Zakarias 11 - Portuguese Creole Bible, Guinea-Bissau

1Líbanu, yabri bu portas

pa fugu pudi kaba ku bu sedrus.

2Abos, faias, bo jimi, pabia sedrus kai;

ki arvuris mas bonitu kabadu ku el.

Abos, karvajus di Basan, bo jimi,

pabia matu ficadu batidu.

3Sinti kuma ku bakiaduris na jimi!

se kau riku di bakia danadu.

Sinti fijus di lion na somna!

Ki matu bonitu lungu di Jordon kabadu ku el.

Dus bakiadur

4Asin ku SIÑOR ña Deus fala: “Bakia karnel ku na bai matadu.

5Kilis ku kumpra elis e na mata elis; e ka na ojaduJer 2.3; 50.7; Os 12.8 kulpadu. Kilis ku bindi elis na fala: ‘Deus obrigadu! N bida riku!’ Se propi bakiaduris ka ta sinti pena delis.”

6SIÑOR fala: “Sin duvida N ka na ten mas pena di moraduris de tera, ma N na ntrega kada un na mon di si kumpañer ku si rei. E na kastiga jinti na tera; ami N ka na libra elis na se mon.”

7N bakia ki karnel ku markadu pa matadu; kilis ku kalkaduba, N trata elis diritu. N ranja dus manduku, N coma un Fabur, N coma ki utru Union. Asin ku N bakia ki karnel.

8Na un mis N tira tris bakiadur pabia N pirdi pasensa ku elis; elis tambi e fika kansadu ku mi.

9N fala karnelis: “N ka na bakia bos mas. Kil ku naJer 15.2 muri, pa i muri; kil ku na kabadu ku el, pa i kabadu ku el; kilis ku sobra, pa kada un kume karni di si kumpañer.”

10N toma ña manduku comadu Fabur, N kebral, pa N pudi nula ña kontratu ku N fasiba ku tudu nasons.

11Asin, kontratu nuladu na ki dia. Koitadis di koral ku na jubiba pa mi e bin rapara kuma es i palabra di SIÑOR.

12N fala elis: “Si bo sta pruntu, bo dan ña pagamentu; si nau, bo disa.” E paga diñeru di ña vensimentu, ku sedu trinta muedaSai 21.32; Mat 26.15 di prata.

13SIÑOR falan: “Botal pa kumpudur di puti.” N toma ki trinta mueda di prata, (ki garandi pres ke pensa kuma N bali!) N botalMat 27.5-10 na kasa di SIÑOR, pa kumpudur di puti.

14Dipus N kebra ña sugundu manduku, comadu Union, pa kebra ermondadi na metadi di Judá ku Israel.

15SIÑOR falan: “Toma material pa bu torna sedu bakiadur, ma e bias, un bakiadurEz 34.2 ku ka bali.

16Pabia N na lantanda un bakiadur na tera ku ka na toma konta di kilis ku na muri, nin i ka na buska kil ku pirdi, nin pa i kura kil ku molosta, ku fadi pa i bakia kilis ku san; ma i na kume karni di kil ku taka, i rinka si pe.

17Ai di ki bakiadurJer 23.1; Jon 10.12-13 ku ka bali, ku bandona koral! Spada na kai riba di si brasu, tambi riba di si ujuMik 3.6 direita. Si brasu na seku tudu; si uju direita na bida segu.”