1 Koríntius 12 - Portuguese Creole Bible, Guinea-Bissau

Koldadi dons di Spiritu

1Gosi, ermons, N na ruspundi kil ku bo skirbi aserka di dons di Spiritu Santu, pabia N misti pa bo ntindil diritu.

2Bo sibi kuma, oca bo ka kunsiba inda Deus, bo ta rolantadu di manga di manera pa irans ku ka pudi falaSal 115.5 nada.

3Asin N misti pa bo ntindi kuma, algin ku na fala na puder di SpirituMat 16.15-16; Mar 9.39; 1 Jon 4.2-3 di Deus ka ta fala kuma Jesus maldisuadu. Ningin tambi ka pudi fala: “Jesus i Siñor,” si i ka papia na puder di Spiritu Santu.

4I ten manga di koldadi dons, ma i mesmuKap 12.11; 7.7; Rom 12.6-8; Ef 4.4-7,11; Eb 2.4 Spiritu ku ta da elis.

5I ten manga di koldadi sirvis, ma Siñor i ki un son.

6I ten manga di koldadi tarbaju, ma i mesmu Deus ku ta tarbaja tudu kusa na tudu jinti.

7Spiritu ta mostra na kada un na maneraKap 14.26; 1 Ped 4.10-11 diferenti, ma pa ben di tudu,

8pabia Spiritu ta da un algin palabra diKap 2.6-7; 2 Kor 8.7 jiresa; i ta da utru palabra di kuñisimentu;

9mesmu Spiritu ta da utruKap 13.2; Mat 17.19-20; 2 Kor 4.13 fe; i ta da utru puderis diMar 16.18; Tia 5.14-15 kura;

10utru tambi, Spiritu ta dal puderKap 13.1; Mar 16.17; At 2.4; Gal 3.5 di fasi milagris; utru, i ta dal don di anunsia rekadu di Deus; utru, i ta dal puder di rapara koldadi spiritu; utru, i ta dal puder pa fala na linguas ki ka obi; utru, i ta dal manera di splika ki linguas.

11Tudu e donsKap 12.4 i di un mesmu Spiritu. I el ku ta da kada kin na manera ki misti.

Un kurpu ku tudu si partis

12Kristu i suma un kurpuRom 12.4-5 son ku tene manga di parti. Kontudu e ciu, ma e ta junta pa e sedu un kurpu son.

13Anos tudu no batisaduRom 6.3-5; Gal 3.28; Ef 2.13; Kol 3.11 na un Spiritu, pa no forma un kurpu son, judeusRom 3.29; 10.12-13 ku gregus, katibus ku kilis ku sta libri. I ki un Spiritu ku dadu pa nos tudu no bibiJon 4.14; 7.37 nel.

14Kurpu i ka un parti son, ma manga del.

15Pe pudi fala: “Suma ami i ka mon, N ka sedu di kurpu,” ma i pertensi kurpu na mesmu.

16Oreja pudi fala: “Ami i ka uju; N ka sedu di kurpu,” ma i pertensi kurpu na mesmu.

17Si kurpu tudu sedu son uju, kuma ku algin pudi obi? Si tudu seduba oreja, kuma ku algin pudi sinti ceru?

18Deus pui kada parti di kurpu na si lugar propi, konformi i misti.

19Si tudu seduba un parti son, kurpu ka na tenba,

20ma na bardadi, i ten manga di parti, ku ta forma un kurpu son.

21Uju ka pudi fala mon: “N ka pirsisa di bo.” Nin kabesa ka pudi fala pe asin: “N ka pirsisa di bos.”

22Ki parti di kurpu ku parsi mas fraku, no ka pudi fika sin el.

23Ki partis di kurpu ku no oja kuma e ka ten garandi balur, i elis ku no ta trata ku mas rispitu. Ki partis na nos ku ka bonitu suma utrus, no ta trata elis mas diritu,

24na un manera ku ki partis mas bonitu ka ta pirsisa del. Deus forma kurpu na un manera ku ki partis ku ka bonitu tene muitu mas rispitu,

25pa ka kurpu sedu divididu, ma pa partis tene mesmu tratu un pa utru.

26Asin, si un parti na sufri, tudu ta sufri ku el. Si un parti ngabadu, tudu ta kontentiRom 12.15 juntu ku el.

27Abos ku sedu kurpuKap 12.12 di Kristu; kada un di bos sedu un parti di si kurpu.

28Na purmeru lugar Deus pui na igreẑaAt 6.1-6; 13.1; Rom 12.6-8; Ef 2.20; 3.5; 4.11; 1 Tim 5.17; Eb 13.17 apostolus; na sugundu lugar anunsiaduris; na terseru, pursoris; dipus, kilis ku ta fasi milagris; dipus, kilis ku dadu puder di kura, o di juda utrus, o di guberna na igreẑa, o di fala linguas ke ka obi.

29I ka tudu ki apostolu, nin anunsiadur, nin pursor. I ka tudu ku ten puder pa fasi milagri,

30o pa kura duentis, pa fala lingua ki ka obi, o pa splika lingua.

31Bo buskaKap 14.1,39 ku mpeñu ki dons mas importanti.

Gosi N na mostra bos kamiñu ki mas bon di tudu.