1I ta bon ba pa bu sedu ña ermon
ku ña mame mamanta!
Ora ku N kontra ku bo na rua
N pudi dau beẑu;
ningin ka ta disprezan.
2N ta lebau, N yentrandau
na kasa di ña mame;
bu ta nsinanba;
N ta dau biñu di bon ceru pa bu bibi,
ku sumu di ña romans.
3Si mon skerdaKap 2.6 sta bas di ña kabesa,
si mon direita barsan.
4Minjeris di Jerusalen, N pidi bos
pa ka bo korda, ninKap 2.7 ka bo ntrumpi amor
te ora ki misti.
Kumpañeris5Es i kinKap 3.6 ku na bin di lala,
kontenti, ngostadu na kil ki ama?
NoivaBas di pe di mangu ku N kordau;
la ku bu mame staba ku dur di partu,
tok i padiu.
6Pun na bu korson, bu fical pa utrus;
son ami ku bu na barsa.
Amor i forti suma mortu,
kumbosadiaDit 6.34 i duru suma kau di nteru.
I ta yardi suma brasas di fugu,
suma fugu forti di SIÑOR.
7Manga di yagu ka pudi paga amor,
nin rius ka pudi lebal.
Nin si algin da tudu rikesa di si kasa pa amor,
kila tudu i ta njutidu.
Ermons di noiva8No tene no ermonsiñu femia
ku mama inda ka sai.
Ke ku no na fasi pa no irma
na dia ki na pididu kasamenti?
9Si el i sedu mura,
no ta bin kumpu tori di prata nel.
Si i sedu porta,
no na tajal ku taguas di sedru.
Noiva10Ami N sedu mura;
ña mama i suma toris.
N sedu na si uju
suma kil ku ta tisi kontentamentu.
11Salomon teneba un orta di uva na Baal-Amon;
i luga jinti el.
Kada un ta tisi mil mueda di prata
pa ki fruta.
12Salomon, ki mil mueda di prata i pa bo;
Duzentus i pa ki renderus,
ma ami N tene ña propi orta di uva.
Noivu13Abo ku mora na jardin,
ña kumpañeris na pera obi bu fála;
fasin tambi pa N obil.
Noiva14Ña amadu, bin dipresa,
bu sedu suma gazela,
o fiju macu di gazela,
riba di monti ku ta cera sabi.
Who We AreWhat We EelieveWhat We Do
2025 by iamachristian.org,Inc All rights reserved.
