1 Samuel 18 - Portuguese Creole Bible, Guinea-Bissau

Amisadi di Jonatas ku Davi

1Oca Davi kaba papia ku Saul, si korson liga ku korson di Jonatas;Kap 13.1-3,16,22; 14.1-14,45; 19.1-7; 20.17,41-42; 23.16-18; 31.2; 2 Sam 1.26 Jonatas amal suma si kurpu.

2Disna di ki dia Saul fika ku Davi, i ka disal riba pa kasa di si pape.

3Jonatas ku Davi fasi2 Sam 9.1-8; 21.7 un kontratu, pabia Jonatas amaba Davi suma si kurpu propi.

4I tira kapa ki bisti, i da Davi el, suma tambi si kamisa di gera, si spada, si mansasa ku si sintu.

5Davi ta baiba tudu kau ku Saul mandal, i ta fasi tudu kusa diritu, tok Saul pul riba di tropas; tudu jinti kontenti ku el, te propi ŝefis di tropas kontenti.

Saul ka fika kontenti ku kantiga di minjeris

6Oca Davi kaba mata ki filisteu, tropas na riba ja pa kasa, minjeris di tudu prasas di Israel e sai ku tambriñasKap 21.11; 29.5; Sai 15.20-21; Ŝef 11.34 ku violas pa bai kontra ku rei Saul; e na kanta ku kontentamentu, e na baja.

7Oca ke na toka, e na kanta ŋutru, e na fala:

“Saul mata si milyaris,

ma Davi si des milyaris.”

8Saul paña raiba; ki palabras ka fikal sabi. I fala na si sintidu: “E na da Davi si des milyaris; ami, son milyaris ke dan! Na bardadi, ke ku faltal mas si i ka renansa?”

9Disna di ki dia pa dianti, Saul diskunfia di Davi.

10Utru dia SIÑOR manda spiritu mauKap 16.14-15 riba di Saul tok i na dispapia na si kasa. Davi na toka arpa suma ki kustuma ta fasi, ma Saul teneba un kañaku na mon.

11I fala na si sintidu: “N na prega Davi na paredi.” Asin i toma kañaku, i fercalKap 20.33 pa Davi, ma Davi libraIs 54.17; Jon 8.59; 10.39 del dus bias.

12Saul tenba medu di Davi, pabia SIÑOR staba ku el, ma i disaba ja Saul.

13Asin i ranja manera di tira Davi na kasa; i pul suma ŝef di mil soldadu. Davi ta baiba sempri dianti di tropas.

14Tudu ki ta fasiba ta kuri diritu, pabia SIÑOR staba ku el.

15Oca Saul nota na manera ku tudu ta kuril diritu, i sinti medu del.

16Tudu Israel ku Judá gostaba di Davi, pabia i ta baiba sempri dianti di tropas.

Davi kasa ku fiju di Saul

17Saul fala Davi: “Ali Merab, ña purmeru fiju femia; N na dauKap 17.25 el pa bu kasa. N misti son pa bu sirbin ku koraẑen, bu geria geras di SIÑOR.” Ma Saul na falaba na si sintidu kuma i ka el propi2 Sam 11.15; 12.9 ku na pui mon na Davi, ma i filisteus ku na matal.

18Davi punta Saul: “Ami i kin na Israel? Kin ki ña parentis ku familia di ña pape pa N kasa ku fiju di rei?”

19Ma oca tempu ciga pa Merab, fiju di Saul, kasa ku Davi, i dadu kasamenti pa Adriel, meolatita.

20Mikal,Kap 25.44; 2 Sam 3.14-15; 6.16,20-23 ki utru fiju femia di Saul, i amaba Davi; oca jinti konta Saul, i fika kontenti,

21i fala na si sintidu: “N na dal el pa i pudi sedu armadilia pa el, pa mon di filisteus pudi bai kontra el.” Asin Saul fala Davi: “Bu na bin kasa e utru fiju.”

22Dipus, Saul da si ŝefis ordi pa e papia ku Davi na sigridu, e falal: “Jubi, rei gosta ciu di bo; tudu si ŝefis amau. Gosi i tempu pa bu kasa fiju di rei.”

23Ŝefis di Saul ripiti tudu ki palabra na oreja di Davi. Davi punta elis: “Bo pensa i kusa pikininu pa sedu maridu di fiju di rei? Ami i omi koitadi ku ka sedu ningin.”

24Ŝefis di Saul bai kontal tudu ke ku Davi fala.

25Saul manda elis pa e bai fala Davi: “Rei ka misti utru pagamentu di kasamentiKum 29.18; 34.12; Sai 22.16-17 si i ka sen prepusiu di filisteus, pa pudi torna vingansa na si inimigus.” Ma planu di Saul i pa filisteus pudi mata Davi.

26Ŝefis bai konta Davi ki palabra; i fika kontenti pa i kasa ku fiju di rei ku ki pagamentu. Antis di dia markadu,

27Davi lanta, i bai ku si omis, e mata duzentus filisteu; Davi sirkunsida elis, i tisi se prepusius, i ntrega elis kompletu2 Sam 3.14 pa rei, pa i pudi kasa ku si fiju. Asin Saul dal si fiju pa i kasa.

28Saul nota kuma SIÑOR staba ku Davi; si fiju Mikal amaba tambi Davi.

29Asin Saul mas na sinti medu del, i sedu si inimigu pa restu di si vida.

30Ora ku ŝefis di filisteus sai pa elis, Davi mas ta ngaña kontra elis di ki tudu ŝefis di Saul; asin i tenba manga di fama.