Jo Introduson - Portuguese Creole Bible, Guinea-Bissau

IntrodusonE libru poetiku trata di un purblema mundial, disna di tempus antigu te gosi — ki purblema di sufrimentu. Manga di bias na Biblia no lei aserka di benson pa jinti ku obdisi Deus, ku kastigu pa kilis ku disobdisil. Tris amigu bin pa visita Jo, pa konsolal. E teneba ideia forti kuma, si algin na sufri, i pabia i peka. Asin, e oja kuma Jo fasiba kualker pekadu, i pirsisa di ripindi. Jo ka sinti kulpadu; i fala kuma, manga di kilis ku ta fasi mal, kusas ta kuri elis diritu. Jo ku ki tris omi fika e na torkia kombersa un son, un son. Na metadi di ultimu diskursu di Jo, i ten un kapitulu (28) aserka di jiresa. No ka sibi sertu kin ku skirbil.Na kapitulu 32 utru amigu, Eliu, kumsa na papia. I fala kuma Deus ka ta fasi kusas na un manera mau, ma i pudi kastiga algin pa disiplinal, pa i pudi ripindi.Na kapitulu 38 Deus kumsa na ruspundi Jo. I ka ruspundi tudu si purguntas, nin i ka splika purblema di sufrimentu, ma i pui pa Jo oja puder ku garandesa di Deus. El i un Deus ku no pudi fiansa nel, mesmu na kansera.No ka sibi kin ki Jo. Uz pudi sedu un tera pa norti di Edon. Utrus pensa kuma Jo pudi sedu Jobab, rei di Edon (Kum 36.33). Judeus pensa kuma i Moisés ku skirbi e libru, kuma i pudiba kunsi Jo ocal bakiadur na ki ladu. Utrus pensa kuma Jo i algin di tempu di Davi o Salomon.Rusumu1.1—2.13 Satanas roba rikesas, fijus ku saudi di Jo3.1-26 Keŝa di Jo4.1—14.22 Purmeru ronda di diskursus15.1—21.34 Sugundu ronda di diskursus22.1—31.40 Terseru ronda di diskursus32.1—37.24 Diskursu di Eliu38.1—42.6 Deus ruspundi Jo42.7-17 Deus raprindi ki tris amigu, i bensua Jo