Jon 20 - Portuguese Creole Bible, Guinea-Bissau

Jesus lanta di mortu(Mat 28.1-10; Mar 16.1-8; Luk 24.1-12)

1Na purmeru dia di semana Maria Madalena bai pa ki kau ku Jesus nteradu nel, parmaña sedu; kau staba inda sukuru. I oja pedra tiradu na koba.

2I kuri, i bai pa Simon Pedru ku ki utru disipulu ku Jesus amaba, i fala elis: “E tira Siñor na koba; no ka sibi nunde ke pul nel.”

3Pedru sai ku ki utru disipulu, e bai pa koba.

4Elis dus e na kuriba juntu, ma ki utru disipulu kuri mas dipresa di ki Pedru, i ciga purmeru na koba,

5i jimpini, i oja lensolis ditaba na un parti, ma i ka yentra.

6Simon Pedru ku na sigil i ciga, i yentra na koba, i oja lensolis ditandadu.

7Ki lensuKap 11.44 ku staba rodiadu na kabesa di Jesus ka staba juntu ku lensolis, ma i staba roladu na un kau aparti.

8Ki utru disipulu ku ciga purmeru yentra tambi, i oja, i fia.

9E ka ntindiba inda Skritura ku fala kuma i pirsis pa Jesus lanta di mortu.

10Ki disipulus riba pa se kasa.

Jesus parsi dianti di Maria Madalena(Mat 28.9-10; Mar 16.9-11)

11Maria na cora pertu di koba. Oca i na cora, i mpina, i jimpini na koba,

12i oja dus anju bistidu di branku sintadu nunde ku kurpu di Jesus ditandaduba; un son sinta na ladu di kabesa, utru na ladu di pe.

13E puntal: “Minjer, pabia di ke ku bu na cora?” I ruspundi elis: “Pabia e leba ña Siñor; N ka sibi nunde ke pul nel.”

14Oca i fala e kusa, i rabida pa tras, i oja Jesus sikidu, ma i kaKap 21.4; Luk 24.16,31 sibiba kuma i el.

15Jesus puntal: “Minjer, pabia di ke ku bu na cora? Kin ku bu na buska?” I pensa kuma i orteru, i falal: “Siñor, si i abo ku lebal, kontan nunde ku bu pul nel; N ta bai buskal.”

16Jesus falal: “Maria!” I rabida pa tras, i falal: “Raboni!” (E palabra signifika Mestre.)

17Jesus falal: “Ka bu pegan, pabia N ka subi inda pa ña Pape, ma bai pa ñaSal 22.22; Rom 8.29; Eb 2.11 ermons, bu fala elis kuma N na subi pa ña PapeKap 16.28; Ef 1.17 ki bo Pape, ña Deus ki bo Deus.”

18Maria Madalena bai konta disipulus kuma i oja Siñor, i da elis si rekadu.

Jesus parsi na metadi di des disipulu(Mat 28.16-20; Mar 16.14-18; Luk 24.36-49)

19Na ki mesmu purmeru dia di semana, di tardi, disipulus juntaba na un kau ku portas ficadu, ku medu di ŝefis di judeu. Jesus parsi1 Kor 15.5 na se metadi, i fala elis: “Pas ta sta ku bos.”

20Dipus, i mostra elis si mon ku si pontada. Disipulus fika kontentiKap 16.22 manera ke oja Siñor.

21Jesus torna fala elis: “Pas ta sta ku bos. Suma ku ña Pape mandan, asin tambiKap 17.18; 2 Tim 2.2 N na manda bos.”

22Oca i kaba fala e kusa, i supra riba delis, i fala elis: “Bo risibi Spiritu Santu.

23Kilis ku bo purdaMat 16.19; 18.18 pekadus, e ta purdadu; kilis ku bo ka purda pekadus, e ka ta purdadu.”

Falta di fe di Tome

24Un di ki dozi disipulu, Tome, ku ta comaduKap 11.16 Jemia, ka staba ku elis oca Jesus bin.

25Si kumpañeris falal: “No oja Siñor.” Tome fala elis: “Si N ka oja sinal di pregu na si mon, si N ka miti ña dedu na ki sinal, si N ka miti ña mon na si pontada, N ka na fia.”

26Oca oitu dia pasaba ja, si disipulus staba dentru utru bias. Tome staba la ku elis. Kontudu portas ficadu, Jesus ciga, i parsi na se metadi, i fala elis: “Pas ta sta ku bos.”

27Dipus i fala Tome: “Pui bu dedu1 Jon 1.1 li, bu jubi ña mon; ciganta bu mon, bu mitil na ña pontada; ka bu sedu duvidosu, ma sedu krenti.”

28Tome ruspundil: “Ña Siñor! ÑaIs 9.6 Deus!”

29Jesus falal: “Tome, bu fia pabia bu ojan. Sortiadu i kilis ku ka2 Kor 5.7; 1 Ped 1.8 oja, ma e fia.”

30Jesus fasi manga di utru milagriKap 21.25 dianti di si disipulus ku ka sta skritu ne libru,

31ma e kusas sta skrituLuk 1.3-4 pa bo fia kuma Jesus i Mesias, Fiju di Deus, pa ora ku bo fiaKap 3.15-16; 1 Ped 1.8-9; 1 Jon 5.10-13 nel, bo ta tene vida na si nomi.