Sirmonias 11 - Portuguese Creole Bible, Guinea-Bissau

Limarias ku dibi di kumedu ku kilis ku ka dibi di kumedu(Lei 14.3-21)

1SIÑOR fala Moisés ku Aron

2pa e papia ku fijus di Israel, e fala elis: “Di tudu limarias ku sta na tera, i esis ku bo na kume:

4I ten utrus ku ta rumina son, o ku tene uña findidu son; bo ka na kume kilas. Kamelu ku ta rumina ma i ka tene uña findidu, es i ka na sedu puru pa bos.

5Kueliu ta rumina ma i ka tene uña findidu; es i ka na sedu puru pa bos.

6Lebri tambi ta rumina ma i ka tene uña findidu; i ka na sedu puru pa bos.

7Purku tambiIs 65.4; 66.3,17 i ka na sedu puru pa bos, pabia i tene uña findidu tok i dividi na dus parti, ma i ka ta rumina.

8Bo ka na kume se karni nin bo ka na toka na se kadaver; esis e ka na sedu puru pa bos.

9“Tudu ku vivi na yagu di mar o di riu, ku tene barbatana ku skama, kila ku bo na kume,

10ma kil ku ka tene barbatana nin skama na metadi di tudu kriatura ku ta vivi na mar ku riu, tudu ki konjuntu di manga di pis, i na sedu nujenti pa bos.

11Suma i sedu nujenti pa bos, bo ka na kume se karni, bo na nuju se kadaver.

12Tudu ku vivi na yagu ku ka tene barbatana nin skama i na sedu nujenti pa bos.

13“Bo na nuju e kacus, bo ka na kume elis pabia e sedu nujenti: agia, kebrantós, mañoti,

14falkon ku tudu koldadi jugude,

15tudu koldadi korvu,Kum 8.7; 1 Re 17.4-6; Luk 12.24

16avestruz, moŝu, kuku, tudu koldadi gavion,

17bufu, korvu di mar, kuruẑa,

18gralia, sisni, pilikanu,

19segoña, tudu koldadi garsa, popa ku mursegu.

20“Tudu insetu ku ta bua, ku ta yanda ku si pe, bo na tene elis suma kusa nujenti,

21ma tudu insetu ku ta bua, ku ta yanda ku si pe, ku tene junta na si pe pa i pudi jukuta, bo na kume kila.

22Bo pudi kume tudu koldadi gamfañoti,Sai 10.4-5; Mat 3.4 solyan, grilu ku agab,

23ma tudu utru insetu ku ta bua, ku ta yanda ku pe, i na sedu nujenti pa bos.

24E pudi pui pa bo sedu impuru. Kil ku toka na se kadaver, i na fika impuru te di tardi.

25Kil ku pega se kadaver i na laba si ropa, i na fika impuruKap 11.28,40; Kap 7.19; 15.5-11; 17.15; Num 19.7-22 te di tardi.

26“Tudu limarias ku tene uña findidu, ma i ka dividi na dus parti, ku tudu ku ka ta rumina, i ka na sedu puru pa bos. Algin ku toka nelis i na sedu impuru.

27Tudu limaria di kuatru pata ku si uña ka findi i ka na sedu puru pa bos; kil ku toka na se kadaver i na fika impuru te di tardi.

28Kil ku pega se kadaver i na laba si ropa, i na fika impuru te di tardi. Ki limarias ka na sedu puru pa bos.

29“Di tudu limarias ku ta rasta na con, esis e ka na sedu puru pa bos: doniña, ratu,Is 66.17 tudu koldadi kagadu,

30orisu kaŝeru, linguana, lagartisa, lesma ku kamalion.

31Esis na metadi di kilis ku ta rasta na con e ka na sedu puru pa bos. Kualker algin ku toka nelis dipus de muri i na fika impuru te di tardi.

32Si un desis muri, i kai riba di kualker kusa, ki kusa na fika impuru, nin si ki kusa sedu di madera, fazenda, kuru o saku, o kualker feramentu ku ta fasidu tarbaju ku el; i na mitidu naKap 6.28; 15.12 yagu, i na fika impuru te di tardi; dipus i na sedu puru.

33Si un delis kai dentru di un puti di lama, tudu ke ku sta dentru del i na fika impuru; puti propi, bo na kebral.

34Kualker kumida ku yagu di ki puti darmadu riba del, i na fika impuru. Tudu bibida ku sta na ki puti na fika impuru.

35Kualker kusa ku se kurpu mortu kai riba del i na fika impuru. Furnu o kasarola di lama i na kebradu. I ka sta puru; asin bo na tratal suma kusa impuru.

36Uju di fonti o kau ku yagu ta guardadu nel i ta sedu puru, ma kil ku toka na un de kadaveris i na fika impuru.

37Si ki kadaver kai riba di simentera ku na sumiadu, ki simentera na sedu puru,

38ma si ki simentera pudu ja juntu ku yagu, si un kadaver kai riba del, logu bo na tenel suma impuru.

39“Si kualker limaria ku ta kumedu muri, kin ku toka na si kadaver i na fika impuru te di tardi.

40Algin ku kume ki kadaverKap 17.15-16; Lei 14.21; Ez 4.14; 44.31 i na laba si ropa, i na fika impuru te di tardi. Kil ku leba ki kurpu mortu tambi i na laba si ropa, i na fika impuru te di tardi.

41“Tudu bicu ku ta rasta na con i nujenti; i ka na kumedu.

42Kualker bicu ku ta yanda na con, nin si i ta rasta ku si bariga, o i ta yanda ku kuatru pe, o manga di pe, bo ka na kumel, pabia i nujenti.

43Ka bo bida impuru o nujenti pabia de bicus.

44Ami i SIÑOR bo Deus. Asin bo na ntrega bo kurpu pa i sedu sagradu, bo na kontinua sedu puruKap 19.2; 20.7,26; Sai 19.6; 1 Tes 4.3,7; 1 Ped 1.15-16; 2.9 pabia ami i puru. Ka bo bida nujenti pabia di kualker bicu ku ta rasta na con.

45Ami N sedu SIÑOR ku tisi bos di Ejitu pa N sedu bo Deus. Asin, bo kontinua sedu puru pabia ami i puru.

46“Es i lei aserka di limarias, kacus, ku tudu kriaturas ku ta vivi e yanda bas di yagu, ku tudu bicu ku ta rasta na con.

47Bo ten ku fasi diferensaKap 10.10 di puru ku impuru, di limarias ku pudi kumedu ku kilis ku ka pudi kumedu.”