Salmus 89 - Portuguese Creole Bible, Guinea-Bissau

Maskil di Etan, ezraita.

1N na kanta sempri bondadi di SIÑOR;

ku ña boka N na pui tudu jorsons di futuru

pa e sibi kuma abo i fiel.

2N na diklara kuma bu bondadi na dura pa sempri,

kuma bu bardadi sta firmi suma seu.

3Bu fala: “N fasi kontratu ku kil ku N kuji;

N jurmenta pa ña servu bu matal.

Bu pajiga bu inimigus ku mon forti.

11Seu i di bo, ku tera tambi.

I abo ku kumpu mundu, ku tudu ku sta nel.

12Bu kumpu norti ku sul;

montis di Tabor kuLei 3.8-9; Jos 19.12 Ermon

e ta kanta ku kontentamentu pa bu nomi.

13Bu brasu ten puder;

bu mon direita i forti, i yalsadu.

14Bu renansa firma riba di retidon ku justisa;

bondadi ku bardadi sta sempri bu dianti.

15Sortiadu ki pobu ku sibi yalsa fála,

e ngabau ku kontentamentu;

e na yanda na bu lus, o SIÑOR.

16Na bu nomi e na kontenti tudu dia;

bu retidon na yalsa elis.

17Abo bu sedu gloria di se forsa;

pabia di bu fabur no forsa na aumentadu.

18SIÑOR i no difesa;

Deus Santu di Israel i no Rei.

19Un dia, bu papia na vison

pa bu pobu fiel, bu fala:

“N da forsa pa un soldadu di koraẑen;

N kuji un joven na metadi di pobu,

N dal altu pusison.

20N oja Davi, ña servu;

N unjil ku ña azeiti sagradu.

21Ña mon na sedu firmi ku el;

ña puder na fortifikal.

22Inimigu ka na manda riba del;

nin omi mau ka na kalkal.

23N na kebranta si inimigus si dianti;

N na bati kilis ku ten odiu del.

24N na sedu bon i fiel pa el;

na ña nomi si forsa na aumentadu.

25N na pui si mon riba di mar,

si direita riba di rius.

26El i na coman, i fala:

‘Abo i ña Pape, ña Deus,

Roca ku ta salban’

27N na dal lugar di purmeru fiju,

N na pul mas altu di ki tudu reis di mundu.

28Sempri N na guarda ña bondadi pa el;

ña kontratu ku el na sedu firmi.

29Sempri i na ten algin di si jorson ku na sedu rei;

si renansa na tarda suma ku seuLei 11.21 na tarda.

30“Ma si si fijus bandona ña lei,

e ka yanda konformi ña regras,

31si e kebra ña ordis,

e ka obdisi ña mandamentus,

32N na kastiga se pekadu ku mantampa;

N na suta elis pabia di se kulpa,

33ma N ka na tira tudu ña bondadi na Davi,

nin N ka na disa di sedu fiel.

34N ka na kebra ña kontratu,

nin N ka na muda kil ku ña boka papia.

35N ka na sedu falsu pa Davi.

Un bias pa sempri N jurmenta, pa ña nomi sagradu,

36kuma si jorson na tarda pa sempri,

si renansa na kontinua ña dianti suma sol;

37i na firmantadu pa sempri suma lua,

ki tustumuña fiel na seu.”

Sela

38Ma bu nega ki rei ku bu unji,

bu bandonal, bu paña raiba del.

39Bu kebra kontratu ku bu servu,

bu kontamina si koroa, bu botal na con.

40Bu romba tudu si muras,

bu dana si kuartel.

41Tudu jinti ku pasa na kamiñu, e roba si kusas;

si visiñus ta fasil trosa.

42Bu aumenta forsa di mon direita di si inimigus,

bu pui elis tudu pa e kontenti.

43Bu pui ponta di si spada pa i sedu moku;

bu ka judal na gera.

44Bu kaba ku si gloria;

bu bota si tronu na con.

45Bu pui pa i beju sedu,

bu kubril ku borgoña.

Sela

46Te kal tempu, SIÑOR?

Bu na sukundi pa sempri?

Te kal tempu ku bu raiba na yardi suma fugu?

47Lembra kuma ña diasJo 7.7 i kurtu;

bu kumpu tudu jinti pa bakatela!

48Kal omi ku na bibu sin i ka na oja2 Re 2.11; Eb 9.27; 11.5 mortu?

O kin ku pudi libra si kabesa

di puder di mundu di mortu?

Sela

49SIÑOR, nunde bu bondadi ku bu tenba na tempu pasadu?

Kuma di ki purmesas fiel ku bu da Davi?

50SIÑOR, lembra kuma bu servu kobadu mal,

manera ku N sufri na ña korson trosa di tudu nasons.

51SIÑOR, bu inimigus koba kil ku bu unji

na kada pasu ki yanda.

52SIÑOR dibi di ngabadu pa sempri!

Amen! Amen!