Isaias 3 - Portuguese Creole Bible, Guinea-Bissau

Julgamentu di Judá ku Jerusalen

1SIÑOR, SIÑOR ku ten tudu puder, i na tira di Jerusalen ku Judá ki kusas ke ta nkuña nel, ku sedu tudu sustentuSir 26.26; Jer 38.9; Ez 4.16-17; 14.13 di pon ku tudu se yagu,

2omi forti ku omi di gera, juis ku anunsiadur, kil ku ta diviña ku omi garandi,

3kapiton di sinkuenta ku omi rispitadu, konsijadur, kil ku ten jitu na tarbaju di artista, ku jambakus.

4N na pui rapasisEkl 10.16 pa e sedu se ŝefis; mininus na guberna riba delis.

5Kada kin na kalka si kumpañer; mininus na lanta kontra garandis; kilis ku ka sedu nada e na lanta kontra jinti di rispitu.

6Algin na bai pa si ermon na kasa di se pape, i falal: “Abo bu tene ropa, bu ta sedu no ŝef, bu toma konta de foronta ku no sta nel.”

7Na ki dia i na ruspundi ku vos altu, i fala: “Ami N ka sedu mediku. N ka tene nin kumida na kasa, ku fadi ropa. Ka bo pun pa N sedu ŝef di pobu.”

8Jerusalen na balansa; Judá kai ja, pabia tudu ke na papia, ku kusas ke na fasi, sta kontra SIÑOR, pa disafia si parsensa gloriosu.

9Se rostu ta mostra se kulpa; elis e ta peka dianti di jinti suma jinti di SodomaKum 13.13; 19.4-5 ta pekaba; e ka ta sukundi. Ai delis! E ta fasi mal pa se kabesa.

10Bo fala jinti justu kuma kusas na kuri elis diritu; e na kume frutuDit 12.14; 13.2; Jer 22.15; Ez 18.20 di ben ke fasi.

11Ai di omi mau! Kusas na kuril mal, pabia i na dadu pagamentuDit 1.31 di kusas ki fasi ku si mon propi.

12Mininus na kalkaKap 3.4; 9.16 ña pobu; minjeris ku na guberna. A, ña pobu! Kilis ku na giau e na nganau, e na disviantau di kamiñu ku bu dibi di sigi.

13SIÑOR lanta pa pui si kasu, i firma pa julga nasons.

14SIÑOR toma palabra kontra garandis ku ŝefisKap 5.7; Jer 5.27; Mat 23.14 di si pobu, i fala elis: “Abos ku kume fruta di orta di uva. Kil ku furtadu di koitadi i sta na bo kasas.

15Kal roson ku bo ten pa kastigaMik 3.1-3 ña pobu, bo dana rostu di koitadis?” Asin ku SIÑOR, Deus ku ten tudu puder, punta.

Julgamentu di minjeris di Jerusalen

16SIÑOR torna fala mas: “Minjeris di Sion i orgulyosu, e ta yanda ku gargantiDit 6.17 yalsadu; e ta atrai omis ku se uju, e ta yanda ku pasus kurtu. E ta faja se pe ku kaskavelu.

17SIÑOR na pui mpincu na kabesa di minjeris di Sion, i na pui pa e pirdi tudu se kabelu.”

18Na ki dia, SIÑOR na tira fajamentus di pe, kabesa, garganti,

19oreja ku mon. I na tira se veus,

20ŝapeus, anel di pe ku se sintus, kaŝa di purfumu ku guardas,

21anel pa dedu ku naris,

22ropa di festa, panus di ronku, kapas, bolsas,

23spijus, ropa di liñu finu, lensus di kabesa ku veus kumpridu.

24Minjer ku ta cera di purfumu i na bin cera mal; kil ku ta pui sintu bonitu i na maradu ku korda; kil ku ta ronka ku moda di kabelu i na bidaEz 7.18; Mik 1.16 kareka; kil ku ta pui bistidu kumpridu i na bisti saku;Jer 6.26 kemaduraKap 4.4 na toma lugar di bonitasku.

25Omis di prasa na muri di spada; omis forti na kaiMis 2.21 na gera.

26Portons di prasa na jimi, e na cora; prasaJer 14.2; Mis 1.4; 2.9-10 na sedu suma minjer ku sinta na con, sin nada.