2 Samuel 11 - Portuguese Creole Bible, Guinea-Bissau

Davi ku Bateseba

1Dipus di un anu, na tempu ku reis kustuma ta bai gera, Davi manda si ŝefis ku Joab, ku tudu tropas di Israel. E bai ngaña fijus di1 Kron 20.1 Amon, e taja Rabá.Lei 3.11 Davi fika na Jerusalen.

2Un dia di tardi, oca Davi lanta na kama, i na pasia-pasia riba di palasiu. Di la i ojaKum 3.6; 6.2; 34.2; Jo 31.1 un minjer ku na lababa kurpu. Ki minjer i bonitu ba dimas.

3Davi manda punta aserka di ki minjer. E falal: “Sertamenti es i Bateseba,1 Kron 3.5; 11.41; Mat 1.6 fiju di Elian, minjer di ki eteu Urias.”

4Asin Davi manda jinti ku rekadu pa e bai tisil. Oca i ciga, i ditaLei 22.22 ku el. (Minjer purifikabaSir 15.19-28; 18.19 ja di si impuresa.) Dipus i riba pa si kasa.

5Minjer bin paña bariga, i manda konta Davi kuma i preña.

6Davi manda fala Joab: “Mandan ki eteu Urias.” Asin Joab manda Urias pa Davi.

7Oca Urias ciga, Davi puntal kuma ku Joab ku tropas staba, tambi kuma ku gera na bai.

8Dipus i fala Urias: “Bai pa kasa, bu bai laba pe.” Oca Urias sai na palasiu, rei manda algin si tras ku kumida.

9Ma Urias ka bai pa si kasa; i dita na porton di palasiu juntu ku tudu servus di rei.

10Oca jinti konta Davi kuma Urias ka bai pa si kasa, i punta Urias: “Nta bu ka bin di un bias kumpridu? Ke ku manda bu ka bai pa kasa?”

11Urias fala Davi: “Arka sta na tenda, tudu ku tropas di Israel ku Judá; ña ŝef Joab ku ŝefis di Ñu Rei e sta la kampadu na matu. Kuma ku ami N na bai pa ña kasa pa kume, pa bibi, pa dita ku ña minjer? N jurmenta pa bu vida kuma N ka na fasi kusa suma es!”

12Davi falal: “Fika li aos; amaña N ta dispidiu.” Asin Urias fika na Jerusalen ki dia ku mas utru dia.

13Davi kumbidal; i bai kume i bibi ku el; Davi camintil,Ab 2.15 ma di tardi Urias sai, i bai dita na si stera ku servus di rei; i ka bai pa kasa.

14Parmaña Davi skirbi un karta1 Re 21.8-10 pa Joab, i mandal na mon di Urias.

15Na karta i skirbi asin: “Pui Urias la dianti na kau ku gera mas forti nel; bo ta rakua, bo disalKap 12.9 pa i matadu.”

16Suma ku Joab tardaba na jubi kuma ku prasa sta, i pui Urias na kau ki sibi kuma inimigus tenba mas forsa nel.

17Oca omis di prasa sai pa geria ku Joab, utru tropas di Davi kai mortu; ki eteu Urias muri tambi.

18Joab manda konta Davi tudu kusa ku pasa na gera.

19I da ordi pa ki algin ku na leba rekadu, i falal: “Ora ku bu kaba konta rei tudu ku pasa na gera,

20rei pudi paña raiba, i puntau: ‘Ke ku manda bo bai pertu di prasa pa bai geria? Bo ka sibiba kuma jinti ku sta riba di mura ten ku manda fleŝas?

21Kin ku mata Abimelek,Ŝef 9.53 fiju di Jidion, na Tebez? I ka un minjer ku staba riba di mura ku toma pedra di muiñu, i pui pa i kai riba di si kabesa, i matal? Ke ku manda bo ciga pertu di mura?’ Si i fala asin, bu ta falal: ‘Ki bu servu eteu, Urias, i muri tambi.’ ”

22Ki omi bai ku rekadu, i yentra, i konta Davi tudu kusa ku Joab mandal pa i fala.

23I fala Davi: “Na bardadi ki omis seduba mas forti di ki nos; e sai pa nos la na matu, ma no bai kontra elis, no pinca elis te na entrada di porton di prasa.

24Tropas ku mansasa ku staba riba di mura e manda fleŝas pa nos; utru ŝefis di rei muri; ki bu servu eteu, Urias, i muri tambi.”

25Davi fala ki omi ku tisiba rekadu pa i bai fala Joab asin: “Ka bu fika tristi pabia de kusa, pabia ningin ka pudi sibi kin ku na muri na gera. Geria ku mas forsa inda kontra ki prasa, bu ngañal. Mara koraẑen!”

26Oca minjer di Urias obi kuma si omi muri, i cora pa el.

27Oca tempu di cur pasa, Davi manda tisil pa si kasa; i bai sedu si minjer, i padi un fiju ku el, ma SIÑOR ka kontenti ku ki kusa ku Davi fasi.