1 Samuel 12 - Portuguese Creole Bible, Guinea-Bissau

Samuel ntrega kargu

1Samuel fala tudu Israel: “N obi tudu ku bo falan, N pui un rei riba di bos.

2Gosi bo tene ja un rei ku na gia bos. Ami N beju ja, N tene kabelu branku. Ali ña fijus sta ku bos. N sedu bo ŝef disna di ña mininesa te aos.

3Alin li; bo tustumuña kontra mi dianti di SIÑOR ku dianti di si reiKap 10.1 unjidu, si N toma turu di algin, o N toma buruNum 16.15; At 20.33; 1 Ped 5.2 di algin, o N fasi algin tarpasa, o N maltrata algin, o N toma suku di bas na mon di algin pa N pudi tapaSai 23.8; Lei 16.19 uju. Si N fasi kualker de kusas, N ta tornaSir 6.4-5 bos el.”

4E falal: “Bu ka fasi tarpasa na nada, nin bu ka maltratanu, nin bu ka toma nada na mon di ningin.”

5I fala elis: “SIÑOR i tustumuña kontra bos; si unjidu tambi i tustumuña aos, kuma bo ka oja nadaJon 18.38 na ña mon.” Pobu falal: “I ta sedu tustumuña.”

6Samuel fala pobu: “SIÑOR propi ku kuji MoisésSai 6.26; Mik 6.4 ku Aron, i tira bo papes na tera di Ejitu.

7Bo firma li, N na mostra bos bo kulpa dianti di SIÑOR; N na lembranta bos tudu kusas bon ku SIÑOR fasi pa bos ku bo papes.

8“Oca Jakó bai moraKum 46.5-8; Num 20.15 na Ejitu, mas tardi bo papes coma SIÑOR oca ejipsius na kastigaba elis. SIÑORSai 2.23 manda Moisés ku Aron; e bai tiraSai 12.51 bo papes na Ejitu, e pui elis pa e mora ne tera.

9“Bo papes diskisiŜef 3.7; Sal 106.21 di SIÑOR se Deus; asin el i bin ntregaLei 32.30; Ŝef 3.12; 4.2; 10.7; 13.1 elis na mon di jinti ku geria kontra elis, ku sedu Sísera, ŝef di tropas di Azor, ku filisteus ku rei di moabitas.

10E yalsa fála e comaŜef 3.9 SIÑOR, e falal: ‘No peka, pabia no disa SIÑOR, no bai na sirbi baalins ku astarotis, ma si bu libranu na mon di no inimigus, no na adorau.’

11SIÑOR mandaKap 7.13; Ŝef 4.6; 6.14,32; 11.1 Jerubaal, Barak, Jeftá ku Samuel; e libra bos na mon di inimigus ku sta na bo roda; asin bo fika suguru.

12“Oca bo oja kuma Naás,Kap 11.1-2; 1 Kron 19.1 rei di fijus di Amon, i na bin kontra bos, bo falan: ‘Nau, ma un rei na rena riba di nos,’ kontudu SIÑOR bo Deus seduba bo rei.

13Gosi, ali rei ku bo kuji, bo pidil; SIÑOR pul riba di bos.

14Si bo rispita SIÑOR, bo adoral, bo obdisi si palabra, bo ka sedu rebeldiLei 28.1-14; Jos 24.14-20 pa si ordi, abos tudu ku rei ku na rena riba di bos bo sigi SIÑOR bo Deus, i ta sedu bon,

15ma si bo ka seta obi palabra di SIÑOR, ma bo sedu rebeldiLei 28.15-68 pa si ordis, mon di SIÑOR na sta kontra bos, suma ki staba kontra bo papes.

16“Bo sikidu ketu pa bo jubi e garandi kusa ku SIÑOR na bin fasi bo dianti.

17No sta ja na kebur di trigu, i ka asin? Ma N na coma SIÑOR; i na manda turbadaKap 7.9-10; Jos 10.12; Dit 26.1; Tia 5.16-18 ku cuba. Si bo ojal, bo na rapara kuma bo fasi garandi pekadu dianti di SIÑOR manera ku bo pidil un rei.”

18Samuel coma SIÑOR; SIÑOR manda turbada ku cuba na ki dia. Tudu pobu sinti garandi medu di SIÑOR ku di Samuel.

19E fala Samuel: “Roga SIÑORKap 7.5,8; Sai 9.28; 10.17; At 8.24 bu Deus pa bu servus, pa ka no muri, pabia riba di tudu no pekadu no buri e mal, di pidi un rei.”

20Samuel fala pobu: “Ka bo ten medu. Na bardadi bo fasi tudu e mal, ma ka bo disa SIÑOR. Bo sirbi SIÑOR ku tudu bo korson.

21Ka bo disvia pa bai tras di idulus1 Re 16.13; Ab 2.18 ku ka bali, ku ka ten nada di purbitu, nin e ka ta libra bos pabia e ka sedu nada.

22Pabia di si garandi nomi SIÑOR ka na nega si pobu, pabia i seduba si vontadiLei 14.2 propi pa fasi bos si pobu.

23Pa ña parti, SIÑOR ta judan pa N ka fasi e pekadu kontra el, di paraAt 12.5; Rom 1.9; Kol 1.9; 1 Tes 5.17; 2 Tim 1.3 ora pa bos, ma N na nsina bosSal 34.11 kamiñu bon i justu.

24Bo pui sintidu pa rispita SIÑOR, bo sedu fiel na sirbil ku tudu bo korson, bo lembra di kusas garandi ki fasi pa bos.

25Ma si bo kontinua na fasiJos 24.20 mal, bo na bin kabadu ku el, abos tudu ku bo rei.”