1Dipus des, omi sai ku mi pa kintal di fora na ladu di norti, i leban pa kuartus ku staba na ladu di norti, ku ta jubi pa ki spasu, tambiKap 41.12,15 pa ki utru kasa.
2I teneba 50 metru di kumprimentu ku 25 metru di largura; entrada staba na ladu di norti.
3Na un ladu i ta jubi pa ki 10 metru di spasu na ladu di templu; i ta jubi tambi pa pavimentu di kintal di fora. I tenba kuridoris na tris andar.
4Dianti di kuartus i tenba un paseiu di 5 metru di largura ku 50 metru di kumprimentu. Se entradas staba na ladu di norti.
5Kuartus na andar di riba ka seduba largu suma kilis di metadi ku di bas, pabia kuridoris roba elis mas spasu.
6Ki tris andar ka teneba firkijas suma firkijas di kintal. Pabia di kila, kuartus di riba e ka largu suma kilis di bas ku di metadi.
7Mura di fora, dianti di kuartus na ladu di kintal di fora, i teneba 25 metru di kumprimentu.
8Kumprimentu di kuartus na ladu di kintal di fora i seduba 25 metru; kilis ku staba dianti di templu e tene 50 metru.
9Kuartus di bas teneba entrada na ladu di saida di sol pa algin ku na bin di kintal di fora.
10Na ladu di sul, filadu ku mura di kintal di fora, dianti di ki spasu, pertu di ki kasa pa kaida di sol, i tenba utru kuartus,
11ku paseiu dianti delis suma ki kuartus na ladu di norti. E teneba mesmu kumprimentu ku largura, mesmu diseñu ku entradas.
12I tenba un entrada na ladu di saida di sol nunde ku mura kumsa.
13Omi falan: “Kuartus na ladu di norti ku ladu di sul ku sta dianti di spasu e sedu kuartus di saserdotisKap 40.46 nunde ku kilis ku ta ciga pertu di SIÑOR pudi kume ofertas mas sagradu. E na pui la ki ofertas mas sagradu, suma ofertas di kumidaSir 2.3,10 ku ofertas pa pekaduKap 40.39 i pa kulpa, pabia i kau sagradu.
14Ora ku saserdotis yentra na kau sagradu, e ka na sai di la pa kintal di fora sin tira ropa ke bistibaKap 44.19; Sai 28.43 pa fasi sirvis di SIÑOR, pabia ki ropa i sagradu. E ten ku fikal na ki kuartu, e bisti utru ropa; asin e pudi bai pa kau markadu pa pobu.”
15Oca ki kaba midi dentru di templu, i leban pa porton ku ta fika na saida di sol. I midi tudu na roda.
16I toma kana, i midi ladu di saida di sol, 250 metru.
17I midi ladu di norti, 250 metru.
18I midi tambi banda di sul, 250 metru.
19I da volta pa ladu di kaida di sol ku si kana, i midi 250 metru.
20Asin i midi na kuatru ladu. I tenba un mura na roda, di 250 metru di kumprimentu ku 250 metru di largura, pa rapati kau sagradu ku kau ki ka sagradu.
Who We AreWhat We EelieveWhat We Do
2025 by iamachristian.org,Inc All rights reserved.
