Sirmonias 8 - Portuguese Creole Bible, Guinea-Bissau

Konsagrason di Aron ku si fijus(Sai 29.1-37)

1SIÑOR fala Moisés:

2“Tisi Aron ku si fijus, se ropaSai 28.2 sagradu, ku azeiti pa unta elis, tudu ku turu pikininu di oferta pa pekadu, ku dus karnel macu, ku sestu di pon sin fermentu.

3Junta tudu jinti na entrada di tenda di juntamentu.”

4Moisés fasi suma ku SIÑOR dalba ordi; tudu jinti junta na entrada di tenda di juntamentu.

5Moisés fala jinti ku junta: “Es ku N na fasi gosi, i el ku SIÑOR manda pa i fasidu.”

6I tisi Aron ku si fijus pa dianti, i laba elis ku yagu.

7I bisti Aron un kamisoti, i maral ku sintu, i pul kapoti; dipus i pul efodi riba del, ku maradu ku sintu ku tisidu bonitu.

8I pul pitural, i pui riba del UrinSai 28.4,30 ku Tumin.

9I pul ŝapeuSai 28.36-38 na kabesa; na parti di dianti i pui lamina di uru, suma sinal di kuma i separadu pa Deus, konformi ordi ku SIÑOR da Moisés.

10Dipus, Moisés toma azeitiSai 30.25 sagradu, i unji tenda ku tudu ku sta nel, pa separal pa Deus.

11I toma un parti di azeiti, i wagal seti bias riba di altar, i unji altar ku tudu si material, suma tambi pia ku si pe, pa fasi elis sagradu.

12I darma utru di ki azeiti sagraduKap 21.10-12; Sai 28.41; 30.30; Sal 133.2 riba di kabesa di Aron, i unjil pa separal pa Deus.

13Tambi Moisés ciganta fijusSai 28.40-41; 40.14-15 di Aron, i bisti elis kamisotis, i perta elis sintu, i mara elis ŝapeus kumpridu na kabesa, suma ku SIÑOR daba Moisés ordi.

14Dipus i ciganta turu pikininuKap 4.3; 16.6; Ez 43.19 di oferta pa pekadu; Aron ku si fijus pui se mon riba di si kabesa.Kap 1.4

15Moisés matal, i toma sangi, i pui dedu nel, i pul na tudu pontas di altar, pa purifika altar. Dipus i darma restu di sangi na pe di altar. Asin i konsagral pa sakrifisiu pudi fasidu riba del.

16Moisés toma tudu gurduraKap 3.3-5 ku sta na partis di dentru, ku parti ku ta kubri figadu, ku dus rin ku se gurdura, i kema elis riba di altar.

17Ma turusiñu ku si kuru, si karni ku si partis di dentru, Moisés kemalKap 4.11-12,21 ku fugu fora di kampamentu, suma ku SIÑOR dalba ordi.

18Dipus i pursenta karnel macu pa oferta kemadu. Aron ku si fijus pui se mon riba di kabesa di karnel.

19Moisés matal, i waga si sangi na tudu ladu di altar na roda.

20-21I kortal padas padas, i toma yagu i laba partis di dentru, ku pernas, i kema kabesa ku gurdura ku tudu padas, ku sedu tudu parti di karnel. I oferta kemadu ku ta cera sabi, oferta ku pasadu na fugu pa SIÑOR, suma ku SIÑOR daba Moisés ordi.

22Dipus i pursenta ki utru karnel macu, karnel di konsagrason.Kap 7.37 Aron ku si fijus pui se mon riba di kabesa di ki karnel.

23Moisés matal, i toma parti di si sangi, i pul na ponta di oreja direitaKap 14.14,17,28; Sai 29.20 di Aron, na polegar di si mon direita, ku dedon di si pe direita.

24Moisés tambi ciganta fijus di Aron, i pui parti di ki sangi na ponta di se oreja direita, na polegar di se mon direita, ku dedon di se pe direita. Dipus i waga restu di ki sangi na tudu ladu di altar na roda.

25I toma gurdura, ku rabu, ku tudu gurdura ku sta na partis di dentru, ku parti ku sta riba di figadu, ku tudu dus rin ku se gurdura, ku perna direita di parti di tras.

26Di sestu di pon sin fermentu ku staba dianti di SIÑOR, i toma un bulu sin fermentu, un bulu di pon masadu ku azeiti, ku un bolaŝa finu, i pui elis riba di gurdura, riba di perna direita di ladu di tras di ki limaria.

27I pui es tudu na mon di Aron ku si fijus, i sana elis dianti di SIÑOR suma oferta di sana.

28Dipus Moisés toma elis na se mon, i kema elis riba di oferta kemadu na altar. Es i oferta di konsagrason, pasadu na fugu, ku ta cera sabi pa SIÑOR.

29Moisés toma pitu, parti di karnel di konsagrason ku pertensil, i sanal dianti di SIÑOR suma oferta di sana, konformi ordi ku SIÑOR dalba.

30Tambi Moisés toma azeiti sagraduSai 29.7,21; 30.25,30 ku parti di sangi ku sta na altar, i wagal riba di Aron ku si ropa, riba di si fijus ku se ropa. Asin i separa Aron ku si ropa, ku si fijus ku se ropa, pa Deus.

31Moisés fala Aron ku si fijus: “Bo kusña karni na entrada di tenda di juntamentu; bo na kumelSai 29.32; Ez 46.20 la, ku pon ku sta na sestu di ofertas di konsagrason, konformi ña ordi ku fala: ‘Aron ku si fijus e na kumel.’

32Kil ku sobra di karni ku pon, bo na kemal ku fugu.

33Ka bo sai na entrada di tenda di juntamentu pa seti dia, te na dia ku bo konsagrason kompleta, pabia bo konsagrason i na leba seti dia pa bo kompletal.

34Kil ku fasidu aos, i konformi ordi ku SIÑOR da, pa fasi sakrifisiu pa bo pekadu.

35Bo na fika na entrada di tenda di juntamentu seti dia, di dia ku di noti; bo na obdisi tudu ordi di SIÑOR, pa ka bo muri, pabia asin ku N mandadu.”

36Asin Aron ku si fijus e fasi tudu kusas ku SIÑOR daba ordiSai 39.43; 40.16; Lei 4.2; 12.32; 1 Sam 15.22 na boka di Moisés pa e fasi.