1Bo kanta ku kontentamentu pa Deus, ku sedu no forsa;
bo yalsa fála pa ngaba Deus di Jakó.
2Bo pega na salteriu, bo toka tambriñas,
bo fasi musika bonitu ku arpa ku viola.
3Bo toka kornetaNum 10.10 pa festival,
na lua nobu, tambi ora ku lua firma.
4Es i regra pa Israel,
i un ordi di Deus di Jakó.
5I dal suma regra pa fijus di Israel
oca ki sai kontra tera di Ejitu,
nunde ku N obi un vos ku N ka kunsi, ku fala:
6“N tira kargu na se ombras;
se mon libradu di kufus.
7Oca ku bu coman na foronta, N librau.
N kudiu, sukundidu na turbada;
N probau na yaguSai 17.6-7 di Meribá.
Sela
8“Ña pobu, bo sukutan; N misti avisa bos.
O Israel, si bo ta seta sukutan!
9Ka bo tene deus strañu na bo metadi,
nin ka bo mpina dianti di deus di utru tera.
10AmiSai 20.2 i SIÑOR bu Deus ku tirau na tera di Ejitu;
yabri bu boka diritu; N ta incil.
11“Ma ña pobu ka seta obi ña palabra;
Israel ka mistin.
12Asin N ntrega elisAt 7.42; 14.16-17; Rom 1.24 pa diseẑus di se korson,
pa e yanda konformi se propi pensamentu.
13“A! Si ña pobuLei 5.29; 32.29; Is 48.18 ta sukutanba!
Si Israel ta seta yanda na ña kamiñus,
14N ta bati se inimigus kinti-kinti,
N pui ña mon kontra kilis ku sta kontra elis!
15Kilis ku ten odiu di SIÑOR
e na ribaba tras ku medu;
se kastigu na kontinuaba pa sempri.
16Ma abos, N na daba bos ki trigu mas minjor;
N na fartandaba bos ku mel ku sai na roca garandi.”
Who We AreWhat We EelieveWhat We Do
2025 by iamachristian.org,Inc All rights reserved.
