Jeremias 19 - Portuguese Creole Bible, Guinea-Bissau

Puti kebradu

1SIÑOR falan: “Bai pa kumpudur di puti, bu kumpra un puti. Leba garandis di pobu ku bo, ku garandis di saserdotis,

2bo sai pa kobonKap 7.31-32 di fiju di Inon ku sta na entrada di porton di sol. Konta la palabras ku N dau,

3bu fala: ‘Abos reis di Judá ku pobu di Jerusalen, bo obi palabra di SIÑOR. Asin ku SIÑOR ku ten tudu puder, Deus di Israel, fala: Jubi, N na tisi un garandi mal riba de kau, ku tudu algin ku obil, si oreja na pupa.

4N na fasi asin pabia e disan, e kontaminaKap 2.23; 32.35 e kau, e kema nsensu pa utru deusis ku nunka e ka kunsi, nin elis nin se papes nin reis di Judá; e inci e kau ku sangiKap 2.34; 2 Re 21.16 di jinti ku ka ten kulpa.

5E kumpu kaus altu pa Baal, pa kema se fijus na fugu suma oferta kemadu pa Baal, kusa ku nunka N ka manda elis, nin pa N papia del, ku fadi pa i ciga na ña kabesa.

6E ku manda tempu na ciga ku e kau ka na comadu mas Tofet, nin kobon di fiju di Inon, ma i na comadu kobon diKap 7.31-32 matansa. Asin ku ami, SIÑOR, N fala.

7“‘Ne kau N na dana planus di Judá ku Jerusalen. N na pui elis kai ku spada dianti di se inimigus, pa mon di kilis ku na buska mata elis. N na da se difuntus pa e sedu kumidaKap 7.33; Sal 79.2 pa kacus ku limarias di matu.

8N na pui e prasa pa i sedu un spantuKap 18.16; 24.9; 25.9,18; 29.18; 42.18; 44.12,22; 50.13; 51.37 di trosa. Tudu kilis ku pasa nel e na panta, e subia, pabia di tudu si cagas.

9N na pui jinti de prasa pa e kume karni di se fijusSir 26.29; Lei 28.53; Mis 2.20; 4.10; Ez 5.10 macu ku femia; kada kin na kume karni di si kumpañer, na ki tempu ke tajadu, e foronta pabia di se inimigus ku na buska mata elis.’

10“Dipus bu na kebra ki putiKap 51.63-64 na uju di kilis ku bai ku bo,

11bu na fala elis: ‘Asin ku SIÑOR ku ten tudu puder fala: N na kebra e pobu ku e prasa suma ku e putiIs 30.14 kebra, i ka na pudi kumpudu mas. Elis e na ntera se mortusKap 7.32 na Tofet, pabia i ka na ten utru lugar pa ntera elis.

12Asin ku ami, SIÑOR, N na fasi ku e lugar, ku si moraduris. N na fasi e prasa suma Tofet.

13Kasas di Jerusalen ku kasas di reis di Judá e na sedu impuru suma Tofet, suma tambi tudu kasas nunde ke kema se nsensuKap 32.29; Sof 1.5 riba di kasa pa sol ku lua ku strelas, e pursenta ofertas di bibida pa utru deusis.’ ”

14Jeremias riba di Tofet, kau ku SIÑOR mandalba pa i anunsia, i bai firma na kintal di kasa di SIÑOR, i fala pobu:

15“Asin ku SIÑOR ku ten tudu puder, Deus di Israel, fala: ‘N na tisi riba de prasa, ku tabankas na si roda, tudu mal ku N anunsia kontra el, pabia e ndurusiKap 7.26 se korson, e nega obi ña palabras.’ ”