1 Reis 3 - Portuguese Creole Bible, Guinea-Bissau

Salomon fasi kontratu ku Faraó, rei di Ejitu

1Salomon fasi kontratu ku Faraó, rei di Ejitu, i kasa si fiju femia, i lebal pa prasa di Davi, te na tempu ki kaba kumpu si palasiu, ku kasa di SIÑOR, ku mura ku rodiaba Jerusalen.

2Pobu fika e na sakrifika na kausKap 15.14; 22.43; Sir 17.3-6; 26.30; 2 Kron 33.17 altu, pabia, te na ki tempu, kasa ka kumpuduba inda na nomi di SIÑOR.

3Salomon amaba SIÑOR, i yanda konformi leis di si pape Davi, ma un kusa son, i ta sakrifikaba, i ta kema nsensu na kaus altu.

Salomon pidi Deus jiresa(2 Kron 1.3-12)

4Un dia rei bai JibeonJos 9.3 pa bai sakrifika, pabia ki kau altu seduba mas importanti di ki tudu. La ki mataba mil limaria, i kema elis riba di ki altar.

5La na Jibeon, SIÑOR Deus bin pa SalomonKap 9.2 di noti, na suñu, i falal: “Pidi kusa ku bu misti pa N dau.”

6Salomon falal: “Bu mostra garandi bondadi pa bu servu Davi, ña pape, pabia el i yanda ku bo diritu, na bardadi, ku bon korson. Bu kontinua mostral ki garandi bondadi, manera ku bu dal un fiju ku sinta aos na si lugar na tronu.

7SIÑOR ña Deus, ami bu servu, bu pun pa N rena na lugar di ña pape Davi, ma N sedu mininu1 Kron 29.1; Ekl 10.16; Jer 1.6 inda, N ka sibi fasi e tarbaju.

8N sta na metadi di pobuSai 19.5-6 ku bu kuji, ku sedu un pobu garandi dimas ku ka pudi fasidu konta del, suma ke ciu.

9Asin, bu ta dan korson di ntindimentu1 Kron 22.12; Sal 72.1-2; Dit 3.13-15; 16.16; Tia 1.5; 3.17 pa guberna bu pobu, pa N pudi sibi rapara kil ki bon ku kil ki mau, pabia kal algin ku pudi guberna es bu pobu garandi?”

10SIÑOR fika kontentiDit 15.8 manera ku Salomon pidi ki kusa.

11Asin Deus falal: “Suma ku bu pidi e kusa, bu ka pidi rikesa pa bu kabesa, nin mortu pa bu inimigus, ma bu pidi jiresaKap 4.29-34; 5.12; 10.3-8,23-24; Ekl 1.13,16; Mat 12.42 pa fasi justisa diritu,

12N na fasi konformi bu pidin. N na dau un sintidu di jiresa ku ntindimentu, ku ka ciga di ten antis di bo, nin dipus di bo i ka na ten utru suma di bo.

13Tambi N na dau kil ku bu ka pidin, ku sedu rikesaKap 4.21-24; 10.23-29; Mat 6.33; Rom 8.32; Ef 3.20 ku gloria. Na bu tempu i ka na ten utru rei ku na justa ku bo.

14Si bu yanda na ña kamiñu, bu obdisi ña leis ku ña mandamentus suma ku bu pape Davi fasi, N na dau vidaLei 4.40 kumpridu.”

15Salomon korda, i rapara kuma i seduba suñu. I bai Jerusalen, i bai firma dianti di arka di kontratu di SIÑOR, i sakrifika ofertas kemadu ku ofertas di pas, i fasi festa pa jinti di si sirvis.

Salomon julga kasu di dus minjer

16Un dia dus minjer di mau vida bai dianti di rei.

17Un son falal: “Ñu Rei, ami ku e minjer no mora na mesmu kasa. N bin padi fiju oca ki staba la.

18Tris dia dipus di N padi, e minjer padi tambi. Manera ku no sta juntu, ningin mas ka staba ku nos na kasa, si i ka anos dus son.

19Di noti si fiju muri, pabia i ditaba riba del.

20I lanta me-noti, i toman ña fiju lungu di mi, oca ku N na durmi, i ditandal lungu di si kurpu; i toma kil si fiju mortu, i ditandal lungu di mi.

21Oca N lanta parmaña pa mamanta ña fiju, N ojal mortu, ma oca kau kaba mansi, N jubil diritu, N oja kuma i ka seduba ña fiju ku N padi.”

22Ki utru minjer fala: “I ka asin! Mininu bibu i di mi, ki mortu i di bo.” Ki purmeru fala: “I ka bardadi! Ki mortu i bu fiju; ki bibu i di mi.” Asin ke na diskuti dianti di rei.

23Rei fala: “Es fala: ‘Ki bibu i ña fiju, ki mortu i di bo.’ Es utru fala: ‘I ka bardadi; ki mortu i di bo, ki bibu i di mi!’ ”

24Rei fala mas: “Bo tisin spada.” E tisil el.

25Rei fala: “Bo rapati mininu bibu na dus parti, bo da metadi pa un, metadi pa utru.”

26Ma kil ku seduba mame di ki bibu i sinti amor pa si fiju, i fala rei: “Ñu Rei pudi dal mininu bibu; ka bo matal!” Ki utru minjer fala: “I ka na sedu di mi nin di bo; bo rapatil.”

27Rei fala: “Ka bo mata mininu bibu; bo dal pa e purmeru minjer, pabia i el ki si mame.”

28Oca ku tudu jinti di Israel obi manera ku rei julga ki kasu, e sinti garandi rispituSai 14.31; Jos 4.14; 1 Sam 12.18 pa el, pabia e oja kuma jiresa di Deus staba nel pa fasi justisa.