1 Reis 21 - Portuguese Creole Bible, Guinea-Bissau

Orta di uva di Nabot

1Un omi di Jizreel comadu Nabot teneba un orta di uva na Jizreel, lungu di palasiu di Akab, rei di Samaria.

2Un dia Akab fala Nabot: “Bu orta di uva sta lungu di ña kasa. Dan elSir 25.14-28; 1 Sam 8.14; Ez 46.18 pa N fasil orta. N ta dau utru orta di uva mas bon na si konta, o si bu misti, N ta dau diñeru konformi si balur.”

3Nabot fala Akab: “SIÑOR ta libran di N dau yardansaNum 36.7,9 di ña papes.”

4Akab fika ku kasabi, i paña raiba, pabia di palabra di Nabot di Jizreel ku falalba: “N ka na dau yardansa di ña papes.” I bai pa kasa, i dita na kama, i vira rostu pa paredi, i nega kume.

5Si minjer Jezabel bai pa el, i puntal: “Ke ku manda bu sta ku kasabi de manera, bu nega kume?”

6I falal: “Pabia N fala Nabot di Jizreel pa i bindin si orta di uva pa diñeru o, si i misti, N ta dal utru orta mas minjor, ma i falan kuma i ka na dan el.”

7Si minjer Jezabel puntal: “Nta i ka abo ku na manda na Israel? Lanta bu kume, bu fika kontenti; ami N na dau ki ortaMik 2.1-2 di Nabot di Jizreel.”

8Jezabel skirbi kartas na nomi di Akab, i pui karimbu di rei, i manda ki kartas2 Sam 11.14-15; 2 Kron 32.17; Esd 4.7-16; Ne 6.5-7; Est 3.12-15 pa garandis ku jinti altu ku moraba lungu di Nabot na si prasa.

9Asin ki skirbi na kartas: “Bo ranja un dia di junjun,Is 58.4 bo da Nabot un lugar di rispitu dianti di pobu.

10Bo pui dusLei 19.15; At 6.11-14 malandru pa e sinta si dianti, pa e testifika kontra el kuma i papia mal kontra Deus ku rei. Dipus bo lebal fora, bo dal ku pedrasSir 24.15-16 tok i muri.”

11Asin garandis ku jinti altu ku moraba na prasa di Nabot e fasi konformi ordis ku Jezabel da na kartas ki manda elis.

12E ranja un dia di junjun, e da Nabot un lugar di rispitu dianti di pobu.

13Dus malandru yentra, e bai dianti di Nabot, e testifika kontra el dianti di pobu, e fala: “Nabot papia mal kontra Deus ku rei.” Jinti lebal fora di prasa, e dal ku pedrasAt 7.57-60 tok i muri.

14E manda konta Jezabel kuma Nabot dadu ku pedras, i muri.

15Oca ku Jezabel obi kuma Nabot dadu ku pedras tok i muri, i bai fala Akab: “Lanta bu toma konta di orta di Nabot di Jizreel, kil ki nega bindiu pa diñeru, pabia Nabot ka sta ja di vida; i muri.”

16Oca ku Akab obi kuma Nabot muriba ja, i lanta, i bai pa ki orta di uva, i toma konta del.

Deus manda Elias pa i papia ku Akab

17SIÑOR papia ku Elias di Tisbe, i falal:

18“Lanta, bu bai kontra ku Akab, rei di Israel ku mora na Samaria; bu na ojal na orta di uva di Nabot, pabia i bai la pa toma konta del.

19Bu na falal: ‘Asin ku SIÑOR na puntau: Nta bu mata2 Sam 12.9 un omi; gosi bu na toma si yardansa?’ Falal mas: ‘Asin ku SIÑOR fala: Na kau ku kacuris limbi sangi di Nabot, la ku kacuris na limbi tambi bu sangi, sangiKap 22.38; Ŝef 1.7; 2 Sam 12.11; 2 Re 9.25-26; Est 7.10; Sal 7.15-16; 9.16 di bo propi!’ ”

20Akab punta Elias: “A, ña inimigu,Kap 18.17; 22.8; Am 5.10 bu ojan ja?” Elias falal: “N ojau, pabia bu ntrega ja bu kurpuKap 16.30; 2 Re 17.17 pa fasi mal dianti di SIÑOR.

21Asin ku SIÑOR fala: ‘N na manda kastigu riba di bo, N na kaba ku bu jorson, N na kaba ku tudu omi di bu familia,Kap 14.10; 2 Re 9.7-9; 10.11 katibu o libri.

22N na fasi bu familia suma kil di Jeroboan,Kap 15.26,29 fiju di Nebat, tambi suma familia di Baasa,Kap 16.3-11 fiju di Aias, pabia bu lantanda ña raiba, bu pui Israel pa i peka.’

23SIÑOR papia tambi aserka di Jezabel, i fala: ‘Kacuris na kume Jezabel2 Re 9.10,35-37 lungu di mura di Jizreel.

24Kilis di familia di Akab ku muri na prasa, kacurisKap 14.11 na kume elis; kilis ku muri na matu, kacus na kume elis.’ ”

25(Nunka i ka tenba ningin suma Akab ku ntrega si kurpu pa fasi malKap 16.30-33; 18.4; 19.2 dianti di SIÑOR, manera ku si minjer Jezabel ta pincalba.

26I fasi pekadus nujenti, manera ki bai tras di idulus, suma ku amoreus fasiba, kilis ku SIÑOR serkaba na tera oca ku fijus di Israel na yentraba.)

27Oca ku Akab obi ki palabra di Elias, i rumpi si ropa, i kubri kurpu ku saku, i junjuŋa; i dita na saku, i yanda ketu.

28SIÑOR papia ku Elias di Tisbe, i puntal:

29“Bu nota manera ku Akab baŝa ña dianti? Suma ki baŝa asin, N ka na manda ki kastigu na si dias, ma na tempu di si fiju2 Re 9.25-26 N na mandal.”