Salmus 45 - Portuguese Creole Bible, Guinea-Bissau

Kantiga di kasamenti, pa ŝef di musika, na metadi di fijus di Koré. Pa sedu kantadu ku musika di “Lirius”. Un maskil.

1Palabras bonitu na inci ña kabesa tok i darma,

nkuantu N na ripiti e kantiga ku N fasi pa rei.

Suma kaneta di algin ku ten jitu na skirbi,

asin ku ña lingua sta pruntu ku poesia.

2Abo i mas bonitu di ki tudu omi;

palabras bonitu ta darma na bu boka,

pabia Deus bensuau pa sempri.

3O rei forti, mara bu spada;

bisti bu gloria ku puder

10Ña fiju, noiva di rei, sukuta, bu para sintidu:

Diskisi di bu pobu, ku kasa di bu pape.

11Rei na dija bu bonitasku;

dal rispitu pabia el i bu siñor.

12Pobu di Tiru na tisiu pursentis;

omis riku na tenta ngaña bu fabur.

13Fiju femia di rei sta na si palasiu;

jubi kuma ki bonitu!

Si bistidu tisidu ku liña di uru.

14I na lebadu pa rei ku bistidu bordadu;

bajudas na kumpañal, e na lebal pa bo.

15E na lebadu ku alegria ku kontentamentu;

e na yentra na palasiu di rei.

16Bu na tene fijus pa toma lugar di bu papes;

bu na pui elis pa e sedu ŝefis na tudu parti di tera.

17N na pui bu nomi pa i lembradu na jorsons di futuru;

asin nasons na ngabau pa tudu sempri.