Mateus 27 - Portuguese Creole Bible, Guinea-Bissau

Judas mata kabesa(Mar 15.1; Luk 23.1-2; Jon 18.28-32; At 1.16-19)

1Parmaña sedu, tudu ŝefis di saserdoti ku garandis di pobu e rumaKap 26.3; Sal 2.2; Luk 22.66 entri elis pa mata Jesus.

2E maral ku korenti, e lebal, e bai ntregaKap 20.19; At 3.13 gubernadur Pilatus.

3Oca Judas ku falsialba oja kuma Jesus kondenadu, i sinti ripindidu, i bai ribanta ki trinta muedaKap 26.14-15 di prata pa ŝefis di saserdoti ku garandis,

4i fala elis: “N peka; N ntrega algin inosenti pa i muri.” E puntal: “Ke ku mportanu la? Kila i ku bo!”

5Judas ferca ki muedas di prata na kasa di Deus, i sai, i bai nforka2 Sam 17.23; At 1.18-19 si kabesa.

6Ŝefis di saserdoti kuji ki muedas di prata, e fala: “I kontra lei pa no pui e diñeru na kaŝa di oferta, pabia i pres di sangi.”

7E filanta entri elis, e usa ki diñeru pa kumpra un terenu na mon di un kumpudur di puti, pa sirbi di simiteriu pa stranjerus.

8E ku manda, te aos, ki terenu ta comadu kampu di sangi.

9Asin ku kusa ku anunsiadur Jeremias falaba bin sedu, kuma: “E toma ki trinta muedaZak 11.12-13 di prata, pres ku pobu di Israel filanta pa el,

10e kumpra kampu di kumpudur di puti, suma ku Siñor mandan.”

Jesus dianti di Pilatus(Mar 15.1-15; Luk 23.1-25; Jon 18.28-40; 19.1-16)

11Jesus sikidu dianti di gubernadur. Kila fasil purguntas, i puntal: “Abo i Rei di judeus?” Jesus ruspundi: “I suma ku Ñu fala.”

12Ŝefis di saserdoti ku garandis e akusal, ma i ka ruspundiKap 26.63 nada.

13Pilatus puntal: “Bu ka obi e kusas tudu ke na fala kontra bo?”

14Jesus ka ruspundi nin un palabra, di manera ku gubernadur fika dimiradu dimas.

15Na tempu di festival di Paskua, gubernadur kustumaba sempri larga un prezu; pobu ta kuji kin ke misti.

16Na ki tempu i tenba un prezu kunsidu ku comadu Barabás.

17Asin, oca ku pobu junta, Pilatus punta elis: “Kal ku bo misti pa N larga bos, Barabás o Jesus comadu Kristu?”

18I sibiba kuma e ntregalba pabia di nveẑa.

19Oca Pilatus sinta na tribunal, si minjer manda falal: “Ka bu yentra na palabra di ki omi justu, pabia e di noti N sufri dimas na suñu pabia del.”

20Ma ŝefis di saserdoti ku garandis e cuciAt 3.14 pobu pa e pidi Pilatus pa i larga Barabás, i mata Jesus.

21Gubernadur punta elis: “Kal de dus ku bo misti pa N larga?” E falal: “Barabás.”

22Pilatus punta elis: “Nta ke ku N na fasi ku Jesus ku comadu Kristu?” E fala tudu: “Krusifikal.”

23Pilatus punta: “Ma kal mal ki fasi?” E grita ku mas forsa: “Krusifikal!”

24Pilatus oja kuma i ka na pudi fasi nada, ma baruju mas na buri nan. I pidi yagu, i laba monLei 21.6 dianti di pobu, i fala: “N ka ten kulpa na mortu de omi justu. Kulpa i di bos.”

25Tudu pobu ruspundi, e falal: “Kastigu di si mortu pudi kaiJos 2.19; 2 Sam 1.16; 1 Re 2.32; Luk 11.50-51; At 5.28; 18.6 riba di nos, ku no fijus!”

26Asin Pilatus larga Barabás pa elis. Dipus di manda sutaIs 53.5 Jesus, i ntregal pa i krusifikadu.

Soldadus fasi Jesus trosa(Mar 15.16-20)

27Na ki ora soldadus di gubernadur leba Jesus pa sedi; tudu kompañia di tropas junta na si roda.

28E dispil, e bistil suma rei ku un kapaLuk 23.11; Jon 19.2 burmeju,

29e kumpu un koroa di fidida, e pul na kabesa; e pui un kana na mon direita, e finka juju si dianti, e fasil trosa, e fala: “Viva, Rei di judeus!”

30E kuspil,Kap 26.67 e tomal kana, e na dal ku el na kabesa.

31Dipus de kaba fasil trosa, e dispil ki kapa, e tornal si ropa, e lebal pa i krusifikadu.

Krusifikason(Mar 15.21-32; Luk 23.26-43; Jon 19.17-27)

32Oca e na sai di ki lugar, e kontra ku un omi ku comadu Simon, di prasa di Sireni. E obrigal pa i leba krus di Jesus.

33Oca ke ciga na un lugar comadu Gólgota, ku signifika Lugar di Kaku di Kabesa,

34e da Jesus biñu jagasidu ku fel pa i bibi, ma dipus di purbal, i nega bibil.

35Dipus de krusifikal, e juga sorti pa rapatiSal 22.18 si ropa,

36E sinta la pa guardal.

37E pui un kusa skritu riba di si kabesa pa mostra si akusason, ku fala: “ES I JESUS, REI DI JUDEUS.”

38Dus ladronIs 53.12 krusifikadu juntu ku el, un na direita, utru na skerda.

39Kilis ku na pasaba e fika e na kobalSal 22.7-8; 109.25 mal, e na balansa kabesa,

40e na fala: “Abo ku fala bu na bati kasaKap 26.61 di Deus, bu na torna kumpul na tris dia, salba bu kabesa! Si abo i Fiju di Deus, ria na krus!”

41Di mesmu manera tambi ŝefis di saserdoti ku pursoris di lei ku garandis e fasil trosa, e fala:

42“I salba utru jinti, ma i ka pudi salba si kabesa! Si el i Rei di Israel, pa i ria gosi na krus; no ta fia nel.

43I fiansa na Deus; pa kila libral gosi, si i ten amor pa el, pabia i fala kuma el i Fiju di Deus.”

44Ki ladrons ku krusifikadu ku el e na kobalba tambi di mesmu manera.

Mortu di Jesus(Mar 15.33-41; Luk 23.44-49; Jon 19.28-37)

45Disna di me-dia tudu tera bida sukuruAm 8.9 te tris ora.

46Pertu di tris ora di tardi, Jesus grita ku vosEb 5.7 altu, i fala: “Eli, Eli, lamá sabaktani?” ku sedu: “Ña Deus, ña Deus, pabia di keSal 22.1 ku bu bandonan?”

47Utru di kilis ku staba la e obil, e fala: “I na coma Elias.”

48Ki ora un delis kuri, i toma sponja, i pul na vinagriSal 69.21 tok i moja yop, i pul na un kana, i tenta dal el pa i bibi.

49Ki utrus fala: “Disal; no jubi si Elias na bin salbal!”

50Jesus torna grita utru bias, i para da folgu.

51Kurtina di kasa di DeusSai 26.31-33; 2 Kron 3.14; Eb 6.19 findi na dus padas, di riba pa bas. Tera tirmi, pedras rebenta.

52Kobas di nteru yabri, manga di kurpu di pobu di Deus ku muriba ja e lanta,

53e sai na kobas. Dipus di Jesus lanta di mortu, e yentra na prasa sagradu; manga di jinti oja elis.

54Kapiton ku utru soldadus ku na guardaba Jesus, oca ke oja con tirmi, ku kusas ku kontisi, e sinti garandi medu, e fala: “Na bardadi, e omi seduba Fiju di Deus!”

55Manga di minjer staba la, e na jubi di lunju. E binba ku Jesus desdi GalileiaLuk 8.2-3 pa judal.

56Na se metadi i staba Maria Madalena, Maria, mame di Tiagu, ku José, ku mame di fijus di Zebedeu.

Nteru di Jesus(Mar 15.42-47; Luk 23.50-56; Jon 19.38-42)

57Oca ku sol na kai, i bin un omi riku di Arimateia ku ta comadu José; i seduba tambi disipulu di Jesus.

58I bai pa Pilatus, i pidil kurpu di Jesus. Pilatus manda pa e dal el.

59José toma kurpu, i mbuljal na un panu limpu, finu,

60i pul na si koba nobuIs 53.9 ki kobaba na roca, i rola un pedra garandi pa entrada di koba; dipus i bai.

61I staba la Maria Madalena ku ki utru Maria sintadu dianti di koba.

62Na utru dia, ku sedu dia dipus di Purparason, ŝefis di saserdoti ku fariseus e junta, e bai pa Pilatus,

63e falal: “Siñor, no lembra kuma ki nganadur, ocalba inda bibu, i fala kuma, dipus di tris diaKap 16.21; 26.61 i na lanta di mortu.

64Asin, manda pa koba guardadu suguru tok tris dia pasa, pa ka si disipulus bin bai furta kurpu, e bin fala pobu kuma i lanta di mortu. Asin, ultimu mintida i ta sedu pior di ki purmeru.”

65Pilatus fala elis: “Bo toma guarda, bo bai guarda koba suguru suma ku bo ntindi.”

66E bai, e lakria ki pedra.Dan 6.17 E pui guarda la pa koba fika suguru.