Jo 23 - Portuguese Creole Bible, Guinea-Bissau

Jo misti pursenta dianti di Deus

1Jo ruspundi i fala:

2“Mesmu aos N na keŝa ku kasabi;

mon di Deus i forti riba di mi;

N ka pudi fika sin jimi.

3Si N sibiba nunde ku N na ojal,

N pudiba ciga

N ta ntindi ke ki na falan.

6Nta i ta usa garandesa di si puder kontra mi?

Nau, ma i ta toma konta di mi.

7La un omi retu ta puiba si kasu dianti di Deus;

ami N ta fika libri pa sempri di ña Juis.

8“Si N bai dianti, i ka ta sta la;

si N jubi tras, N ka ta ojal.

9Si i na tarbaja na mon skerda,

N ka ta kontra ku el;

o si i sukundi na direita, N ka ta ojal,

10ma el i sibiSal 139.1-5; 2 Tim 2.19 nunde ku N na bai;

si i kaba proban,Lei 8.2; Sal 66.10; Dit 17.3; Zak 13.9; Mal 3.2-3; Tia 1.2-4; 1 Ped 1.7 N na sai suma uru.

11Ña pe sigi si pasus;

N pega na si kamiñu, N ka disvia del.

12Nunka N ka lunjusi di si mandamentus;

N da palabrasKap 22.22; Sal 19.9-10; 119.11,103; Jer 15.16; 1 Ped 2.2 di si boka mas balur

di ki ña kumida.

13“Si i disidi fasi un kusa, kin ku naKap 11.10; 34.29; Num 23.19-20; Sal 115.3; 135.6; Is 14.24; Dan 4.35 tujil?

Kusa ki misti, el ki ta fasi.

14I na bin fasi kil ki marka pa ña vida;

i tene inda manga di utru planu na si sintidu.

15E ku manda N ta fika tarpajadu si dianti;

ora ku N pensa nes, N ta ten medu del.

16I Deus ku pui ña korson pa i dismaja;

kil ku ten tudu puder i pantandan.

17I ka sukuru ku ta pui pa N dismaja,

nin ki sukuru meduñu ku ta kubri ña rostu.