1 Timótiu 5 - Portuguese Creole Bible, Guinea-Bissau

Aserka di bejus ku viuvas

1Ka bu papia duru ku omisSir 19.32 beju, ma konsija elis suma bu pape. Trata rapasis suma bu ermons.

2Trata minjeris beju suma bu mame, minjeris nobu suma bu irmas, na un manera puru.

3Viuvas ku ka tene ningin, bo ta toma konta delis,

4ma si un viuva tene fiju o netu, ki fijus dibi di sibi purmeru fasi se dever riliẑiosu ku se propiKum 47.11-12; Mat 15.4-6 familia, pa paga obrigason pa se papes, pabia i el ku Deus ta kontenti ku el.

5Viuva ku na bardadi ka tene ningin, ma i dingi, i ta pui si speransa na Deus, i kontinua di notiLuk 2.37 ku di dia na orason, i na pidi Deus ajuda,

6ma viuva ku ntrega si kabesa na sabura de mundu, nin ki sta inda di vida, i sta mortu.

7Da elis ordi, pa e pudi yanda sin kulpa.

8Si algin ka ta trata di siIs 58.7; Gal 6.10 parentis, purmeru kilis ku mas pertu el, i nega si fe; i pior di ki algin ku ka sedu krenti.

9Bo pui na lista son viuva ku ciga sesenta anu, ku seduba fiel pa si omi,

10ku kunsidu kuma i ta fasi bon obras; ku kria si fijus diritu, ku ta risibiKum 18.3-5; Luk 7.44; At 16.15; Eb 13.2; 1 Ped 4.9 ospris, ku ta laba pe di pobu di Deus, ku ta sakura kilis ku sta forontadu, ku da si vida pa fasi tudu bon obra.

11Ka bu pui nomi di viuvas mas nobu, pabia ora ku se diseẑu pui pa e misti kasa, e ta da Kristu kosta.

12Asin e ta sedu kulpadu di kebra purmesa ke fasiba.

13Fora del, manera ke ta yanda kada kasa, e ta bin sedu amonton. I ka son amonton, ma papiadur; e ta miti2 Tes 3.11 boka na tudu kombersa; e ta papia kusa ke ka dibi di papia.

14Asin, N ta misti pa viuvas mas nobu kasa, pa e tene fijus, e trata di seTitu 2.4-5 kasa, pa ka e da motivu pa inimigu fala mal,

15pabia utrus disvia ja, e bai tras di Satanas.

16Si kualker krenti, omi o minjer, tene viuvas na si familia, i dibi di sustentaRut 2.17-18; Jon 19.26-27 elis, pa lebia kargu na igreẑa, pa igreẑa pudi sustenta viuvas ku ka tene ningin.

Aserka di presbíterus

17Garandis di igreẑa ku sedu bon diriẑentis e ta ojadu mersidur di pagadu1 Kor 9.14 dus bias, riba di tudu, kilis ku ta tarbaja ciu na nsina ku konta Bon Noba,

18pabia Skritura fala: “Ka bu mara bokaLei 25.4 di turu ku sta na tarbaju di masa arus.” I fala tambi: “Un tarbajadurSir 19.13; Lei 24.14; Luk 10.7 mersi pagamentu.”

19Ka bu seta keŝa kontra un garandi di igreẑa si i ka sedu ku dus o trisLei 17.6 tustumuña.

20Kilis ku na fasi mal, raprindiGal 2.11; 2 Tim 4.2; Titu 1.13; 2.15 elis dianti di tudu, pa ki utrus pudi medi.

21Dianti di DeusKap 6.13; 2 Tim 2.14; 4.1 ku Kristu Jesus ku anjus ku kujidu, N na mandau ku tudu seredadi pa bu obdisi e ordi. Ka bu julga sin ntindi kusa diritu; ka bu mostra fabur pa ningin.

22Ka bu jumna pui monAt 6.6 dipresa riba di algin pa dedikal. Ka bu toma parti2 Jon 10-11 na pekadu di utrus. Guarda bu kabesa puru.

23Ka bu ba ta bibi son yagu; bibi un bokadiñu di biñu pabia di bu stomagu, manera ku bu ta sta sempri duenti.

24Pekadu di utru jinti ta lestu ku ojadu; i ta bai si dianti pa justisa, ma di utrus, i ta ojadu son dipus.

25Mesmu manera tambi, bon kusas ku jinti ta fasi e ta ojadu klaru. Nin si e ka klaru, e ka pudi sukundi.