1 Samuel Introduson - Portuguese Creole Bible, Guinea-Bissau

IntrodusonPurmeru libru di Samuel konta di mudansa di Teokrasia, na tempu di ŝefis, pa monarkia, ku sedu Stadu gubernadu pa un rei. Deus kuji rei suma ke pidi, ma i manti si otridadi. Rei, tudu ku pobu, tenba ku fika bas di Deus, o sufri kastigu (2.6-10).Tris jinti importanti e sedu Samuel, Saul (purmeru rei di Israel) ku Davi, ku bin sedu rei dipus di manga di kansera. Libru ka kontanu kin ku skirbil, ma i pudi sedu Samuel, Natan o Gad (1 Kron 29.29).Familia di Samuel, ku moraba na montaña di Efrain, e seduba levitas, ma e ka sedu di familia di Aron (1 Kron 6.1-3,33-38). Si mame dedikal suma nazireu (Num 6); mas tardi i bin sirbi suma saserdoti. I seduba tambi ŝef (7.6) ku videnti o anunsiadur di rekadu di Deus (9.9,18-19).Rusumu1.1—7.17 Samuel, ultimu ŝef di Israel8.1—10.27 Saul kujidu pa i sedu rei11.1—15.35 Purmeru anus di renansa16.1—30.31 Davi ku Saul31.1-13 Mortu di Saul ku tris di si fijus