Atus 22 - Portuguese Creole Bible, Guinea-Bissau

1“ErmonsKap 7.2 ku papes, bo sukuta ña difesa ku N na fasi bo dianti.”

2Oca e obi i na fala elis na lingua di judeus, e fika ku mas silensiu.

El i kontinua, i fala:

3“Ami iKap 21.39; Rom 11.1; Fil 3.5 judeu, padidu na Tarsu di Silísia, ma N kriadu ne prasa li. Bas di Gamaliel N nsinaduKap 5.34; Gal 1.13-14 diritu na tudu puntu di lei di no papes. N sirbi Deus ku tudu mpeñu, suma ku bo ta fasi aos.

4N pirsigiKap 8.3; 26.9-11; Fil 3.6; 1 Tim 1.13 jinti de kamiñu li te na mortu. N prindi elis, omis ku minjeris, N bota elis na kalabus.

5Ŝef di saserdotis ku tudu garandis di Konseliu e pudi konfirma es ku N na fala. N risibi kartasKap 9.2-7 na se mon pa se ermons judeu na Damasku. N na baiba la pa prindi krentis ku staba la, pa tisi elis maradu pa Jerusalen pa e kastigadu.

6“Oca N staba na kamiñu, pertu ja di Damasku, kuas me-dia, di repenti un garandi lus di seu rodian.

7N kai na con, N obi un vos ku na puntan: ‘Saulu, Saulu, ke ku manda bu na pirsigin?’

8N puntal: ‘Abo i kin, Siñor?’ I falan: ‘Ami i Jesus di Nazaré, kil ku bu na pirsigi.’

9Kilis ku staba ku mi na bardadi e oja lus,Dan 10.7 ma e ka ntindi vos di kil ku na papiaba ku mi.

10N puntal: ‘Siñor, ke ku N dibi di fasi?’ Siñor falan: ‘Lanta, bu bai pa Damasku; la bu na kontadu tudu tarbaju ku bu distinadu pa fasi.’

11Suma ku N ka na ojaba nada pabia di forsa di ki lus, ña kumpañeris pegan na mon, e leban tok N ciga na Damasku.

12“Un omi riliẑiosu comaduKap 9.17 Ananias, ku ta yanda konformi no lei, ku tudu judeus ku moraba la ta papia ben del,

13i bin nunde mi, i sikidu na ña ladu, i falan: ‘Ermon Saulu, torna oja mas!’ Na ki mesmu ora ña uju yabri, N ojal.

14I falan: ‘Deus di no papes jumna i kujiuKap 9.15 ja pa bu kunsi si vontadi, pa bu oja1 Kor 15.8 ki Algin Justu, pa bu obi fálaKap 22.7-10,18; Kap 9.4-5; 18.9; 23.11; 27.23-24 di si boka,

15pabia bu ten ku sedu siKap 4.20; 23.11; 26.16 tustumuña, pa konta tudu jinti ke ku bu oja, ku ke ku bu obi.

16Agora, ke ku bu na pera? Lanta, buKap 2.38; 9.18 batisa, bu coma nomiRom 10.13 di Siñor, pa bu pekadu labadu.’

17“Oca N riba pa Jerusalen, N staba na kasa di Deus, N na ora. Ña sintidu2 Kor 12.2 bai lunju, N sinti N ka sta na mi.

18N oja Siñor, i falan: ‘Fasi dipresa, bu janti, bu saiMat 10.14 na Jerusalen, pabia e ka na seta tustumuñu ku bu na da di mi.’

19N falal: ‘Siñor, e sibi diritu kuma N ta baiba na kada kasa di juntamentu, N ta suta kilis ku fia na bo, N bota elis na kalabus.

20Oca ku sangi di bu tustumuña StevonKap 7.58; 8.1 darmadu, N mati, N kontenti ku si mortu; ropa di kilis ku matal staba na ña mon.’

21Siñor falan: ‘Bai, pabia N na mandau lunju pa jintiKap 9.15-16; 13.2,46-47; 18.6; 26.17; 28.28; Rom 1.5; 11.13; 15.16; Gal 1.15-16; 2.7-8; Ef 3.8; 1 Tim 2.7 ku ka sedu judeu.’ ”

Paulu, sidadon romanu

22Jinti sukutal tok i ciga ne palabra. E kumsa na grita, e fala: “Mata e omi! Algin suma el i ka mersi sta na mundu!”

23E na grita, e na ferca kapas, e na manda reia pa riba.

24Kumandanti da ordi pa e leba Paulu dentru di kuartel, i manda pa e puntal, e sutal tok i konta ke ku manda jinti na grita asin kontra el.

25Oca e na maral ku korda, Paulu punta kapiton ku staba la: “Nta i ka kontra lei pa bo suta sidadonKap 16.37 di Roma sin i ka ojadu kulpadu?”

26Oca ku kapiton obi ki palabra, i bai konta kumandanti, i falal: “Jubi ke ku bu na bai fasi, pabia ki omi i romanu.”

27Kumandanti bai pa Paulu, i puntal: “Kontan de, abo i romanu?” Paulu ruspundil: “Sin, Siñor.”

28Kumandanti falal: “N paga garandi pres na diñeru pa N pudi ten e diritu di sidadon.” Paulu falal: “Ma ami N padidu janan sidadon.”

29Ki ora kilis ku staba pa fasil purgunta e rakua kinti-kinti. Te kumandanti, oca ki sibi kuma Paulu i romanu, i panta, suma ki mandaba maral.

Paulu dianti di Konseliu

30Sol mansi. Kumandanti misti sibi sertu ke ku judeus na akusa Paulu del; i tiral korenti, i manda pa ŝefis di saserdoti junta ku tudu Konseliu, i leba Paulu, i pul sikidu se dianti.