1Dia 13 di mis di 12, ku sedu misKap 3.13; 8.12 di Adar, i sedu dia markadu pa ki palabra di ordi di rei kumpridu. Na ki dia inimigus di judeus e tenba speransa di ngaña puder riba delis, ma kusa sai di utru manera, pabia judeus ngaña forsa riba di kilis ku odia elis.
2Judeus junta na se prasas na tudu pruvinsias di rei Asueru, pa ataka kilis ku na buska mal kontra elis. Ningin ka pudiba firma kontra elis, pabia jinti di tudu utru rasas e sinti medu delis.
3Tudu ŝefis di pruvinsias, ku administraduris, ku gubernaduris, ku funsionarius di rei, e juda judeus, pabia e sinti garandi medu di Mardokeu.
4Mardokeu seduba algin garandi na kasa di rei. Si fama laga pa tudu pruvinsias; si puder na torna kada bias mas garandi.
5Judeus ataka tudu se inimigus ku spada, e mata elis, e kaba ku elis. E fasi kil ke misti ku jinti ku odia elis.
6Na prasa fortifikadu di Susan, judeus mata kiñentus omi, e kaba ku elis.
7E mata tambi Parsandata, Dalfon, Aspata,
8Porata, Adalia, Aridata,
9Parmasta, Arisai, Aridai ku Vaizata,
10ku sedu des fijuKap 5.11 di Aman, fiju di Amedata, inimigu di judeus, ma e ka pui mon na rikesa di jinti ke mata.
11Na ki mesmu dia rei kontadu numeru di jinti ku muri na prasa fortifikadu di Susan.
12Rei fala raiña Ester: “Na prasa fortifikadu di Susan judeus mata kiñentus omi, tudu ku des fiju di Aman. Imaẑina kuma ke fasi na tudu ña utru pruvinsias! Kal ki bu pididu gosi? Bu na dadu el. Ke mas ku bu misti? I na fasidu pa bo.”
13Ester falal: “Si rei konkorda, i ta da judeus na Susan lisensa pa e torna fasi amaña konformi ki ordi di aos; i ta manda tambi pa kurpus di ki des fiju di Aman nforkadu.”
14Rei manda pa e fasi asin. Lei publikadu na Susan; e nforka kurpus di ki des fiju di Aman.
15Judeus na Susan torna junta na dia 14 di mis di Adar, e mata trizentus omi na Susan, ma e ka pui mon na rikesa di ki jinti.
16Tambi utru judeus ku staba na pruvinsias di rei e junta pa difindi se vida. E bin fika libri di se inimigus pabia e mata setenta i sinku mil delis, ma e ka pui mon na rikesa di ki jinti.
17Es i kontisi na dia 13 di mis di Adar. E diskansa na dia 14 di ki mis, e fasil un dia di festa ku alegria.
18Judeus na Susan e junta na dia 13 ku 14 di ki mis, e diskansa na dia 15; e fasil un dia di festa ku alegria.
19Tambi judeus di tabankas ku prasas pikininu e fasi dia 14 di mis di Adar un dia di alegriaKap 8.16-17 ku festas, dia di divirtimentu, di torkia pursentis ku ŋutru.
Festa di Purin20Mardokeu skirbi e kusas; tambi i manda kartas pa judeus ku staba na tudu pruvinsias di rei Asueru, kilis ku mora pertu ku kilis ku mora lunju,
21i manda elis pa e guarda dia 14 ku dia 15 di mis di Adar, kada anu,
22suma dias ku judeus e fika libri di se inimigus. I na ki mis ku se tristesa bidaSal 30.11 alegria, se kasabi bida un dia di divirtimentu. I fala elis pa e tene ki dias suma dias di festa ku alegria, pa e manda pursentis pa ŋutru, ku ofertas pa koitadis.
23Judeus konkorda pa kontinua kada anu ku e kustumu ke kumsa, konformi Mardokeu skirbi elis,
24pabia Aman, fiju di Amedata, di jorson di Agag, inimigu di tudu judeus, i fasiba planu pa kaba ku judeus. I botabaKap 3.7-13 Pur, ku sedu sorti, pa i pudi mata, i kaba ku elis.
25Oca rei bin sibi de kusa, i manda kartasKap 8.8-12 pa ki planu malvadu ku Aman teneba kontra judeus pudi torna kai riba di si kabesa. Asin el ku si fijus e nforkaduKap 9.14; 7.10 na po.
26Ki dias comadu Purin, ku sai di nomi Pur. Pabia di tudu palabra di ki karta di Mardokeu, tambi pabia di tudu ke ku kontisi ku elis,
27judeus konfirma, e fasi regra pa elis, ku se jorson, ku tudu jinti ku pudi bin bidaKap 8.17 judeus, kuma, tudu anu, sin i ka maina, e na guarda ki dus dia na tempu markadu, na manera ku Mardokeu manda.
28Ki dias dibi di lembradu, e guardadu na kada jorson ku na bin bin, na kada familia, na kada pruvinsia ku kada prasa. Judeus ten ku guarda ki dias di Purin sempri; se lembransaSai 13.8-9; Jos 4.7 ka pudi kaba na metadi di se jorson.
29Dipus, raiña Ester, fiju di Abiail, juntu ku ki judeu Mardokeu, e skirbi sugundu karta ku tudu otridadi pa konfirma ki purmeru karta aserka di Purin.
30E manda kartas pa tudu judeus na sentu i vinti i seti pruvinsia di renu di Asueru, ku palabras di pas ku suguransa,
31pa konfirma ki dias di Purin na tempu markadu, suma judeu Mardokeu ku raiña Ester fiksaba, suma judeus propi fiksaba aserka di junjun ku cur pa elis ku se jorson.
32Lei di Ester konfirma ki regras aserka di Purin; i skirbidu na un libru ofisial.
Who We AreWhat We EelieveWhat We Do
2025 by iamachristian.org,Inc All rights reserved.
