa, SIÑOR na libra bos; tambi kuma e prasaKap 19.32-34 ka na ntregadu na mon di rei di Asiria.’
31“Ka bo sukuta Ezekias, pabia asin ku rei di Asiria fala bos: ‘Bo sai pa mi pa no fasi pas; asin kada un pudi kume fruta di si propi pe di uva1 Re 4.25 ku si figera, i bibi yagu di si propi fonti,
32te ku N bin, N leba bos pa un tera sumaLei 8.7-9 di bos, tera di trigu ku biñu, pon ku pes di uva, oliveras, azeiti ku mel. Si bo obdisi, bo na vivi; bo ka na muri. Ka bo sukuta Ezekias, pabia i na ngana bos, i na fala kuma SIÑOR na libra bos.
33Nta deusis di kualker utru nason pudiba libra jinti di se tera di mon di rei di Asiria?
34Nunde ku deusisKap 17.6,23-24,30-31 di Amat ku di Arpad sta nel? O deusis di Sefarvain, Ena ku Iva? O i ten deusis ku libra Samaria na ña mon?
35Na tudu deusis di teras, kal ku pudiba libra se tera na ña mon? Nta kuma ku SIÑORSai 5.2 na libra Jerusalen na ña mon?’ ”
36Pobu fika kaladu; e ka ruspundi nin po nin pedra, pabia rei daba ordi pa ka ningin kudi elis.
37Eliakin, fiju di Ilkias, nkargadu di kasa di rei, ku Sebna ku sedu sekretariu, ku Joá, fiju di Asaf, ku ta skirbiba storia di renu, e rumpi se ropa, e bai pa Ezekias, e kontal tudu ku Rabsaké fala.
Who We AreWhat We EelieveWhat We Do
2025 by iamachristian.org,Inc All rights reserved.
