Salmus 59 - Portuguese Creole Bible, Guinea-Bissau

Miktan di Davi pa ŝef di musika, oca ku Saul manda omis pa guarda kasa di Davi, pa matal (1 Sam 19.11). Pa i kantadu ku musika di “Ka bu dana”.

1Ña Deus, libran di ña inimigus,

guardan di kilis ku ta lanta kontra mi.

2Libran di kilis ku ta fasi mal;

salban di omis ku ta darma sangi.

3Jubi kuma ke na montian1 Sam 26.18 pa paña.

Omis forti na junta kontra mi, SIÑOR,

sin N ka fasi pekadu o kualker kusa di mal.

4N ka ten kulpa, ma e na janti pa purpara.

Disperta pa bin judan, bu jubi.

5SIÑOR, Deus ku ten tudu puder, Deus di Israel,

disperta pa kastiga tudu nasons;

Ka bu ten pena di nin un di falsiaduris ku ta fasi mal.

Sela

6E ta riba di tardi, e fasi ronda di prasa,

e ta rasmunga suma kacur,

7e ta grita manga di saklata;

se palabras ta fidi suma spada;

e ta pensa kuma ningin ka na obi.

8Abo, SIÑOR, bu ta riKap 2.4; 37.13 elis;

bu ta fasi trosa di tudu nasons.

9N pui ña speransa na bu forsa,

pabia abo, o Deus, i ña kau altu di suguransa.

10Deus, na si bondadi, i na bai ña dianti,

i na pun pa N oja ña inimigus kastigadu.

11O SIÑOR, no tajadera,

ka bu mata elis, pa ka ña pobu diskisi;

pajiga elis ku bu puder, bu bati elis.

12Pabia di pekadu di se boka ku palabras ke papia,

pui pa e pañadu na se orgulyu.

Manera ke ta maldisuaKap 109.17 jinti, e konta mintida,

13kaba ku elis na bu raiba;

limpa elis pa ka e izisti mas,

tok jinti di tudu parti di mundu

sibi kuma Deus rena na Israel.

Sela

14E ta riba di tardi, e fasi rondaKap 59.6 di prasa,

e ta rasmunga suma kacur.

15E ta yanda-yanda pa buska kusa di kume;

si e ka farta, e ta jimi.

16Ma ami, N na kanta aserka di bu forsa;

parmaña N na kanta ku kontentamentu

aserka di bu bondadi,

pabia bu seduba ña kau altu

nunde ku N fikaba suguru na dia di foronta.

17Abo, ku sedu ña forsa, N na kanta pa ngabau,

pabia abo i Deus ku ta guardan,

Deus ku ta mostran bondadi.