1“Abo, fiju di omi, toma un tagua di lama, bu pul bu dianti, bu grava prasa di Jerusalen nel.
2Pa mostra kuma i na tajadu, bu na kumpu toris di bisia kontra el, ku rampasKap 21.22 di kamba, bu na kumpu kampamentus kontra el, tudu na roda bu na pui pos forti pa batil ku el.
3Bu na toma un friẑidera rasu, di feru, bu pul suma mura di feru na metadi di bo ku prasa, bu vira rostu pa el. Asin prasa na tajadu; abo ku na tajal. Es i na sedu sinalKap 12.6,11; 24.24,27; Is 8.18 pa pobu di Israel.
4“Dita na bu ladu skerda, bu pui maldadi di pobu di Israel riba di bo. Bu na leba se maldadi pa numeru di dias ku bu dita na bu ladu.
5N marka pa bo mesmu numeru di dias suma anusNum 14.34 di se maldadi. Asin bu na leba maldadi di Israel pa trizentus i noventa dia.
6“Ora ku bu kompleta ki dias, bu na vira pa ladu direita. Bu na leba maldadi di pobu di Judá pa korenta dia; N dau un dia pa kada anu.
7Vira rostu pa tajamentu di Jerusalen, bu distindi bu brasu nun, bu anunsia kontra el.
8Ami N na marau ku kordaKap 3.25 pa bu ka pudi vira di un ladu pa utru tok bu kompleta dias di bu tajamentu.
9“Toma trigu, sevada, fison, lentilias, miju ku aveia, bu pui elis na un tiẑela, bu fasi pon. Bu na kumel na trizentus i noventa dia ku bu dita na bu ladu.
10Kumida ku bu na kume kada dia i na sedu duzentus i trinta grama; bu na kumel na oras sertu.
11Tambi yagu ku bu na bibi, bu na midil, bu bibi dus kopu kada dia, na oras sertu.
12Kil ku bu na kume i na sedu suma bulus di sevada. Bu na sindi fugu ku fezis di omi, bu na kusñal dianti di tudu jinti.”
13SIÑOR fala: “Asin ku fijus di Israel na kume se pon kontaminaduOs 9.3 ora ke serkadu na metadi di nasons.”
14N falal: “Ai, SIÑOR, SIÑOR! Nunka N ka kontamina, pabia N ka kumeAt 10.14 kusa ku muri, nin kusa sapa-sapadu, disna ku N lanta te gosi, nin karni ku ka sta konformi leiSir 11 ka yentra na ña boka.”
15I falan: “Mbon, N na disau kumpu pon riba di bosta di baka na lugar di fezis di omi.”
16Dipus i falan: “Fiju di omi, N na korta sustentuKap 5.16; 14.13; Sir 26.26; Sal 105.16; Is 3.1 di pon na Jerusalen. E na pesa pon ke na kume, ku kudadi, e na midi yaguKap 12.19 ke na bibi, ku medu,
17pabia pon ku yagu na fasi elis falta. Si e jubi kurpu di ŋutru, e na panta. Kurpu na kabaKap 24.23; Sir 26.39 ku elis pabia di pekadu.”
Who We AreWhat We EelieveWhat We Do
2025 by iamachristian.org,Inc All rights reserved.
