Daniel 11 - Portuguese Creole Bible, Guinea-Bissau

1Na purmeru anu di renansa di Dariu

23I na fasi kontratu ma i na ngana jinti. I na torna forti, mesmu ku si judaduris sedu puku.

24I na bai ketu pa lugaris mas riku di pruvinsia na tempu ke ka na spera. I na fasi kil ku si pape ka fasi, nin pape di si pape. I na rapati kusas ki toma na gera pa si jinti. I na fasi planus kontra kuartelis, ma si tempu kurtu ja.

25“I na mara koraẑen pa bai kontra rei di sul ku manga di tropa. Rei di sul tambi na yentra na gera ku garandi numeru di tropas forti, ma i ka na pudi nguenta pabia di nganu ke fasi kontra el.

26Kilis ku ta kume si kumidaMik 7.5 e na tenta kaba ku el. Si tropas na pincadu; manga del na matadu.

27Ki dus rei na pui sintidu pa fasi mal. E na sinta na un mesa ma e na konta ŋutru mintida. E ka na purbita nada, pabia kabantadaKap 8.19 na ciga na tempu markadu.

28Rei di norti na riba pa si tera ku garandi rikesa, ma na si korson i na sta kontra kontratu sagradu, ku sedu lei di Moisés. I na fasi ke ki misti; dipus i na riba pa si tera.

29“Na tempu markadu i na torna bai kontra sul, ma kusas ka na kuri suma purmeru.

30Barkus di KitinNum 24.24 na bin kontra el; i na bin pirdi koraẑen. I na riba ku raiba, i gasta ki raiba na riliẑion di judeus; i na fasi ke ki misti. I na mostra si fabur pa kilis ku disvia di lei di Moisés.

31“Si tropas na sai pa manca kau sagradu ku kuartel, e na kaba ku sakrifisiuKap 8.11; 12.11 di kada dia; e na firmanta ki kusa nujenti iKap 9.27 meduñu.

32Ku palabra sabi i na ngaña kilis ku bandona kontratu, ku sedu lei di Moisés, ma kilis ku kunsi se Deus e na fika firmi, e na geria.

33Jirus na metadi di pobu e na nsina manga di jinti, ma pa un sertu tempu e na matadu ku spada o ku fugu, e na tomadu prezu o se kusas na furtadu.

34Ora ke kai, e na risibi un bokadiñu di ajuda, ma manga di jinti na junta ku elis ku palabras falsu.

35Utru di ki jirus na kai pa e probadu, e purifikadu, pa e bida sin manca, te na kabantada di tempu, pabia i na bin sedu na tempu markadu.

36“Ki rei di norti na fasi ke ki misti. I na lanta, i na yalsa si kabesa riba di tudu deusis, i na papia kusas fiuKap 7.8,25; 2 Tes 2.4; Apok 13.5-6 kontra ki Deus ku sta riba di deusis. Kusas na kuril diritu, tok tempu di raiba di Deus bin kompleta, pabia kil ku markadu ja i ten ku sedu.

37I ka na ten rispitu pa deusis di si papes, nin pa ki deus ku minjeris ten amor pa el, nin pa kualker deus, pabia i na yalsa si kabesa riba delis tudu.

38Na lugar di ki deusis i na rispita deus di kuartel, ku si papes ka kunsiba. I na mostra rispitu pa ki deus, tambi pa uru, prata, pedras di balur ku utru kusas bonitu.

39I na difindi si kuartelis forti ku ajuda di un deus stranjeru. Kilis ku rikuñisil, i na da elis rispitu, i na pui elis pa e manda riba di manga di jinti, i na rapati elis tera suma premiu.

40“Na tempu di kabantada, rei di sul na geria kontra el. Rei di norti na bai kontra el suma turbada, ku karus, kabalus ku manga di barku. I na yentra na manga di tera, i pasa suma korenti di yagu.

41I na yentra tambi na tera bonitu di Judá; manga di tera na kai, ma Edon, Moab ku ŝefis di fijus di Amon e na kapli di si mon.

42Ora ki distindi si mon na manga di tera, Ejitu ka na kapli.

43I na toma kusas bonitu di uru ku prata ku tudu rikesas di Ejitu. I na ngaña riba di jinti di Libia ku Etiopia,

44ma nobas ki na obi di saida di sol ku di norti na pantandal. I na sai ku garandi raiba pa dana, pa kaba ku manga di jinti.

45I na pui si tendas garandi suma palasiu na metadi di Mar Mediteraneu ku monti sagradu i gloriosu, ma si kabantada na ciga; i ka na ten kin ku na judal.