Jo 24 - Portuguese Creole Bible, Guinea-Bissau

1“Suma ku tempus di julgamentu ka sukundidu

di Deus ku ten tudu puder,

ke ku manda kilis ku kunsil

ka na oja ki dias?

2I ten jinti ku ta mundanta pedras

e ta kuji uvas na orta di omi mau.

7E ta pasa noti nun pa falta di ropa;

e ka tene panu pa friu.

8Cuba di montañas ta moja elis;

suma e ka tene kau di mora,

e ta ngosta na pedras garandi.

9Omis mau ta rinka fiju pikininu na pitu di viuva,

e ta toma fijus2 Re 4.1; Ne 5.5 na mon di koitadi suma mpiñol.

10Asin ki koitadis ta yanda nun, pa falta di ropa;

ku fomi e ta karga arus di jinti mau.

11Na kintal di ki jinti

e ta pirmi azeitonas pa tira azeiti.

E ta masa uvas na kau ki ta masadu,

ma e ka pudiLei 25.4 bibi ki biñu, e ta fika ku sedi.

12Omis na jimi na prasas;

jinti ku molostadu na grita,

ma Deus ka ta akusa ningin di si pekadu.

13“I ten jinti ku sta kontraJon 3.19-21; Rom 1.32; 2.17-24; Tia 4.17 lus;

e ka kunsi kamiñu di lus,

nin e ka ta yanda nel.

14Mandrugada matadur ta lanta,

i mata koitadis;

di noti i ta bida suma ladron.

15Kil ku misti dita ku minjer di utru

i ta pera fuska-fuska,

i ta kubri rostu, i fala:

‘Ningin ka na raparan.’

16Na sukuru e ta romba kasas ke ta marka di dia;

e ka misti nada ku klaridadi.

17Pa elis tudu, parmaña i suma sombra di mortu,

ma e ta fasi kamaradia ku kusas meduñu di di noti.

18“E sedu suma sukuma riba di yagu;

se con i maldisuadu;

ningin ka ta yanda na kamiñu di se orta di uvas.

19Sekura ku kalur ta kaba ku yagu di nevi;

asin ku mortu ta fasi ku kilis ku peka.

20Mame na diskisi del;

bicus na kumel ku gustu;

nunka mas i ka na lembradu.

Suma arvuri ta kortadu,

asin ku omi mau na kortadu.

21I ta maltrata minjer ku ka tene fiju,

i ka ta fasi ben pa viuvas.

22Deus ta rasta ku si forsa te omis di puder;

si i lanta, e ka ta tene vida suguru.

23Si Deus da elis diskansu, e ta sinti suguru,

ma si uju sta na se kamiñus.

24E ta yalsadu pa puku tempu;

dipus e ta disparsi;

e ta batidu, e juntadu suma pe di arus,

e kortadu.

25Si i ka asin, kin ku na dismintin,

pa i nula ña palabras?”