Esdras 8 - Portuguese Creole Bible, Guinea-Bissau

Lista di kilis ku bai ku Esdras

1Es i lista di ŝefis di familia, ku kilis ku reẑistadu ku elis, ku sai na Babilonia ku mi na tempu ku Artaserksis na renaba:

2Jerson, di jorson di Fineias;

Daniel di jorson di Itamar;

Atus di jorson di Davi;

3di familia di Sakanias;

Zakarias di jorson di Parós, ku 150 omi ku staba reẑistadu ku el;

4Elioenai, fiju di Zeraias, di jorson di Paat-Moab, ku 200 omi;

5Sekanias, fiju di Jaaziel, di jorson di Zatu, ku 300 omi;

6Ebed, fiju di Jonatas, di jorson di Adin, ku 50 omi;

7Jesaias, fiju di Atalias, di jorson di Elan, ku 70 omi;

8Zebadias, fiju di Mikael, di jorson di Sefatias, ku 80 omi;

9Obadias, fiju di Jeiel, di jorson di Joab, ku 218 omi;

10Selomit, fiju di Josifias, di jorson di Bani, ku 160 omi;

11Zakarias, fiju di Bebai, di jorson di Bebai, ku 28 omi;

12Joanan, fiju di Akatan, di jorson di Azgad, ku 110 omi;

13Elifelet, Jeuel ku Semaias, ku sedu ultimu fijus di Adonikan, ku 60 omi;

14Utai ku Zabud, di jorson di Bigvai, ku 70 omi.

Esdras buska levitas

15N junta elis lungu di riu ku ta bai pa Aava; no kampa la tris dia. N jubi diritu pa pobu ku saserdotis, ma N ka oja la nin un levita.

16Asin N coma utru ŝefis: Eliezer, Ariel, Semaias, Elnatan, Jarib, Elnatan, Natan, Zakarias ku Mesulan, suma tambi Joiarib ku Elnatan ku sedu omis jiru,

17N manda elis pa Idu, ŝef di Kasifia, N pui palabras na se boka pa e fala Idu ku si ermons, ku seduba serventis di templu, pa e mandanu jinti pa sirvis na kasa di no Deus.

18Suma ku bondadi ku puder di Deus staba riba di nos, e mandanu Serebias, un omi ntindidu, di familia di Mali, fiju di Levi, fiju di Israel, tudu ku si fijus ku si ermons, ku seduba 18 omi.

19E mandanu tambi Asabias, tudu ku Jesaias di familia di Merari, ku si ermon ku subriñus, ku seduba 20 omi,

20ku 220 serventi di templu, tudu reẑistadu pa nomi. (Rei Davi ku si ŝefis ku kumsa ranja serventis di templu, e pui elis pa e juda levitas na se tarbaju.)

Orason ku junjun

21La, lungu di riu Aava, N da ordi pa no junjuŋa, no baŝa dianti di no Deus, pa no pudi pidil bon bias pa nos, pa no fijus, ku tudu kusas ku no na lebaba.

22N burguñu pidi rei tropas ku kabalerus pa difindinu di inimigu na kamiñu, pabia no falaba ja rei kuma monKap 7.28 di no Deus ta juda tudu kilis ku buskal, ma si forsa ku si raiba sta riba di tudu kilis ku disal.

23Asin no junjuŋa, no pidi no Deus pa i danu bon bias; i kudi no orason.

Ofertas pa templu

24N kuji dozi di ŝefis di saserdoti: Serebias, Azabias, ku des di se ermons,

25N ntrega elis prata ku uru ku vasus ku rei ku si konsijaduris ku si ŝefis, ku tudu pobu di Israel ku staba la, daba suma oferta pa kasa di no Deus.

26N pesa ki kusas oca ku N na ntrega elis. I tenba 22 tonolada di prata, vasus di prata ku pesa 3,4 tonolada, 3,4 tonolada di uru,

27vinti tiẑela di uru ku pesa 8,5 kilu, ku dus vasu di bon metal ku ta lampra, ku ten mesmu balur ku uru.

28N fala elis: “Abos i sagraduSir 21.6 pa SIÑOR, suma e vasus tambi, ku e prata ku uru, oferta ku jinti da di se libri vontadi pa SIÑOR Deus di bo papes.

29Bo guardal diritu tok bo pesal na pursensa di ŝefis di saserdoti ku levitas ku ŝefis di familia di Israel na Jerusalen, na armazens di kasa di Deus.”

30Asin ki saserdotis ku levitas e risibi ki pesu di prata, uru ku vasus, pa leba elis pa kasa di no Deus na Jerusalen.

Bias pa Jerusalen

31Na dia 12 di purmeru mis no sai di ki kau lungu di riu Aava pa bai pa Jerusalen. Mon di no Deus staba riba di nos, i libranu di mon di inimigus, ku kilis ku na montianu na kamiñu.

32No ciga na Jerusalen, no diskansa la tris dia.

33Na kuartu dia, na kasa di no Deus, Meremot, fiju di saserdoti Urias, pesa ki prata ku uru ku vasus; Eleazar, fiju di Fineias, staba ku el, ku ki levitas Jozabad, fiju di Jesua, ku Noadias, fiju di Binui.

34E fasi konta, e pesa tudu; na ki mesmu ora ki pesu skirbidu.

35Kilis ku riba di katiberasku e kema ofertas pa Deus di Israel: 12 turu pa tudu Israel, 96 karnel macu, 77 fiju di karnel, ku 12 kabra macu suma oferta pa pekadu. Kila tudu kemadu pa SIÑOR.

36E ntrega ordisKap 7.21-24 di rei pa funsionarius di rei ku gubernaduris di Trans-Eufrates. Elis e kumsa na juda pobu ku kasa di Deus.