Ripitison di Lei 15 - Portuguese Creole Bible, Guinea-Bissau

Anu di diskansu(Sir 25.1-7)

1Na kabantada di kada seti anu bu ta purda dibidas.Kap 31.10; Ne 10.31

2Asin ki na fasidu: Si algin pistaba si kumpañer o si ermon un kusa, i ten ku purdal, i ka na kobral el, pabia purdon di SIÑOR i anunsiadu.

3Bu pudi kobra stranjeruKap 23.20 dibida, ma kil ku bu ermon dibiu, bu ta purdal el.

4I ka dibi di ten koitadi na bo metadi, pabia SIÑOR bu Deus na bensuau ciu na tera ki na dau pa bu tenel suma yardansa,

5si bu pui sintidu pa obdisi palabra di SIÑOR bu Deus, bu pratika ku mpeñu tudu e mandamentus ku N na dau aos.

6SIÑOR bu Deus na bensuau suma ki fala; asin bu na pista pa manga di nason, ma abo bu ka na pistaKap 28.12-13 di ningin. Bu na manda riba di manga di nason, ma elis e ka na manda riba di bo.

7Si i ten un koitadi na metadi di bu ermons israelita na kualker prasa di tera ku SIÑOR bu Deus na dau, ka bu ndurusiTia 2.15-16; 1 Jon 3.17 bu korson, nin ka bu fasi risu mon pa bu ermon koitadi,

8ma yabri bu mon dirituSir 25.35 pa el, bu pistal, di bon vontadi, tudu kil ki pirsisa del.

9Toma sintidu pa ka da lugar pa un pensamentu malvadu, pa bu fala: “Setimu anu, ku sedu anu di purda dibida, i sta ja pertu;” asin bu jubi bu ermon koitadi ku mau rostu, bu ka dal nada. Si i comaKap 24.15; Jo 34.28; Dit 21.13; Mat 25.41-45 pa SIÑOR kontra bo, bu na ojadu kulpadu di pekadu.

10Dal ku mon abertu; ka bu miskiña na bu korson2 Kor 9.7-11; 1 Tim 6.18-19 ora ku bu na dal. Si bu da di bon korson, SIÑOR bu Deus na bensuau na tudu kil ku bu na fasiKap 14.29; 24.19; Sal 41.1-2; Dit 11.24-25; Is 58.10; Fil 4.18-19; Eb 13.16 ku bu mon.

11Sempri i na ten jinti koitadiMat 26.11; At 11.28-30; 2 Kor 8.1-9 na metadi di Israel. E ku manda N dau ordi, N falau: Yabri diritu bu mon pa bu ermon ku ten falta, kil ki koitadi na bu tera.

Libertason di katibus(Sai 21.1-11)

12Si bu kumpra un israelita, omi o minjer, pa i sedu bu katibu, i na sirbiu pa seis anu, ma na setimu anuSir 25.39-41 bu na largal.

13Ora ku bu na dispidil, ka bu mandal mon limpu.

14Yabri bu mon bu dal un parti di kil ku SIÑOR bu Deus bensuau ku el, di limaria, biñu ku miju.

15Lembra kuma bu seduba katibu na tera di Ejitu, ma SIÑOR bu Deus libertauSai 20.2; Sir 22.33 di la. E ku manda N na dau e ordi aos.

16Si bu katibu falau kuma i ka misti sai na bu mon, pabia i amau ku bu familia, i sinti kuma i sta diritu na bu mon,

17bu ta toma guja gros, bu fural oreja kontra porta; i ta sedu bu katibu pa sempri. Bu ta fasi mesmu kusa ku katibu femia.

18Ka bu oja kuma i kansadu pa bu larga bu katibu, pabia, na ki seis anu, ki tarbaju ki fasi pa bo i bali dus bias mas di ki tarbaju di algin ku bu na paga. Si bu largal, SIÑOR bu Deus na bensuau na tudu ku bu na fasi.

Purmeru fijus di limarias

19Tudu limaria macu ku sedu purmeru fiju di si mame, na metadi di bu bakas ku karnel, bu na pul aparti pa SIÑOR bu Deus. Turu ku sedu purmeru fiju di si mame, bu ka na pul tarbaja, nin bu ka na tiskia purmeru fiju di bu karnel.Sai 13.2

20Kada anu abo ku bu familia bo na kume elis dianti di SIÑOR bu Deus na kau ki na kuji.

21Ma si i tene kualker difeitu,Sir 1.3 si i manku o segu, o i tene kualker utru difeitu, ka bu sakrifikal pa SIÑOR bu Deus.

22Bu pudi kumelKap 12.15,21-22 na bu prasa; algin puru ku kil ki ka puru pudi kumel, suma ora ke na kume gazela.

23Ka bu kume si sangi;Sir 3.17 bu na darmal na con suma yagu.