Lukas 23 - Portuguese Creole Bible, Guinea-Bissau

Jesus dianti di Pilatus(Mat 27.1-2,11-14; Mar 15.1-5; Jon 18.28-38)

1Tudu ki jinti lanta, e leba Jesus pa Pilatus,

2e kumsa na akusal, e fala: “No oja es omi i na pui pobu lantaAt 17.7; 24.5 kontra gubernu, i na fala pa ka e paga mpustuMat 22.21 pa rei garandi; i fala tambi el i Kristu ku ten ku sedu rei.”

3Pilatus punta Jesus: “Abo i rei di judeus?” Jesus ruspundi i falal: “Añu ku fala.”

4Pilatus fala ŝefis di saserdoti ku tudu jinti: “N ka oja nin un kulpa2 Kor 5.21; 1 Ped 2.22 ne omi.”

5Ma e na ntemaba kada bias mas, e na fala: “I ta turmenta pobu ku kusas ki na nsina na tudu Judeia; i kumsa na Galileia, i ciga te li.”

Jesus mandadu pa Erodis

6Oca ku Pilatus obi elis e coma Galileia, i punta si Jesus i di la.

7Oca ki sibi kuma i seduba di reẑion di reiKap 3.1 Erodis, i mandal pa Erodis ku staba tambi na Jerusalen na ki dias.

8Oca ku Erodis oja Jesus, i kontenti dimas, pabia i tarda ki mistibaKap 9.9 ojal, suma ki obi manga di kusa del. I na peraba pa i fasi kualker milagri si dianti.

9I fasil manga di purgunta ma Jesus ka ruspundilIs 53.7 nada.

10Ŝefis di saserdoti ku pursoris di lei na akusalba ku tudu forsa.

11Erodis ku si soldadusIs 53.3 e njutil, e fasil trosa; e bistil un ropa ku si bonitasku ta parsintidu suma di rei, e ribantal pa Pilatus.

12Na mesmu dia Pilatus ku Erodis e pui sabiAt 4.27 ku ŋutru, pabia e ka filaba.

Jesus kondenadu pa muri(Mat 27.15-26; Mar 15.6-15; Jon 18.39–19.16)

13Pilatus junta ŝefis di saserdoti ku otridadis ku pobu, i fala elis:

14“Bo tisin e omi li, bo fala kuma i ta lantanda pobu kontra gubernu, ma N puntal bo dianti, N ka oja nel nin un di ki krimis ku bo fala.

15Nin Erodis tambi ka ojal kulpadu, pabia, suma ku bo oja, i torna ribantanu el. I ka fasi nada ku mersi mortu.

16Asin N na kastigal, N largal.”

[

17Na tempu di festival i tenba obrigason di larga elis un prezu.]

18Tudu multidon grita tudu juntu, e fala: “Fora ku es li! Larganu Barabás.”

19Barabás puduba na kalabus pabia i lantanda pobu na prasa kontra gubernu; tambi i mataAt 3.14-15 algin.

20Pilatus torna papia ku elis mas, pabia i misti larga Jesus,

21ma e ruspundi ku gritu: “Krusifikal! Krusifikal!”

22Terseru bias Pilatus papia ku elis, i punta: “Ma kal mal ki fasi? N ka oja nel nin un krimi ku mersi mortu. Asin N na kastigal, N largal.”

23Ma elis e na ntemaba, e na grita ku forsaAt 3.13 pa i krusifikadu, tok e ngaña ku se gritus.

24Pilatus ojaSai 23.2 kuma i dibi di fasi suma ke pidi.

25I larga elisDit 17.15 kil ke pidi, ku sedu kil ku pudu na kalabus pabia i lantanda pobu kontra gubernu, tambi i mata algin. I ntrega Jesus pa se vontadi.

Jesus na kamiñu pa bai muri

26Oca ke na lebal, e paña un omi comadu Simon, di prasa di Sireni, ku na binba di matu. E kargantal krus na kosta pa i lebal tras di Jesus.

27Garandi multidon na bai si tras, ku utru minjeris ku na cora, e na miskiña.

28Jesus rabida pa elis i fala: “Minjeris di Jerusalen, ka bo cora pa mi. Bo cora pa bos propi, ku bo fijus,

29pabia dias na bin ku jinti na fala: ‘Sortiadu kilis ku ka teneKap 21.23 fiju, ku nunka ka padi, e ka mamanta.’

30Na ki tempu e na kumsa fala montis: ‘Bo kaiOs 10.8; Apok 6.16 riba di nos.’ E na fala montisiñus: ‘Bo sukundinu.’

31Si e trata madera verdi de manera, ke ku na seduDit 11.31; Jer 25.29; Ez 20.47; 1 Ped 4.17 ku ki seku?”

Krusifikason(Mat 27.32-44; Mar 15.21-32; Jon 19.17-27)

32Tambi e leba utru dus omi ku seduba kriminosu, pa e muri juntu ku Jesus.

33Oca e ciga na lugar comadu Kaku di Kabesa, la ke krusifikal, ku kiIs 53.12 kriminosus, un son na direita, utru na skerda.

34JesusMat 5.44; At 3.17; 7.60; 1 Kor 4.12-13; 1 Tim 1.13 fala: “Ña Pape, purda elis, pabia e ka sibi ke ke na fasi.” E juga sortiSal 22.18 pa rapati si ropa.

35Pobu sikidu, e naSal 22.17 jubi. Tambi otridadis di judeus na fasilba trosa, e na fala: “I salba utru jinti; pa i salba si kabesa si el i Kristu, kil ku Deus kuji!”

36Soldadus tambi na fasilba trosa, e bai nunde el, e dal vinagri,

37e falal: “Salba bu kabesa si abo i rei di judeus!”

38Riba del i staba skritu e palabra: “ES I REI DI JUDEUS.”

39Un di ki kriminosus ku pindradu njurial, i puntal: “Nta abo i ka Kristu? Salba bu kabesa, bu salbanu tambi.”

40Ma ki utru jusia ku el, i puntal: “Abo inda bu ka ta rispita Deus? Bu na sufri mesmu kastigu suma e omi li.

41Pa nos i justu, pabia no na risibi kil ku no mersi pa mal ku no fasi, ma es, nin un mal i ka fasi.”

42Dipus i fala: “Jesus, lembra di mi ora ku bu yentra na bu renu.”

43Jesus falal: “N na kontau bardadi, aos propi bu na sta ku mi la na Paraísu.”

Mortu di Jesus(Mat 27.47-56; Mar 15.33-41; Jon 19.28-30)

44Kuas me-dia; sol kubri; tudu tera fika sukuru te tris ora di tardi.

45Kurtina di kasa di Deus rumpiEb 6.19 na metadi.

46Jesus grita risu, i fala: “Ña Pape, N ntrega ña spirituSal 31.5; 1 Ped 2.23; 4.19 na bu mon.” I kaba di fala asin, i muri.

47Kapiton di guarda oja kil ku kontisi. I ngaba Deus, i fala: “Na bardadi e omi i seduba justu.”

48Tudu multidon di jinti ku juntaba pa mati krusifikason e oja kil ku kontisi, e kumsa bati na pitu, e riba pa kasa.

49Tudu kilis ku kunsiSal 38.11; Jon 19.25 Jesus, ku minjeris ku binba ku el di Galileia, e staba un bokadu lunju, e na jubi e kusas.

Jesus nteradu(Mat 27.57-61; Mar 15.42-47; Jon 19.38-42)

50-51I tenba un omi comadu José, di un prasa di Judeia comadu Arimateia. I seduba un bon omi justu ku na perabaKap 2.25,38 renu di Deus. Kontudu i seduba membru di Konseliu, i ka konkorda1 Tim 5.22 ku kil ke ruma, nin ku kusas ke fasi.

52I bai pa Pilatus, i pidil kurpu di Jesus.

53Oca ki tiral na krus, i mbuljal na un lensol, i pul na un koba ku kobadu na roca, nunde ku ningin ka puduba inda.

54I seduba dia di purparason pa mansi dia di diskansu.

55MinjerisKap 23.49; 8.2-3; At 1.14 ku binba ku el di Galileia e bai tras di José, e oja koba, kuma ku kurpu pudu la.

56E riba pa kasa pa purpara pomadas ku purfumus. Dia di sabaduSai 20.8-11 e diskansa, suma ku lei manda.