Salmus 126 - Portuguese Creole Bible, Guinea-Bissau

Kantiga pa subi pa templu.

1Oca ku SIÑOR tisi jinti di katiberasku,

i ribanta elis pa Sion,

no staba suma kilis ku na suña.

2No fika no na ri son;

no boka inci kantigas di kontentamentu.

Na metadi di nasons, jinti ta fala ŋutru:

“SIÑOR fasi garandi kusas pa elis.”

3Na bardadi, SIÑOR fasi garandi kusas pa nos;

e ku manda no kontenti.

4O SIÑOR, torna pui kusas kurinu diritu

suma korentis di sul.

5Kilis ku sumia ku larma,

e na bin kebra ku kontentamentu.

6Kil ku cora pa bai ku bon simentera,

sin duvida i na riba ku kontentamentu,

i na tisi si maraduras.