Salmus 22 - Portuguese Creole Bible, Guinea-Bissau

Salmu di Davi pa ŝef di musika, pa sedu kantadu ku musika di “Gazela di parmaña”.

1Ña Deus, ña Deus, pabia di keMat 27.46 ku bu bandonan?

Ke ku manda bu sta lunju di palabras

ku N na gritaEb 5.7 pa bo, bu ka na salban?

2Ña Deus, N ta comau di dia, bu ka kudin;

N ta comau di noti, N ka ten susegu.

3Abo i ki Deus Santu ku Israel ta ngaba;

bu sta sintadu na tronu.

4No papes fiansa na bo;

e fia, bu libra elis.

5E comau, e kapli;

e fiansa na bo, e ka fika na borgoña.

6Ami N ka sedu ja omi, N seduJo 25.6; Is 53.3 mañoka;

jinti ta koban, e njutin!

7Tudu jinti ku ojan e ta fasinMat 27.29,39 trosa,

e tira se lingua, e balansa kabesa, e fala:

8“I fiansaMat 27.43 na SIÑOR;

pa SIÑOR salbal;

pa i libral, suma ki gosta del!”

9Abo ku tiran na bariga di ña mame,

bu guardan oca ku N na mamaba inda.

10N ntregadu na bo disna ku N padidu;

desdi bariga di ña mame bu sedu ña Deus.

11Ka bu lunjusi di mi, pabia foronta sta pertu;

i ka ten ningin ku na judan.

12Manga di jinti na tajan suma turus;

e rodian suma ki turus forti di Basan.

13E yabri boka kontra mi, suma lion

ku na pupa, i sapa-sapa kil ki paña.

14Ña forsa na darmaduJo 30.16; Dit 17.22; Dan 5.6 suma yagu;

ña os tudu disloka.

Ña korson torna suma sera ku ribi dentru di mi.

15Ña forsa seku kan!

Ña lingua pega na jinjirba;

bu ditandan na reia di mortu.

16Manga di omi mau junta,

e rodian suma kacuris, e furanJon 19.18,34,37; 20.25-27; Apok 1.7 mon ku pe.

17N pudi fasi konta di tudu ña os;

elis e na oja pa mi, e ŋuminin.

18E rapatiMat 27.35; Jon 19.23-24 ña ropa entri elis;

e juga sorti riba di ña kamisoti.

19Ma abo, SIÑOR, ka bu lunjusi di mi;

abo ku sedu ña forsa, janti pa sakuran.

20Libran di spada;

ña vida ku ten balur, salbal di forsa di ki kacuris.

21Salban di boka di2 Tim 4.17 lions;

ku cifris di turus brabu.

22N na papia di bu nomi pa ña ermons;

N na ngabau na metadiKap 40.9; Eb 2.12 di juntamentu.

23Abos ku ta rispita SIÑOR, bo ngabal!

Abos tudu di jorson di Jakó, bo dal onra!

Abos tudu di jorson di Israel, bo rispital!

24I ka dispreza, nin i ka disdangu

sufrimentuKap 102.17; Is 63.9 di kil ku foronta,

nin i ka sukundi si rostu del.

Oca ku kila comal pa i sakural, i obil.

25I abo ku ta pui garandi juntamentu pa e ngaban;

N na kumpri purmesasKap 56.12; 116.14 dianti di kilis ku rispitau.

26Koitadis na kume,Jon 6.11-12,51,57 e farta;

kilis ku buska SIÑOR na ngabal.

N dija pa e ten koraẑen pa sempri!

27Jinti di tudu parti di mundu na lembra,

e na konverti pa SIÑOR.

Tudu familias di nasons e na mpina si dianti, pa adoral,

28pabia renuKap 24.10; Mat 6.13 i di SIÑOR;

i el ku na guberna nasons.

29Tudu garandis di mundu na bin kume, e adoral;

tudu kilis ku na ria pa koba na mpina si dianti,

suma tambi kilis ku ka pudi guarda se propi vida.

30Jorsons di futuruKap 78.6 na sirbil,

e na kontadu aserka di SIÑOR.

31E na anunsia pa jinti ku na bin padidu

kuma Deus i justu; i el ku fasi e kusas.