1 Pedru 3 - Portuguese Creole Bible, Guinea-Bissau

Minjeris ku maridus

1Di mesmu manera, abos minjeris, bo baŝaEf 5.22 pa bo omis. Asin, si utrus ka seta palabra di Deus, e pudi ngañadu sin palabra, pa bon komportamentu di se minjeris.

2E ta rapara kuma ku bo ta yandaKap 2.12; Titu 2.3 na bon manera, ku rispitu pa Deus.

3Bo fajamentu1 Tim 2.9-10 pa ka i sedu di fora, na kumpu kabelu ku ronku, ku pindra uru, ku ropa bonitu,

4ma bo fajamentu i di dentru1 Sam 16.7; Rom 2.29; 2 Kor 4.18 di korson, un bistimentu ku ka ta dana, ku sedu spiritu mansu, ketu, ku ten balur dianti di Deus.

5Antigamenti, minjeris ku ta yandaba ku Deus, ku ta pera nel, asin ke ta fajaba. E ta baŝaba pa se omis,

6suma ku SaraKum 18.12 ta obdisiba Abraon, i ta comal Siñor. Bo ta sedu si fijus si bo fasi ben, bo ka panta ku nada.

7Di mesmu manera, abosEf 5.25 omis, bo yanda ku bo minjeris na ntindimentu, bo rispita elis pabia se kurpu i mas fraku, tambi pabia bo ten parti juntu na vida ku Deus da bos. Bo fasi asin pa ka nada taja bo orasonMat 5.23-24; 18.19-20 dianti di Deus.

Pasensa na sufrimentu

8Pa kabanta, abos tudu bo dibi di teneKap 5.5; Rom 12.16; Fil 3.15 un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

9Ka bo tornaDit 15.1; 20.22; Mat 5.39,44; Rom 12.17-19 mal pa mal; ka bo koba kil ku na koba bos. Te pa bo fasi asin, bo torna ku bon palabra di benson, pabia benson i yardansa ku Deus coma bos pa el.

10I sta skritu:

“Kil ku misti ama vida, ku misti oja dia sabi,

pa i friantaTia 1.26 si lingua di mal,

pa ka i papia mintida na si boka,

11pa i da kostaIs 1.16-17; Eb 12.14; 3 Jon 11 pa mal, i fasi ben,

pa i buska pas, i sigil.

12Uju di Siñor sta riba di kilis ku ta yanda diritu;

si orejaJon 9.31; Tia 5.16 sta pruntu pa obi se orason,

ma si rostu sta kontra kilis ku na fasi mal.”

13Kin ku na fasi bos mal si bo tenDit 16.7 mpeñu di fasi ben?

14Nin ku bo sufri pabia bo na fasi ben, bo ta seduKap 2.20; Mat 5.10; Tia 1.12 sortiadu. Ka bo ten meduJer 1.8; Jon 14.1 delis, nin ka bo tarpaja.

15Bo rispita Kristu suma Siñor na bo korson. Bo sta sempri pruntu pa ruspundiAt 4.8-10; Kol 4.6 kualker algin ku pidi bos pa bo splika aserka di speransa ku bo ten. Bo fasil ku mansesa2 Tim 2.25 ku rispitu,

16ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e taTitu 2.8 burguñu.

17Si i vontadi di Deus, i minjor bo sufri si bo na fasi ben, te pa bo fasi mal.

18Kristu tambi i muriRom 5.6; 2 Kor 13.4; Eb 9.28 un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

19I na spiritu tambi ki bai konta palabra di Deus pa ki spiritus ku staba prezu,

20ku sedu kilis ku nega obiKum 6.5,13; 7.7; 8.16 na tempu di Noe, oca ku Deus na pera ku pasensa kontra barku na kumpudu. Jinti ku staba na ki barku e puku, son oitu. Yagu boianta elis tok e salba.

21E yagu i figura di batismuRom 6.4 ku bo ta pasa nel gosi pa salbason. I ka pa tira susidadi na kurpu, ma i palabra ku no ta da Deus, ku sai na un sintidu limpu. I ta salba pabia Jesus Kristu lanta di mortu,

22i riba pa seu, i sta na mon direitaSal 110.1; At 2.33; 1 Kor 15.24 di Deus, nunde ku tudu anju ku otridadi ku puder di seu sta bas del.