Isaias 10 - Portuguese Creole Bible, Guinea-Bissau

1Koitadi di kilis ku ta fasi leisEst 3.12-13; Dan 6.6-8 ku ka justu, e skirbi ordis ku ta kansa jinti,

2pa tuji koitadi ngaña na justisa, pa tira diritus di kilis di ña pobu ku foronta, pa roba kusas di viuvas ku orfans.

3Ma ke ku bo na fasiJo 31.14; Jer 5.31 na dia di da konta, ora ku kastigu na bin di lunju? Pa kin ku bo na kuri pa oca sakur? NundeDit 11.4 ku bo na disa bo rikesa?

4Nada mas bo ka pudi fasi, si i ka pa baŝa na metadi di katibus o kai na metadi di mortus. Mesmu asin, raiba di SIÑOR ka kalma, ma si monKap 5.25 sta inda yalsadu.

Anunsiu kontra Asiria

5Koitadi di Asiria, manduku di ña raiba! Ña raiba i suma mantampa na si mon.

6N na mandal kontra un nason ku ka mportaKap 9.17; 33.14 ku Deus, kontra pobu ku N ten raiba del; N dal ordi pa i roba kusa di jinti, i toma rikesa, i masa jinti suma lama na ruas.

7El, rei di Asiria, i ka asin ki si pensamentu; i ka el ki tene na sintidu. Si planu i pa dana, pa kaba ku manga di nason.

8I ta fala: “Nta tudu ña ŝefisKap 36.9 e ka sedu reis?

9N ka toma prasa di Kalnó suma tambi prasa di2 Kron 35.20 Karkemis? N ka ngaña AmatKap 36.18-20; 37.11-13; 2 Sam 8.9 suma Arpad, ku SamariaKap 7.8-9 suma Damasku?

10Ña mon yangasa renus ku tene manga di idulu; ki imaẑens ke labra i mas minjor di ki kilis di Jerusalen ku Samaria.

11Nta N ka na bin fasi Jerusalen ku si idulus suma ku N fasi Samaria ku si idulus?”

12SIÑOR fala: “Ora ku N kaba tudu ña tarbaju na monti di Sion ku Jerusalen, N na kastigaKap 14.24-27; 17.12-14; 31.8-9; 37.36-38 rei di Asiria orgulyu di si korson ku ronku di si uju,

13pabia i fala: ‘N fasi es ku forsa di ñaDan 4.30 mon ku ña jiresa. Ami i ntindidu. N tira fronteras di nasons, N furta se rikesas. Suma omi forti N bati kilis ku sintaba na tronus.

14Suma ku algin ta bai pa niñu, i miti mon, i junta ovus ku bandonadu, asin ku ña mon toma rikesas di nasons, N junta tudu teras. I ka ten kin ku yalsa si asa, o ku yabri si boka i papia.’ ”

15Nta mancaduJer 51.20 pudi yalsa si kabesa riba di kil ku na korta ku el? O sera pudi njata kontra kil ku na usal? I ta sedu suma po ku pudi bana kil ku na yalsal, o suma po forti ku pudi yalsa si dunu ku ka sedu po.

16Asin SIÑOR, SIÑOR ku ten tudu puder, i na manda duensa ku na fraksiSal 106.15 kurpu di jinti gurdu na se metadi. I na pui fugu ku na kema ku forsa dentru di se kurpus.

17Lus di Israel na bin sedu suma fugu; se Deus Santu na sedu suma ŝama. Na un dia son i na kema, i kaba ku se pe di spiñuKap 9.18; 27.4 ku utru po ku ta fidi.

18Tambi i na kaba ku rikesa di se matu ku se kampu gurdu. I na sedu suma duensa ku pui algin magru.

19Restu di arvuris ku sobra na se matu na sedu puku, tok mininu pudi fasi konta delis.

Restu di Israel

20Na ki dia restu di Israel, kilis di familia di Jakó ku kapli, nunka mas e ka na nkuña na kil ku mistiba2 Re 16.7; Os 5.13; 14.3 kaba ku elis, ma na bardadi e na nkuñaKap 26.3-4; 50.10 na SIÑOR, Deus Santu di Israel.

21Restu, ku sedu kilis ku sobra di familia di Jakó, e na riba pa Deus forti.

22Israel, nin ku bu pobu ciu suma reiaRom 9.27-28; 11.5 di mar, son restu ku na riba. Kastigu markadu pa elis i justa elis.

23Ki kastigu ku sta jaKap 28.22; Dan 4.35; 9.27 markadu, SIÑOR Deus ku ten tudu puder i na kumpril na tudu parti de tera.

SIÑOR na kastiga Asiria

24Asin ku SIÑOR Deus ku ten tudu puder fala: “Ña pobu ku mora na Sion, ka bu ten meduKap 37.6,33-35 di Asiria ora ki na sutau ku po, i lantanda po garandi kontra bo na manera di ejipsius,

25pabia i ka na tarda, ña raibaKap 14.25; 30.31-32; 31.8-9; 54.7 kontra bo i na kaba; i na diriẑidu pa elis, pa kaba ku elis.”

26SIÑOR ku ten tudu puder na suta elisKap 9.4; 37.36; Ŝef 7.25 ku ŝikoti suma na ki matansa di Midian lungu di pedra garandi di Oreb; i na lantanda si po riba di yaguSai 14.21-28 suma ki fasi na Ejitu.

27Na ki dia si kargu na tiradu na bu ombra; kangaKap 14.25 na tiradu na bu garganti, i na kebrantadu.

28Inimigus na ciga ja na Aiat, e na pasa pa Migron,1 Sam 13.5; 14.2 e na disa si kargu na Mikmás.

29E na pasa na kau pertadu, e durmi naJos 21.17 Jeba. Jinti di Ramá e na tirmi; jinti di Jibeá di Saul e na kuri.

30Jinti di Galin,1 Sam 25.44 bo yalsa fála, bo grita risu! OŜef 18.7 Laís, sukuta! KoitadiJos 21.18 di Anatot!

31Jinti di MadmenaJos 15.31 e bai ja. Moraduris di Jebin na kuri pa kapli.

32Aos inimigu na para na prasa di1 Sam 21.1 Nob; i na ameasa monti di Sion ku puñu, ku sedu monti di Jerusalen.

33SIÑOR Deus ku ten tudu puder na korta ramus ku forsa; kilis mas altu na kortadu; ki orgulyosus e na batidu.

34I na korta matu ficadu ku mancadu. Líbanu na kai pa mon di kil ku ten puder.