1 Koríntius 10 - Portuguese Creole Bible, Guinea-Bissau

Avisu kontra iran

1Ña ermons, N misti pa bo ntindi kuma ku no garandis di antigu staba tudu guardadu bas diSai 13.21; 14.22 nuven, kuma ke pasa tudu na Mar Burmeju.

2Asin na nuven ku mar, tudu batisadu suma kumpañer di Moisés.

3Tudu kumeSai 16.14-15 un mesmu alimentu ku bin di Deus.

4E bibi tambi un mesmu bibida ku bin di Deus, pabia e bibi di pedraSai 17.6; Num 20.11 spiritual ku na kumpaña elis. Ki pedraJon 4.10; 7.37 i Kristu.

5Ma Deus ka kontenti ku manga delis. E ku manda se difuntusNum 14.29,35; Sal 106.26 pajiga pa tudu parti di lala.

6Agora tudu e kusas sedu pa avisanu pa ka no kubisaNum 11.4 kusas mau suma elis.

7Ka bo sedu adoraduris di iran suma utru delis, suma ki sta skritu: “PobuSai 32.6 sintaba, e na kume, e na bibi, e lanta pa fasi parodia.”

8Ka no fasi pekadu seksualKap 6.18; Num 25.1,9 suma ku utru delis fasi; e kai mortu na ki un dia vinti i tris mil jinti.

9Ka no tentaSai 17.2,7; Num 21.5-6; Lei 6.16 Siñor, suma ku utru delis fasi; kobra mata elis.

10Ka bo ŋuniŋuniSai 15.24; 16.2-9; 17.3; Num 14.2,26-38 suma ku utru delis fasi, tok anju di mortu bin kaba ku elis.

11Tudu ki kusas kontisi pa un sinal, i skirbiduRom 15.4 pa avisanu, anos ku na vivi na tempu ku kabantadaFil 4.5; Eb 10.25,37; 1 Jon 2.18 di tudu sta pertu.

12Kil ku oja kuma i sta firmi, pa i toma sintidu pa ka i kai!

13Tudu koldadi tentason ku bin pa bos i suma di tudu jinti, ma Deus i fiel; i ka na disa pa bo tentadu mas di ki kil ku bo pudi ku el; na ora di tentason i ta da tambi manera di kapli, pa bo pudi nguental.

Sirmonia di dimonius

14Asin ña kiridu ermons, bo kuri di adora1 Jon 5.21 iran.

15N na fala ku bos suma jinti diKap 8.1 ntindimentu. Abos propi bo pudi julga ke ku N na fala.

16Kopu ku no usa na SiaKap 11.23-26; Mat 26.26-27; At 2.42 di Siñor, ku no ta fala Deus obrigadu pa el, si no bibi nel no na toma parti di sangi di Kristu. Pon tambi ku no ta kebra, si no kumel no na toma parti di kurpu di Kristu.

17Manera ki sedu un pon, anos tudu no ciu, ma no sedu un kurpuRom 12.4-5 son, pabia no ta kume di ki un pon son.

18Bo jubi pa pobu di Israel. Nta kilis ku ta kumeSir 7.14 kusas di sakrifisiu, i ka elis ku ta sirbi na altar?

19Nta N na fala kuma iduluKap 8.4 o kusa sakrifikadu pa el i un kusa di balur?

20Nau! Ke ku N na fala: Kusa ku jinti ki ka di Deus sakrifikaLei 32.17; Sal 106.37; Apok 9.20 i pa dimoniu, i ka pa Deus. N ka misti pa bo toma parti ku dimoniu.

21Bo ka pudi bibi2 Kor 6.15-16 na kopu di Siñor, bo torna bibi na kopu di dimoniu. Bo ka pudi toma parti na mesa di Siñor, bo torna toma na mesa di dimoniu.

22O no na pui SiñorLei 32.21 pa i ten siumi? O anos i mas forti di ki el?

Liberdadi di krenti

23“No sta libriKap 6.12 pa fasi tudu kusa.” Asin ke fala, ma i ka tudu kusa ki bon. “No sta libri pa fasi tudu kusa,” ma i ka tudu ku ta juda lantanda igreẑa.

24Ningin ka dibi di buska si interesKap 13.5; Rom 15.1-2; Fil 2.4,21 propi, ma i dibi di buska interes di utru.

25Bo pudi kume tudu kusaRom 14.2 ku bindidu na fera, sin punta nada pabia di konsiensia,

26pabia i Siñor ku tene teraLei 10.14 ku tudu ku sta nel.

27Si un algin ku ka sedu krenti kumbida bos kume, si bo misti bai, bo ta kume tudu ki da bos, sin punta nada pabia di konsiensia,

28ma si algin fala bos kuma e kumida i di ronia, ka bo kumel, pabia di kil ku konta bos, tambi paKap 8.10,12 konsiensia.

29N ka na fala pabia di bo konsiensia, ma di kil ku konta bos.

Algin pudi punta: “Nta pabia di ke ku konsiensia di utru ta rugulaRom 14.16 ña liberdadi?

30Si N fala Deus obrigadu1 Tim 4.3 pa ña kumida, pabia di ke ku algin ta kritikan na kil ku N fala Deus obrigadu pa el?”

31Mbon, nin si bo na kume, o bo na bibi, o bo na fasi kualkerKol 3.17; 1 Ped 4.11 utru kusa, bo fasi tudu pa gloria di Deus.

32Bo yanda na bon manera, ku bo ka ta puiRom 14.13 nin judeu, nin gregu, nin igreẑa di Deus pa i kai.

33Suma mi tambi, N ta fasi forsa pa N fasi tudu pa pui tudu jintiKap 9.19,22; Rom 15.1-2 kontenti. N ka ta buska kil ki bon son pa mi, ma pa manga di jinti, pa e pudi salba.