Oseias 4 - Portuguese Creole Bible, Guinea-Bissau

SIÑOR akusa Israel

1Abos, fijus di Israel, bo obi palabra di SIÑOR, pabia SIÑOR tene un kusa kontra bosKap 12.2; Mik 6.2 ku mora ne tera. I fala: “I ka ten bardadi2 Jon 4-6 nin amor ne tera, nin jinti ku ta rikuñisi Deus.

2Kusa ku ten nel i son kebra juramentu, konta mintida, mata, furta, pekadu seksual ku violensia. E na darma sangi tudu dia.

3E ku manda tera naJer 12.4; Sof 1.3 seku; jinti ku mora nel na magru; elis tudu ku limarias di matu, ku kacus ku ta bua, te ku pis di mar, e na muri.

SIÑOR akusa saserdotis

4“Ningin ka dibi di tisi keŝa, nin pa raprindi utru algin. Abo, saserdoti, ña keŝa i kontra bo.

5Bu ta da tapada di dia ku di noti; anunsiadur ta da tapada juntu ku bo. N na kaba ku bu mame, Israel.

6Ña pobu kabadu ku el pa falta di kuñisimentu. Suma ku bu nega kuñisimentu, ami tambi N negau pa bu ka sedu saserdoti ña dianti.

“Suma ku bu diskisi di lei di bu Deus, ami tambi N na diskisi di bu fijus.

7Mas ku saserdotis buri, mas ke peka kontra mi. N na muda se onra pa borgoña.

8Suma ku pekadu di ña pobu ta da elis bon purbitu, saserdotis ta ten forti diseẑu pa kilas kontinua na maldadi.

9Pabia di kila, saserdoti na kastigadu suma pobu. N na kastigal konformi si kamiñus, N pagal pa kusas ki fasi.

10E na kume ma e ka naMik 6.14; Aẑeu 1.6 farta; e na miti na pekadu seksual ma e ka na padi, pabia e bandona SIÑOR, e bai tras di utru deusis.

11“Biñu, nobu ku beju, i ta tira ntindimentuDit 20.1 di ña pobu.

12E ta bai pidi konsiju na se iduluJer 2.27; Ab 2.19 di madera; po ta da elis rasposta! Elis e disvia, e bandona Deus. Suma ku minjer ta yentra na mauKap 5.4; Apok 17.2 vida, asin tambi e nganadu, e bai tras di utru deusis.

13E ta sakrifikaIs 57.5,7; Ez 6.13 limarias riba di montañas, e kema nsensu riba di montis, bas di arvuris garandi ku tene bon sombra, pabia la i kau sabi. E ku manda bo fijus femia ta bindi se kurpu; minjeris di bo fijus ta dita ku utru omis.

14“N ka na kastiga bo fijus femia ku ta bindi se kurpu, nin minjeris di bo fijus ku ta dita ku utru omis, pabia omis propi ta bai pa minjeris ku ta bindi kurpu, e ta sakrifika juntu ku elis na balobas. Un pobu ku ka ten ntindimentu na tene vida tarpajadu.

15“Abo, Israel, nin ku bu misti yanda na mau vida, ka bu pui Judá pa i sedu kulpadu; ka bo bin paKap 5.8; 9.15; 10.5,8; 12.11; Jos 4.19; 7.2; Am 4.4; 5.5 Jilgal, nin pa Bet-Aven, nin ka bo jurmenta pa vida di SIÑOR.

16Israel sedu ntemusZak 7.11 suma baka. Kuma gora ku SIÑOR pudi bakial suma i na bakia un fiju di karnel na un kampada garandi?

17Efrain sta ja mitidu na kusa di idulus; disal!

18Ora ke kaba bibi, e ta pega na mau vida. Se ŝefis gosta di borgoña.

19UrdumuñuJer 4.11-12 na leba elis; e na fika ku borgoñaIs 1.29; Jer 2.26 pabia di se sakrifisius.