1Nta si un di bos tene un keŝa kontra utru ermon, bu ta osa lebal dianti di juis ki ka krenti, te pa bu pul dianti di pobu di Deus?
2O bo ka sibi kuma pobu di Deus na bin julgaDan 7.22; Mat 19.28; Luk 22.29-30; Apok 2.26; 20.4 mundu? Si bo na bin julga mundu, nta bo ka kapas di julga kusa pikininu?
3Bo ka sibi kuma no ten ku bin julga2 Ped 2.4 anjus? Ku fadi kusa ku pertensi e vida?
4Nta si bo tene kualker palabra ne vida kontra bo kumpañer, bo ta lebal na kilis ku ka ten nin un lugar na igreẑa?
5N fala es pa pasanta bos borgoña. Nta i ka ten nin un jiru na bo metadi ku pudi julga na metadi di si ermons?
6Ma un ermon ta leba si ermon na justisa dianti di kilis ki ka krentis!
7Na bardadi, si bo tene palabra entri bos ku na ciga na justisa, i mostra kuma bo kai ja. Ke ku manda bo ka ta sufriMat 5.39-42 si algin fasi bos mal o bo sufri furtu, te pa bo leba bo ermon dianti di justisa?
8Abos propi bo ta fasi kusas injustu; bo ta furta, mesmu di bo ermons.
9O bo ka sibi kuma kilis ku ta fasi mal ka na ten parti na renu di Deus?
10Ka bo ngana bo kabesa, pabia kilisGal 5.19-21; Ef 5.5; 1 Tim 1.9-10; Apok 21.8; 22.15 di mau vida, kilis ku ta adora idulus, kilis ku ta fasi pekadu seksual, kilis ki omoseksual, ladrons, kilis ku risu mon, camiduris, kobaduris di mal ku nturjons, e ka na ten parti na renu di Deus.
11Utrus na bo metadi sedubaKap 12.2; Ef 2.2,11; Titu 3.3; Eb 10.22 asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.
No kurpu i membru di Kristu12Algin pudi fala kuma i sta libriKap 10.23 pa fasi tudu kusa. I bardadi, ma i ka tudu kusa ki bon pa fasi. N sta libri pa fasi tudu kusa, ma N ka na disa nin un son manda na mi.
13Utru pudi fala kuma kumida i pa stomagu, stomagu tambi i pa kumida. I bardadi, ma Deus na bin kaba ku elis tudu. Kurpu i ka1 Tes 4.4-5,7 pa mau vida; i pa Siñor; Siñor i pa kurpu.
14Deus, ku lantandaRom 6.5; 2 Kor 4.14; Ef 1.18-20 Siñor di mortu, tambi i na lantandanu pa si puder.
15Bo ka sibi kuma bo kurpuKap 12.27; Rom 12.4-5 fasi parti di kurpu di Kristu? Nta N na toma parti di kurpu di Kristu pa N fasil parti di algin di mau vida? Di nin un manera!
16O bo ka sibi kuma, kil ku junta ku algin di mau vida, i ta junta un kurpu son ku el? Skritura fala kuma elis dusKum 2.24 e ta forma un kurpu son.
17Kil ku juntaJon 17.21-23; Ef 4.4 ku Siñor i ta sedu un ku el na spiritu.
18Bo kuri di mau vida. Tudu pekadu ku algin fasi, i fora di kurpu, ma kil ku kai na pekadu seksual, i na peka kontra si propiRom 1.24 kurpu.
19Nta bo ka sibi kuma bo kurpu i santuariuKap 3.16 di Spiritu Santu ku Deus da bos, ku mora na bos? I ka abos ku tene bo kabesa,
20pabia bo kumpraduKap 7.23; Eb 9.12; 1 Ped 1.18-19; Apok 5.9 ku bon pres. Bo ta tene bo kurpu pa gloria di Deus.
Who We AreWhat We EelieveWhat We Do
2025 by iamachristian.org,Inc All rights reserved.
