Eklesiastis 2 - Portuguese Creole Bible, Guinea-Bissau

Rikesa ka ten balur

1N fala na ña sintidu kuma N na bin goza vida, pa N sibi ke ki kontentamentu, — tudu ku omis pudi misti.

9N torna garandi,Kap 1.16 mas di ki tudu kilis ki tenba antis di mi na Jerusalen. Ña jiresa tambi i fika sempri ku mi.

10Tudu ku ña uju oja, i misti, N ka nega ranjal; N ka tuji ña korson kualker kusa sabi. N fika kontentiKap 3.22; 5.18 ku tudu ña tarbaju; ki kontentamentu ku sedu pagu di tudu ku N fasi.

11N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela,Kap 1.2,14 suma algin ku na serka bentu. I ka tenba nin un purbitu bas di sol.

12Ke ku nobu rei pudi fasi si i ka kil ku utrus fasiba ja?

Jiresa ku tulesa, tudu i bakatela

Dipus N rabida N na pensa na jiresaKap 1.17 ku tulesa ku dudesa.

13N oja kuma jiresa i mas bon di ki tulesa suma ku lusDit 4.18-19 i mas minjor di ki sukuru.

14Jiru tene uju na si kabesa; tulu ta yanda na sukuru, ma N bin rapara kuma mesmu kusaKap 9.2-3 ta pasa ku elis tudu.

15N fala na ña sintidu: “Kusa ku kontisi ku tulu, el tambi ku na kontisi ku mi. Ke ku N ngaña manera ku N buska jiresa?” Dipus N fala kuma es tambi iKap 1.2 bakatela.

16Omi jiru ka na lembradu mas di ki tulu; na dias ku na bin, elis tudu e na diskisidu ntidu. Suma ku jiru na muri, asin tambi ku tulu na muri.

17Asin N bin nfastia vida, pabia tarbaju ku ta fasidu bas di sol, pa mi i kansadu ba. Sin, tudu i bakatela, sumaKap 1.2,14 algin ku na serka bentu.

Tarbaju i bakatela

18N nfastia tudu ku N tarbaja pa el bas di sol, suma ku N na bin disal pa utru ku na bin bin ña tras.

19Kin ku sibi gora si i na sedu jiru o tulu? Ma el ku na ten konta di tudu ku N tarbaja pa el bas di sol, ku tudu ku N ngaña ku jiresa. Es tambi iKap 1.2 bakatela.

20Asin N bin pirdi speransa di tudu tarbaju ku N kansa ku el bas di sol,

21pabia un omi pudi fasi tarbaju ku jiresa, kuñisimentu ku jitu, ma i ta bin disal na mon di utru ku ka tarbaja nel. Es tambi i bakatela, i garandi kasabi.

22Kal ki purbitu ku un omi ten di tudu si tarbajuKap 1.3 ku sintidu kansadu ki luta ku el bas di sol?

23Tudu si vida i sonJo 5.7,13-14; 14.1; Sal 6.6 dur ku tarbaju ku kasabi; te di noti si sintidu ka ta diskansa. Es tambi i bakatela.

24Minjor kusa ku omi pudi fasiKap 3.12-13,22; 5.18-19; 8.15; 9.7-9 i kume, i bibi, i goza kusa ki ngaña ku si tarbaju, ma N oja kuma es tambi i bin di mon di Deus,

25pabia, sin el, kin ku pudi kume, o kin ku pudi oja kontentamentu?

26Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma,Dit 13.22 pa i pudi da pa kin ku ta pui Deus kontenti. Es tambi i bakatela, i sumaKap 1.14 algin ku na serka bentu.