Filipensis 1 - Portuguese Creole Bible, Guinea-Bissau

Kumsada ku manteña

1Anos, Paulu ku Timótiu, servus di Kristu Jesus, no na skirbi pa tudu pobu di Deus na FílipusAt 16.12 ku sta ligadu ku Kristu Jesus, tudu ku se garandis ku diákunus.

2N misti pa Deus no Pape ku Siñor Jesus Kristu da bos faburRom 1.7 ku pas.

Orason pa jinti di Fílipus

3N ta fala Deus obrigaduRom 1.8 tudu bias ku N lembra di bos.

4Kada bias ku N na ora pa bos tudu, N ta ora ku alegria,

5pabia di manera ku bo judan na tarbaju di Bon Noba disna di purmeru dia te gosi.

6N sta sertu di un kusa, kuma, kil ku kumsa e bon tarbaju na bos i na bai dianti ku el, tok i kompletal na Dia di Kristu Jesus.

7N tene bos sempri na ña korson. E ku manda N oja kuma i justu pa N sinti asin pa bos, pabia abos tudu bo ta toma partiKap 4.14 na mison ku Deus dan, tantu na kalabus suma ora ku N na difindi pa firmanta bardadi di Bon Noba.

8Deus i ña tustumuñaRom 1.9 kuma ku N ten garandi diseẑu di bos tudu, ku saudadi fundu ku bin propi di korson di Kristu Jesus.

9Es i ña orason, pa bo amor buri1 Tes 3.12 kada bias mas, na kuñisimentu, tambi ku tudu ntindimentu,

10pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

11Ku puder ku Jesus Kristu ta pui dentru diJon 15.5 bos, bo ta mostra ki bon manera di sedu ku ta pui jinti glorifika Deus, pa e ngabal.

Kalabus di Paulu i pa purbitu di Bon Noba

12Ermons, N misti pa bo sibi kuma kusas ku kontisi ku mi i judaKum 50.20 pa mas avansu di Bon Noba,

13di manera ku tudu guardaKap 4.22 di palasiu, ku tudu utru jinti, sibi kuma N sta prezu pabia di Kristu.

14Pabia di ña kalabus, mas parti di ermons na Siñor e ten mas animu pa fala palabra di Deus ku koraẑen, sin medu.

15Na bardadi utru delis ta konta Bon Noba di Kristu pabia e ten nveẑa ku spirituKap 2.3 di jus, ma utrus ta fasil di bon vontadi.

16Esis e fasil pa amor; e sibi kuma Deus pun pa N difindi Bon Noba.

17Ki utrus ka ta konta aserka di Kristu ku korson limpu, ma ku spiritu di kumbosadia. E kuda kuma e na lantanda mas fadiga pa mi na kalabus.

18N ka mporta! Na un manera o utru, na finjimentu o na bardadi, suma ke na konta di Kristu, N ta kontenti. N na kontenti mas inda,

19pabia N sibi kuma Deus na usa e kusas pa dan ña libertason, suma ku bo na ora2 Kor 1.11 pa mi; Spiritu di Jesus Kristu tambi na judan.

20Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑenAt 4.29,31; Ef 6.19-20 gosi, suma pa sempri, pa garandesa di Kristu pudi ojadu klaru na ña kurpu, si i pa vidaAt 20.24; Rom 14.7-9; 2 Kor 5.9 o si i pa mortu.

21Ke ki vida? Pa mi, i Kristu; mortu i ngañu,

22ma si pa N bibu inda N ta pudi fasi mas tarbaju di purbitu, nta N ka sibi ke ku N dibi di kuji.

23Di tudu dus ladu N na jundadu. N ten diseẑu di disa e vida2 Kor 5.8 pa N sta ku Kristu, pabia i mas minjor,

24ma pa amor di bos N kuda i mas pirsis pa N fika ku vida.

25Suma ku N ten e sertesa, N sibi kumaKap 2.24; Filem 22 N na bibu inda; N na fika ku bos tudu pa juda bos avansa na fe ku mas alegria,

26pa ora ku N sta ku bos utru bias, bo pudi ten muitu mas roson di njata2 Kor 5.12 na mi na no union ku Kristu Jesus.

Konsiju pa fika firmi

27Kusa importanti i pa bo manera di viviEf 4.1; Kol 1.10; 1 Tes 2.12; 4.1 sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu1 Kor 1.10 son, bo na geria juntu pa feJud 3 di Bon Noba, ku un pensamentu son.

28Na nada ka bo ten meduIs 41.10; Mat 10.28 di kilis ku sta kontra bos. Es na sedu un sinal pa elis kuma e ten ku pirdi, ma pa bos i sinal di salbason ku Deus na da bos,

29pabia bo dadu fabur, i ka son pa fia na Kristu, ma tambi pa sufriAt 5.41; Rom 8.17; 2 Tes 1.5 pa el.

30Ami ku bos no sta na mesmu gera ku bo ojanbaAt 16.19; 1 Tes 2.2 nel, ku gosi bo obi kuma N sta nel inda.