Ebreus 9 - Portuguese Creole Bible, Guinea-Bissau

Nobu kontratu na sangi di Kristu

1Purmeru kontratu teneba ordi di manera di sirbi Deus; i teneba tambi un lugar sagraduSai 25.8 li na tera.

2I kumpudu unSai 26.1,35; Sir 24.5-6 tenda, purmeru parti, nunde ki sta kanderu, ku mesa ku pon ku ta pudu dianti di Deus. Es i ta comadu lugar sagradu.

3Pa tras di sugundu kurtinaSai 26.31-33 i sta un lugar ku comadu lugar mas sagradu di tudu,

4ku teneba altar di uruSai 30.1-6 pa kema nsensu, ku arkaSai 25.10 di kontratu, foradu tudu di uru, nunde ki sta un jaru di uru ku tenebaSai 16.33-34 maná, ku vara di AronNum 17 ku floraba, ku taguasSai 25.16; 2 Kron 5.10 di kontratu.

5Riba di arka i staba kirubinsSai 25.17-22; Sir 16.2 ku ta mostra gloria di Deus. E distindi se asas riba di lugar nunde ku pekadu ta purdadu nel. Gosi no ka na splika tudu aserka de kusas.

6Suma ku e kusas sta asin rumadu, saserdotis ta yentra sempriSai 27.21; 30.7-8 na purmeru tenda pa fasi se sirvis,

7ma na sugundu lugar, son ŝef di saserdoti ku ta yentra un biasSai 30.10; Sir 16 kada anu. I ka pudi yentra la sin leba sangi pa pursenta pa si kabesa, ku pekadu tambi ku jinti fasi sin e sibi.

8Nes tudu, Spiritu Santu na mostra kuma kamiñuKap 10.19-20; Jon 14.6 pa yentra na lugar mas sagradu di tudu i ka diskubridu inda, kontra purmeru tenda firma.

9Es i sinal pa mostra e tempu li. Ofertas ku sakrifisius e ka pudiKap 10.1-4 fasi kil ku na pursental pa i sta diritu na si konsiensia,

10pabia i un kusa ku na fasidu son kuSir 11.2; Num 19.7; Rom 14.17; Kol 2.16-17 kumida, ku bibida, ku manga di sirmonia pa limpesa. E kusas tudu di fora, e pudu son te na tempu ku Deus na pui nobu ordi.

11Ma Kristu bin ja, suma Ŝef di Saserdoti di bon kusas ku sta ja. Tenda ki na sirbi nel i mas garandi, i mas kompletu; i ka tarbajuKap 8.2 di mon di omi, nin i ka sedu de mundu ku kumpudu.

12Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertasonEf 1.7; Apok 1.5 pa nos pa sempri.

13Si sangi di bodiSir 16.14-16; Num 19.17 ku di turu, ku sinsa di fiju di baka wagadu riba di jinti kontaminadu, i ta purifika elis, i ta limpa kontaminason di kurpu,

14ku fadi gora puder di sangi di Kristu pa limpaKap 1.3; Rom 6.22; 1 Ped 1.19; 3.18; 1 Jon 1.7; Apok 1.5; 7.14 no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

15E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di unRom 3.25 mortu, ku ta liberta jinti di mal ke fasi na tempu di purmeru kontratu.

16Na kasu di testamentu, i pirsis proba kuma kin ku fasil muri,

17pabia un testamentuGal 3.15 ten forsa son dipus di un mortu; i ka ten nin un balur ora ku si dunu bibu inda.

18E ku manda ki purmeru kontratu tambi ka fasidu sin sangi.

19Moisés konta dianti di pobu tudu mandamentu suma ki sta na lei; dipus i toma sangiSai 24.5-8; Sir 14.4-7,49-52; 16.14 di fijus di baka ku bodis, ku yagu; i toma tambi un padas di po di isopi, ku lan burmeju, i waga riba di libru di lei propi, ku tudu jinti,

20i fala: “Es i sangi di kontratuMat 26.28 ku Deus manda pa bo sigi.”

21Na mesmu manera i waga sangi tambi na tenda, ku tudu kusa ku ta usadu na sirmoniaSai 29.12 pa Deus.

22Konformi lei kuas tudu kusa ta purifikadu kuSir 17.11 sangi. Pekadu ka pudi purdadu sin sangi ka darma.

Sakrifisiu di Kristu ta limpa pekadu

23Ki kusas ku sedu figuras di kil ku sta na seu tenba ku purifikadu de manera, ma propi kusas di seu pirsisa di sakrifisiu mas minjor di ki esis,

24pabia Kristu ka yentra na ki lugar sagradu ku omi kumpu, ku sedu figura di kil ki di bardadi, ma i yentra na seu propi, pa parsi dianti di DeusKap 6.20; 7.25; Rom 8.34; 1 Jon 2.1 pa nos.

25Ŝef di saserdotis ta yentra kada anuKap 9.7 na lugar mas sagradu di tudu, ku sangi ki ka di sil, ma Kristu ka yentra manga di bias pa da si vida.

26Si i asin, i tenba di sufri manga di bias disna di kumsada di mundu, ma gosi, na kabantada di tempu, i parsi un bias pa sempriKap 7.27; 10.10; 1 Ped 3.18 pa sakrifika si vida pa kaba ku pekadu.

27Tudu jinti ten ku muriKum 3.19; Ekl 3.20; 2 Kor 5.10; Apok 20.12 un bias; dipus, julgamentu na bin.

28Asin tambi Kristu da si vida un bias pa tira pekaduRom 5.15; 1 Ped 2.24; 1 Jon 3.5 di manga di jinti. I na parsiMat 24.30; Jon 14.3; Titu 2.13 sugundu bias; i ka pa trata di pekadu, ma pa salba kilis ku na peral.