Jo 3 - Portuguese Creole Bible, Guinea-Bissau

Jo keŝa

1Dipus di kila, Jo yabri boka, i maldisua dia ki padidu,

2i fala:

3“Dia

pa e maldisua ki noti.

9Pa si strela di fuska-fuska fika sukuru;

lus di mandrugada ki na pera pa ka i bin;

pa i ka ojadu purmeru raius di sol.

10Ki noti, pa i maldisuadu pabia i ka fica porta di bariga,

nin i ka tujin oja kansera.

11“Ke ku manda N ka muri na bariga,

o N muri oca ku N na sai nel?

12Ke ku manda i tenba algin pa pegan,

ku pitu pa mamantan?

13Si N muriba, gosi N na ditabaEkl 6.3-5; 4.3 ketu,

N na durmiba; i na tenba diskansu pa mi,

14juntu ku reis ku konsijaduris di mundu

ku torna kumpu pa se kabesa kasas ku danaba ja.

15N na ditaba ku ŝefis ku teneba uru,

ku inci se kasas ku prata.

16Ke ku manda N ka sukundidu na con

suma mininu ku padidu mortu,

suma kilis ku nunka ka oja lus?

17La, jinti mau ka ta ŝatia;

la, jinti kansadu ta diskansa.

18La, katibus ta diskansa,

e ka ta obi mas gritu di kil ku sta riba delis.

19La i sta pikininu ku garandi;

katibu sta libri di si dunu.

20“Ke ku manda folgu ta dadu pa algin di kasabi,

o vidaJer 20.18 ta dadu pa jinti di spiritu disanimadu?

21E na peraApok 9.6 mortu, ma i ka bin pa elis;

e na buskalDit 2.4 suma jinti ku na koba

pa buska rikesa ku sukundidu.

22Si e bin ciga na kau di nteru,

e na kontenti, e na jukuta ku pas.

23Ke ku manda folgu ta dadu pa omi

ku Deus tajaKap 19.8; Mis 3.7-9 na tudu ladu,

i ka disal oja kamiñu ku sta si dianti?

24Tristesa ta bin pa mi suma kumida;

ña jimidura na darma suma yagu.

25Kusa ku N mediba bin kontisi ku mi.

26N ka ten pas nin susegu nin diskansu,

ma son foronta.”